¹ demi pekhkikhoh-Na janah demi kekhajaen-Na, deket mekhtuhu-tuhu, aku Mekhtenah mendahi kona i jolo Allah deket Isa Almasih si naing menghakimi jehma si nggeluh deket si mate: ² bekhitaken mo fikhman, siap sedia mo mende bakhang pe otang mende waktu na; tegukh mo, pesenget mo, janah dukung mo kalak i mekhdengan kesabakhen kelek deket pengajakhen. ³ kumekhna, naing khoh katikana enggo kessa jehma-jehma otang geut ne menjalo ajakhen sehat. sebalikna, lako ki puasken coping, kalak i naing ki pepulungken gukhu-gukhu mendahi dikhi kalak i sendikhi si dos deket sini pot kalak i. ⁴ kalak i naing mengalihken pemegen kalak i i kebenakhen nai janah mulak mi dongeng-dongeng. ⁵ sedangken kona, hati-hati mo i bages khatana hal, mekhtahan mo i bages kini ndekhsa, khajoken mo khajo ki bekhitaken Injil, janah siapken mo pelayanenmu. ⁶ kumekhna, aku enggo i cukhahken bage cawan pekhsembahen, janah pekhkilaus ku enggo tiba. ⁷ Aku enggo mekhpaccu i bages paccuen si mende; aku enggo ki sidungi pekhtandingen; aku enggo ki pelihakha iman. ⁸ genden, mahkota kebenakhen nggo i sediaken bangku. i wakhi idi, Tuhan, Hakim si adil, naing ki hadiahken mendahi aku, janah otang kessa bangku, melainken pe mendahi khatana jehma si kitedohken pekhkikhoh-Na. ⁹ usahaken mo lako ndokh khoh mendahi aku ¹⁰ kumekhna Demas menadingken aku, kumekhna ia mensekeli dunia enda janah laus mi Tesalonika. Kreskes enggo laus mi Galatia janah Titus mi Dalmatia. ¹¹ Lukas kessa si khebakku. Aleng mo Markus janah embah mo ia khebak aku kumekhna ia penting kelek bangku lako pelayanen. ¹² Aku enggo kipasulak Tikhikus mi Efesus. ¹³ mella kona khoh, embah mo jubah si kutadingken mi Karpus i Troas janah pe buku-bukuku, tekhutama khatana pekhkamen idi. ¹⁴ Aleksander, si tukang besi idi, enggo kikhogiken aku kelek. Tuhan naing ki bales dos deket pengelakona. ¹⁵ kona hati-hati ma mo tekhhadep ia kumekhna ia menentang kelek i ajakhen ta. ¹⁶ i pembelanku si pekhlebe, otang lot hada kalak pe si ki dukung aku kumekhna khatana enggo ki tadingken aku. sai hal enda otang i balesken i babo kalak i. ¹⁷ tapi, Tuhan cendekh i gembakh ku janah mempekhgegohi aku sampe kabakh idi boi i bekhitaken khatana mekhkiteken aku, janah khatana kalak otang Yahudi boi kedengkoh. dengan bagidi, aku ipeluahken i babah Singa nai. ¹⁸ Tuhan naing kiselamatken aku i khatana pengelako si jahat janah naing mekhembah aku mi kekhajaen sukhgawi-Na janah selamat. bana Ia mo kemuliaen soh mi sidekah-dekahna. Amen. ¹⁹ sohken salam ku mendahi Priskila deket Akwila, janah mendahi seisi hapo Onesiforus. ²⁰ Erastus tong tading i Korintus, deket Trofimus ku tadingken i bages keadaen sakit i Miletus. ²¹ usahaken mo khoh mi henda sindekhang makden musim mbekhgoh. Ebulus, Pudes, Linus, Klaudia, janah khatana senina hada iman ki kikhim salam mendahi kona. ²² Tuhan ki dengani ruh mu. Anugerah ki dengani kona.