¹ i Paulus nai, jadi rasul Isa Almasih kumekhnaken pekhintahken Allah, jukhu selamat ta, janah Isa Almasih, penghakhapen kita. ² lako Timotius, dukak si sah i bages iman. Anugekhah, pekhmaseh ate, janah dame sejahtekha be Allah Bapa kita deket Isa Almasih, Tuhan kita. ³ sibakune aku mengido mendahi kona enggo kessa aku bekhkat mi Makedonia, tong mo tading i Efesus asa kona boi mentkhengetken piga-piga kalak asa kalak i otang mengajakhi ajakhen-ajakhen sideban, ⁴ makhang pe memusatken pekhdateen kalak i mi dongeng-dongeng deket silsilah-silsilah si otang lot habisna. idi pekhkikhohken pekhubaten, otang ngo kidalanken khejo pelayanen Allah si i khejoken iman. ⁵ tapi, tujuen pekhintah idi imo keleng si mekhbekas i ate nai si mbekhsih, nukhani si mende, deket iman si tulus ⁶ piga-piga kalak enggo menimpang i tujuen enda janah tekhsesat i bages pencekhoken si otang lopt gunana. ⁷ kalak i pot jadi ahli Hukum Taukhat, tapi otang mengantusi kade si kalak idi ckhoken makhang pe hal-hal si kalak idi pekhcayai. ⁸ tapi, kita betoh Hukum Taukhat idi menda mella kalak idi memain sibakune situhuna, ⁹ deket kesadakhen mella Hukum Taukhat i otang lako kalak si tuhu, melainken lako pelanggakh hukum janah pengalo, kalak fasik janah kalak pekhdosa, kalak si otang suci janah duniawi, kalak si memunuh bapak deket cecek na sendiri, memunuh, ¹⁰ kalak asusila si mengulaken dosa seksual, homoseksual, penangko, pebual, saksi si otang tuhu, janah makhang ise pe si melawan ajakhen si mende, ¹¹ imo ajakhen Injil si mulia be Allah Sumbekh Bekhkat, si enggo i pekhcayaken mendahi aku. ¹² Aku mekhsampang ate mendahi Ia si enggo i pekhgegohi aku, imo Isa Almasih, Tuhan tas, kumekhna Ia i anggap aku setia janah memaingken aku i bages pelayanen en. ¹³ mula pe si pekhlebe aku hada kalah pengupat, tukang ki aniaya, janah kalak si kejam, tapi aku menjalo maseh ate kumekhna kin aku memaingken si otang ku betoh janah i bages si otang mekhkepekhcayaen. ¹⁴ Tuhan ki bkheken mendahi aku anugekhah si melipat-lipat, khebaken deket iman janah maseh ate i bages Isa Almasih. ¹⁵ kata enda boi i pekhcaya deket bisa mang i jalo khatana mella Isa Almasih khoh mi dunia lako ki selamatken kalak-kalak pekhdosa; i antakha kalak i, aku mo si pekhdosa kelek. ¹⁶ en mo alasen ku, aku ki dapet maseh ate, imo asa i bagasen aku, kalak si pekhdosa kelek en, Isa Almasih kipecidahken kesabakhen-Na si mende i bage sicontohen mendahi kalak i si lako pekhcaya mendahi Ia lako menmdapetken ngeluh sidekah-dekah na. ¹⁷ mendahi Raja Khatana zaman, si dekahna, deket si otang tekhidah, sada-sadana Allah, hokhmay deket kemuliaan soh sidekah-dekahna. Amen. ¹⁸ pekhintah en ku bkhekken mendahi kona, Timotius, dukakku, pas bage nubuaten si nung i bkhekken tekhsenget kona, janah deket nubuanten i bekhjuangmo i bages pekhjuangken si mende, ¹⁹ deket mencekep iman janah ate mbekhsih si mende. piga-piga kalak nggo ki tolak memainken gabe landas iman kalak i. ²⁰ i antakha na imo Himeneus deket Aleksander, si enggo ku bkhekken mendahi Begu asa kalak i belajakh lako otang mengupat.