¹ Jadi mo gabe jehma si menguei teladanku, bage aku pe ijolo Almasih. Tanda Kekuasaen ² Bgendakhi, aku memoji mu kumekhna kona mengegetku ku ibagas kakhina hal janah memaingken adat-adat bage si kudokken mendahi kona. ³ Tapi, aku pot kona memetoh kumekhna takal kakhina dahuli imo Almasih, takal dabekhu imo dahuli, janah takal Almasih imo Allah. ⁴ kakhina dahuli si mekhdosa janah mekhnubuat bak takal simekhtudung otang menghokhmati takalna. ⁵ Tapi, kakhina dabekhu simekhdosa bakhang mekhnubuat bak takal siotang mekhtudung, menghina takalna, hal enda dos bage takal si icukur. kekhna, mella hada kalak otang menudungi takal na, bakhan mo ipotong ⁶ kakhina buk ni. Tapi, ukum mela ngo i akap dabekhu i ipotong buk na bakhang pe i cukkukh buk na i, belli mo ia menudungi takal na. ⁷ Dahuli otang ngo ndokhok ki tudungi takal na kumekhna ia imo gambakhen deket kemuliaan Allah. Tapi, dabekhu imo kemuliaan dahuli. ⁸ Dahuli otang mekhasal i dabekhu nai, tapi dabekhu mekhasal i dahuli nai. ⁹ Janah, dahuli otang lako taba dabekhu, tapi dabekhu lako taba dahuli. ¹⁰ Imo sebabna, dabekhu hakhus lot tanda kekuasaen i takal na kekhna pakha malaikat. ¹¹ Enggo kesa bagi, ibagas Tuhan, otang lot dabekhu tanpa dahuli, bagima dahuli tanpa dabekhu. ¹² kekhna, dabekhu mekhasal idahuli nai, bagi mang dahuli tubuh melalui dabekhu. janah, kakhina idi khoh i Allah nai. ¹³ Pekhtimbangken mo dasamu, ndokhok ngo taba dabekhu lako mekhdoa taba Allah, ukum oatang i tudungi takal na? ¹⁴ Bahken alam sendikhi mengajakhken taba kona mella gedang buk dahuli, hal idi mekhupaken kehinaan tabana? ¹⁵ tapi, ukum dabekhu gedang buk na, hal idi kemuliaan tabana:kekhna, bukna idi i bekhekken tabana sebagai tudung. ¹⁶ Ukum lot deng kalak sinaing melanggar, kami otang lot kebiasaan idi, bagima deket jemaat Tuhan. Hal-Hal Si Salah Ibagas Perjmuan Kudus ¹⁷ Lako memekheken pekhintah enda, aku otang memujimu kumekhna kona mekhpulung otang lako hal sinaing lebih mende, tapi lako sinaing lebih mekhoha. ¹⁸ Pekhtama, enggo kesa kona mekhpulung sebagai jemaat, aku memege lot ngo pepecahen i antakha kona, janah pekhcaya ngo aku deba. ¹⁹ Kumekhna, hakhus ngo lot pekpecahen i antakha kona asa kalak idi si tekhbukti tahan uji menjadi jelas i antakha kona. ²⁰ Enggo kesa kona mekhpulung i hada bekas si dos, hal idi otang ngo lako mangan pekhjamuen Tuhan. ²¹ Kekhna enggo kesa mangan, setiap jehma mengamet panganen sendikhi pekhjolo sehingga lot ngo si melehe janah sidebanken na mabuk. ²² Otang ngo lot hapo mu lako mangan deket menum? Atau, mungkin ngo kona menghina jemaat Allah janah kipekhmelaken kalak idi si otang lot hakhta? kade ngo sihakhus kudokken taba kona? Hakhus ngo aku memojimu? Tentu mo otang pekhlu idi! ²³ Kumekhna, aku menjalo be Tuhan nai kade si enggo ku sekhahken mendahi kona, bahwa Tuhan Almasih, waktu bekhgin enggo kesa ia i kehianati, mengamet khoti, ²⁴ Bakhu engo kesa mendokken liasate, ia mecebik-cebiken janah mekhcekhok, "En mo daging-Ku, sinaing taba kona; bainken mo jadi pernengeten akan aku." ²⁵ Bagima, Ia mengamet cawan enggo kesa siap mangan janah mendokken, "Cawan enda imo perjanjian baru si ibagas daroh-Ku. Baingken mo enda, setiap kali kona naing mengenumna, menjadi pernengeten kumerna Aku. ²⁶ Kekhna, setiap kali kona mangan khoti enda deket menum i cawan enda, kona kiberitaken kematen Tuhan sampe ia khoh ²⁷ Kumekhna idi, ise si mangan khoti deket menum cawan Tuhan deket cakha si otang layak, ia mekhsalah taba daging deket dakhoh Tuhan. ²⁸ Jehma hakhus mengoji dikhina sendikhi, enggo kesa bagi belli mo ia mangan khoti deket menum i cawan idi. ²⁹ Kekhna, si mangan deket menum tapi otang mengakui daging Tuhan, ia memaingken hukumen sendikhi taba dikhina. ³⁰ Imo sebabna, kasa dom i antakha kona si lemah deket sakit, bahken nakhih mbue ngo mate. ³¹ Janah, ukum kita menilai dikhi kita sendikhi deket benakh, kita otang naing i hukum. ³² Tapi, enggo kesa kita i hukum, kita ididik bak Tuhan asa kita otang i hukum khebak-khebaken deket dunia. ³³ Jadi, senina-senina ku, enggo kesa kona lako mekhpulung lako mangan, sipeman-pemanmo. ³⁴ Ukum lot kalak si melehe, batin mo ia mangan lebe i hapona nai asa ulang kona mekhpulung lako penghakimen. Janah, hal-hal naing naing aku atur enggo kesa aku khoh.