¹ Bagenmo jadina mella jehma mempekhetongken kami imo sebage pengekut-pengekut Almasih deket jehma-jehma si ipekhcayaken rahasia-rahasia Allah. ² Mella bagi, jehma-jehma si ipekhcayaken bak hal-hal si mahal hakhusmo ibuktiken mella kalak idi boi ipekhcaya. ³ Nca,mella bangku otang ngo penting mella aku kena hakimi kumekhna kona bakhang pe i pengadilen jehma i. Bahken, aku sendikhi otang menghakimi dikhiku. ⁴ kekhna, aku otang sadakh bakhang kadepe i bagas dikhiku sendikhi. Tapi, otang kumekhna idi aku i benakhken, melainken Tuhan mo si kihakimi aku. ⁵ Kumekhna idi, ulang mo menghakimi sendekhang makdeng waktuna, imo sendekhang makdeng khoh Tuhan. Ia mo silako kitekhangi hal-hal si cebuni i bages kegelapen deket lako kipecidahken maksud-maksud ate. Bakhu, kakhina jehma lako menjalo pujian be Allah. ⁶ Kaum-kaum, aku enggo kitekhapken hal-hal enda i babo dikhiku sendikhi deket Apolos demi kona asa bisa i bagasen kami, kona bisa belajakh lako otang kilewati kade sitekhtulis sehingga otang lot salah hada i antakha kona gabe sombong mendahiken sidebanna. ⁷ kekhna, ise mo kibeda-bedaken kona? kade sikona miliki,si otang kona jalo? Janah, mella tuhu ngo kona menjalona, kasa kona kisombongken dikhi seolah-olah kona otang menjalosa? ⁸ Kona enggo i besukhken, kona enggo jadi beak! tanpa kami, kona enggo jadi raja! Aku menghakhap kalon taba kona kumekhna kona enggo jadi raja asa kami pe bisa memekhintah khebak kona. ⁹ Kumekhna, menukhutku, Allah enggo kibaingken kami, para rasul, i bekas si pekhpodi, bage kalak si kena bain hukumen mate,kumekhna kami ijadiken tontonen mendahi dunia, bakhang mendahi malaikat-malaikat barangpe jehma. ¹⁰ Kami moto demi Almasih, tapi kona bijaksana ibagas Almasih. Kami lemah, tapi kona kuat. Kona mekhakhga, tapi kami hina. ¹¹ Soh bagendakhi en, kami melehe deket muas, mekhpaken mekhibak-khibak,i tenjui, deket gelluh mekhmakan. ¹² Kami susah payah, khajo bak tangan kami sendikhi. waktu kami i caci-maki, kami membekhkati. Enggo kesa kami i siksa, kami mekhtahan. ¹³ Enggo kesa kami i fitnah, kami mengaloi deket ramah. Bahken,soh bagendakhi,kami menjadi bage sampah dunia en, kotokhen i segala kakhina nai. ¹⁴ Aku menulis tentang hal-hal enda otang lako ki pekhmelaken kona,melainken lako kisengeti kona bage dukak-dukak si kukekellengi. ¹⁵ kekhna, sekali pe kona lot sepuluh khibu gukhu ibages Isa Almasih, kona otang mbue bapa. kumekhna ibages Isa Almasih, aku mo si menjadi bapa mu lewat injil. ¹⁶ Jadi, aku menukhuh kona, jadi mo jehma si menguei teladan ku! ¹⁷ Imo sebabna,aku enggo mengutus taba kona si Timotius, dukak si kukellengi deket si setia ibages Tuhan. Ia lako kipesenget kona mengenai dalan-dalanku ibagas Almasih, bage si kuajakhken bakhang idike pe, ibagas kakhina jemaat. ¹⁸ Piga-piga kalak i antakha kene nai gabe sombong, seolah-olah aku otang naing khoh nenge mendahi kona. ¹⁹ Tapi, aku naing khoh mendahi kona , mella Tuhan mengkehendaki, janah aku naing memetoh otang pelin cekhok jehma-jehma sombong idi, tapi deket kuasa kalak idi. ²⁰ Kumekhna, kerajaan Allah otang ibagas pekhkataan, melainken ibagas kuasa. ²¹ Kade sinaing bamu? Hakhus ngo aku khoh mendahi kona mekhdengan tongkat atau mekhdengan kasih deket ruh kelemahlembuten?