¹ Pangamian erang kaulun wawei walu 1Hantek Yesus nantau ma amau Hanye kaini papire kaulun tatau namasuk parapah here ma kotak parapah. ² Hanye pada kadinung erang kaulun walu paua namasuk 2 kadiki duit tembaga . ³ Yesus kaeyau, "Aku iwara sabujurni manaun walu susah yiri labih hene ngami hingka katuluh ulun tatau yiru. ⁴ Daya here katuluh ngami hingka kalabihan haratani. kude walu yiti ngami parapahni hingka kekuranganni, hanye yiru katuluh sanaan hanghanye pakai nampalus welumni." Siri-Siri Pangalisan Zaman ⁵ Hantek papire murid ganyah basurah neu Bait Allah na hias andri bamasam watusa maeh andri nelang rama parapah, Yesus kaeyau, ⁶ "Sagar hawi wayahni, katuluh sa dinung naun sagar na tanrusak. Pauweng sunah isa watu sa ipasusun sa puang na santumang." ⁷ Balalu, kawan murid nunti ma Hanye,"Guru,hantek awe hal yiru sagar kajadianni?" andri inun tandani amun katuluh yiru sagar kajadian?" ⁸ Sangai Yesus, "Mamaeh himpan naun ada tawang daya hene sagar hawi makai ngaran Ku nelang kaeyau ,Aku na Hanye, nelang waktuni haut riet, Ada naun uma here. ⁹ Kude, hantek naun Karengei neu pibaburan andri pambaruntakan, ada naun takut daya kawan masalah yiru samula musti jari dahulu, kude pangalisanni puang sagar hinang hawi." ¹⁰ Udiyiru Yesus kaeyau ma here, Bangsa sa isa sagar babur pamuru andri bangsa sa lain nelang kerajaan nawan kerajaan. ¹¹ Sagar kajadiaan gempa bumi sa tamam, kakurangen makuta, nelang wahai masam panyakit hang papire unengan. Pada sagar timul kawan kajadian sa ngampitakut nelang siri-siri sa hante hingka langit. ¹² Kude, sahuan katuluh kajadiaan yiti, rama ulun sagar nyama nelang manyiksa naun. Here sagar nyarah naun ma papire sinagoge here namasuk naun ma wuang hene penjara. Here pada sagar ngenei naun nadap kawan raja andri gubernur daya gana ngaran Ku. ¹³ Kude, kajadian yina sagar jari kasampaten ma hanyu neu nahampe kabar maeh. ¹⁴ Daya gana yiru, ampikansing atei naun neu puang bapikir inun sa sagar naantuh neu mambela diri, ¹⁵ daya Aku sagar ngami kawan lengan andri kapintaren ma naun sa puang tau nalawan atawa nasual daya kawan musuh naun. ¹⁶ Naun sagar na sarah daya ulun matueh naun, kawan pulaksanai upu naun, andri kawan hengau naun, nelang here sagar munu papire kaulun hingka naun. ¹⁷ Naun sagar nakuar katuluh ulun daya ngaran Ku. ¹⁸ Kude, puang erang kawila wulu hingka ulu naun sa sagar lawu. ¹⁹ Andri kasabaran naun, naun sagar kaayuh pamelelum." Piwaraan neu hansurni tumpuk Yerusalem ²⁰ Kude, hantek naun kadinung Tumpuk Yerusalem na wuriung rama tantara, naun sagar karasa himat kahansuran haut riet. ²¹ Hintek yiru, ulun rama sa naan hang wilayah Yudea harus nempat ma gunung, ulun rama sa naan hang wuang tumpuk harus tulak kaluar nanan tumpuk, andri ulun rama sa naan hang tumpuk puang iyuh masuk ma kota Yerusalem, ²² Yirulah kawan andrau panghakiman himpan katuluh kajadian sa haut nasurat nasanyari. ²³ Silaka kawan wawei sa ganyah mihauwuntung andri sa lagi ngampumu anak ni hintek yiru daya sagar wuah kasusahen sa tamam hingka lana ni hang tumpuk yiti, nelang panyangit isa hante ma amau bangsa yiti. ²⁴ Here sagar na wunu makai pedang nelang najama daya kawan bangsa asing. Tumpuk Yerusalem naalap kawan bangsa asing hampe wayah Keisha anbangsa yiru galis." Pihawian Anak Murunsia hawuang Pikaeh ²⁵ " Sagar naan kawan tanda hang mateandrau, wulan, andri kawan wawahiyang. Hang bumi, kawan bangsa sagar takut nelang bingung daya gemuruh lautan andri deru ombak. ²⁶ Ulun rama sagar tariah daya takut nelang ngandrei sagar rama hal sa sagar terjadi amau bumi yiti daya sakatuluh kuasa sanaan hang langit sagar na guncangkan. ²⁷ Udi yiru, here sagar kadinung anak Murunsia hawi hang rakun andri kuasa andri kemuliaan sa hante. ²⁸ Amun kawan hal yiru jari, amuan mindri palus mihangut, daya puang lawah lagi naun nasalamat. Panginturen kakau ara ²⁹ Udi yiru Yesus nyarita isa panginturen ma here:"Dinung leh kakau ara andri kakau sa lain. ³⁰ Amun kawan kakau yiru tumu kawan rawen ni, naun sagar kataru nelang karasa amun musim malaing haut riet. ³¹ Kalayiru pada amun naun kadinung kawan kajadian yiru jari, naun sagar karasa himat Kerajaan Alahtalla haut riet. ³² Sabujurni aku bapaner ma naun, turunan yiti puang sagar matei hampe katuluh kajadian yiti jari. ³³ Langit anri tane sagar wawai, kude lengan-Ku puang sagar patapitah." Parlu bajaga-jaga ³⁴ Jaga atei naun himpan puang natampenu andri aheng neu bapesta, kawan mabuk, andri mamikir gaer welum. Andri , andrau yiru sagar hawi ma naun iyalah parangkap. ³⁵ Daya, andrau yiru sagar hawi maamau katuluh sa muneng hang katuluh muka bumi yiti. ³⁷ Hantek kaandrau, Yesus ngajar ulun rama hang lalaya Bait Allah, kude hantek kamalem Hanye nanan tumpuk nelang amalem hang Bukit Zaitun. ³⁸ Anri, kaayat hinang, katuluh ulun hawi nunung Hanye hawuang Bait Suci neu nyandrengei lengan-Ni.