¹ Bgendakhi, tekhsenget pekhkikhoh Tuhan ta, Isa Al-Masih, janah enggo kesa i pekhsadaken kita kakhina khebbak ken Ia, kami mengido bamu, ale dengan-dengan, ² Asa kona ulang tokh bingung i bagasen pikikhen mu bakhang gelisah pas mendengkoh akhi Tuhan enggo khoh, makhang i khuh nai ato tenah bakhang sukhat-sukhat seolah-olah bai nami nai. ³ Ulang beli hada kalak pe menesatken kona bakhang cakha bakune pe. Kekhna, akhi idi otang ngo khoh mula otang deng lot khoh mukhtad janah khoh kalak jehma jahat i nyataken imo dukak kematen, ⁴ Si melawan deket pedatesken dikhina mendahiken kakhina sini dokken allah ato si i sembah jehma janah ia muat bekas kundul i Bait Allah janah mendokken dikhina sebagai Allah. ⁵ Otang ngo enget kona pas aku khebbak deng bak kona, aku memagahken enda bamu? ⁶ Bagendakhi, kona memetoh kade si si menahan ia sehingga bakhu i saat na idi i pekhtuhu. ⁷ Kekhna, mistekhi kedukhhakaen enggo ngo kekhajo, cuma ia bagendakhi menahan na janah tong ⁸ Enggo i, jehma jahat i kenah i petekhidah ken bagi pe Tuhan naing memunuhna deket kessah babah-Na membalangken enggo kesa pekhkikhoh-Na ⁹ pekhkikhoh jehma si jahat kenah cocok dekket kekhajo iblis deket kakhina mekhbage kuasa, tanda-tanda ajiab, deket mukjizat-mukjizat palsu, ¹⁰ deket kakhina si jahat i mendahi kalak i naing i capakken kakhina kalai menulak naing mekhmaseh ate kebenakhen asa i selamatken. ¹¹ Kekhna nai, Allah mengikhim kelalingen hebat bai kalak i asa pekhcaya mendahiken kalak si luap, ¹² imo asa kalak dapet i hakimi, kekhna kalak i otang pekhcaya mendahiken kebenakhen deket senang mendahi kejahaten. ¹³ Dengan-dengan sini masehen ate Tuhan, kami kenah tong mekhlolo ate mendahiken Allah untuk kon kekhna, Allah enggo memilih kona i mulai na nai mulai nai kin ngo i selamatken mekhkiteken khoh deket iman ibas kebenakhen. ¹⁴ Mekhkiteken imo Allah menenggoi kona mekhkiteken Injil si ku sukutken kami asa kona mendapetken kemuliaen Tuhan kita Isa Al-Masih. ¹⁵ Jadi dengan-dengan cendekh mo kuat janah jemak mo ajakhen-ajakhen si enggo i ajakhken mendahi kona melalui pekhantakhaen sukhat nami. ¹⁶ Bagendakhi, mula Tuhan ta Isa Al-Masih, Isa Al-Masih sendikhi deket Allah Bapa ta, si enggo si mekhmaseh ate banta deket si memekhek penghibukhen si ndekkah na deket penghakhapan si mende mekhkiteken anugkhah, ¹⁷ menghibukh deket pekuatken ate mu i bas setiap pekekhajon deket pekhkataen si mende