¹ Hang hindra andrau, hantek Yesus nganyah ngajar ulun rama hang Bait Alahtalla nelang iwara kabar maeh hingka Alahtalla, kawan imam kapala andri here ahli Taurat sindrah andri kawan matueh hawi nunung Hanye. ² Here kaeyau ma Hanye," Wara leh ma kami andri kuasa inun Hanyu ngaraja kawanhal yiti? Atawa, hiye sangami ma Hanyu kuasa yiti?" ³ jawab Yesus mahere," Aku padahamen nunti isa tuntian mahanyu. jawab Aku, ⁴ hingka awe asal babtisan Yohanes? Hingka surga atawa hingka murunsia?" ⁵ Here bagurayang hal yiru hang penah here nelang kaeyau,"Amun takam nyangai hingka surga, Hanye pasti kaeyau, Amun kairu, daya inun naun puang harap adri hi Yohanes? ⁶ Kude amun takam kaeyau, Hingka murunsia, katuluh ulun sagar nyiksa takam hampe matei daya here parisaya hi Yohanes erang kaulun Nabi." ⁷ Jari, here pada manjawab amun here puang karasa hingka awe babtisan yiru asalni. ⁸ Udiyiru,Yesus kaeyau ma here, Amun kairu, Aku pada puang sagar iwara ma naun makai hak hiye aku ngaraja katuluhni yiti." Panginturen here sanyewa kabun anggur ⁹ Balalu Yesus bakesah pangituren yiti ma ulun rama, Naan erang kaulun ngamule anggur hang erang kalamar kabun balalu pisewa ma papire ulun pangume, balalu tulak matumpuk sa lawit neo waktu salawah. ¹⁰ Hantek wayah mutik wua anggur, hanye nunyu erang ulun walahni tulak manalu kawan pangume iru himpan here ngami mahanye sebagian hingka hasil kabun anggur yiru. Kude ,here pangume yiru ngakasah walahni palus ngunur hanye tulak andri tanggan lawang. ¹¹ Balalu ampun kabun yiru ngirim walahni salain, tapi kawan pangume yiru ngakasah walah yiru nelang nahina, balalu ngunur hanye andri tangan lawang. ¹² Balalu ampun kabun anggur yiru ngirim lagi walahni sa katelu mahere pangume yiru, kude here pangume yiru ngahanagen hampe batan nelang ngunur hanye kaluar . ¹³ Ampun kabun anggur yiru kaeyau, inun saharus naulah ku? Aku kai ngirim anak ku sanakalelu ku, gere here tau mahurmati hanye'. ¹⁴ Hantek kawan ulun pangume kadinung anak ampun kabun anggur, here bagurayang sameh here, Hanye yiri ahli waris ampun kabun anggur yiti, hayu takam munu hanye nampan warisan ni jari milik takam! ¹⁵ Balalu, here pada nawut anak yiru maluar kabun anggur palus munu hanye. Balalu, inun sasagar na ulah ampun kabun anggur mahere? ¹⁶ Hanye sagar hawi palus munu kawan ulun pangume yiru, balalu ngampi sewa kabun anggur ma ulun lain. "Hantek ulun rama karengei panginturen iti, here kaeyau,"ada hampe masalah yine bakajadian" ¹⁷ kude, Yesus ninung here nelang kaeyau, Amun kairu inun arti ayat yiti: Watu sanaumpe daya tukang bagunan haut jari watu panjuru? Mazmur 118:22 ¹⁸ Katuluh ulun salawu maamau watu yiru sagar ramuk andri hiye pun sakatekan watu yiru sagar ramuk!" ¹⁹ Hantek kawan ahli Taurat andri kawan Imam pamimpin kataru amun pangituren yiru bapaner wangun here, here hamen nyama Yesus hitek yiru jua . Kude here takut andri ulun rama. Tuntian neu bayar pajak ²⁰ Udiyiru,kawan ahli Taurat mengawasi Yesus nelang ngirim papire kaulun mata-mata sa pura-pura maeh atei himpan here kaayuh manjabak Yesus andri tuntian hampan here tau nyama Hanye mitah paneran Ni raerai nelang manyarah Hanye mawuang kuasa nelang wewenang gubernur. ²¹ Ulun rama huyuan yiru pada nunti ma Yesus, "Guru, kami karasa kawan sanaeu nelang naajar Nu yiru bujur. Hanyu pada puang ngabalain ulun rama ,kude mengajarkan lalan Alahtalla wuang kebenaran. ²² Inun kami iyuh bayar pajak ma Kaisar atawa puang?" ²³ Kude, Yesus karasa akal here samurun nelang kaeyau ma here , ²⁴ Suba tutui ma Aku ereng kaping dinar. Gamar andri tulisan hiye sa naan hang duit yiru?"sangai here ," gamar andri tulisan Kaisar." ²⁵ Balalu, Yesus kaeyau ma here, "Amun kairu, amileh ma Kaisar inun sa wat Kaisar, andri amileh ma Alahtalla inun sa wat Alahtalla." ²⁶ Andri kala yiru, ulun rama yiru puang tau menjebak Yesus andri paneran Ni raerai hadapan ulun rama, here wauh andri sangaian Ni nelang suni. Tuntian ulun Saduki ²⁷ Udiyiru, hawi papire kaulun Saduki nunung Yesus, hanye yiru golongan sapuang parisaya amun ulun matei tau sagar welum, nelang nunti ma Hanye, ²⁸ Guru, Musa manulis ma takam, amun erang kaulun upu matei, hanye naan darangan kude pauweng anak, pulaksanai ni saupu puang iyuh ang naadu andri walu pulaksanaini yiru andri ngamuan katurunan mahanye. ²⁹ kalaiti, naan pitu kaulun ipuksanai. pulaksanai sa numur isa naadu, kude matei mahi anak. ³⁰ Udiyiru, pulaksanai sakarueh naadu andri wawei yiru nelang matei pada mahi anak. ³¹ Balalu, pulaksanai sakatelu narangan wawei yiru kajadian ni sameh hampe pulaksanai sa kapitu, kude here uras matei pauweng anak. ³² Pijumpuhanni, wawei yiru matei pada. ³³ Daya yiru,hantek andrau ulunmatei naele kamulek,darangan hiye wawei yiru daya kapituni haut narangan hanye?" ³⁴ Sangai Yesus ma here,kawan ulun hitek zaman taati naadu andri ipaadu, ³⁵ kude kawan ulun sa patut neo kaayuh warisan hang wuang dunia udi yati, nelang hang wuang kaelan hingka penah ulun matei, puang sagar narangan andri idarangan. ³⁶ Here puang tau matei lagi daya here sameh andri kawan malaikat. Here hanye yiru kawan anak Alahtalla daya here haut na amuan kamulek hingka penah ulun matei. ³⁷ Moses labih likan haut iwara wangun kaelanen hingka penah ulun matei wuang bagian sa nasatat wangun jumpun haket sa rakit.Hang wuang bagian yiru, Tuhan na atuh Allah Abraham, Allah Ishak, AllaH Yakub. ³⁸ Hanye puang Allah ulun matei kude Allah ulun welum, daya katuluh ulun welum hang hadapan Hanye. ³⁹ Udiyiru, papire ahli Taurat kaeyau," Guru, sangaian Nu bujur." ⁴⁰ Nelang pauweng lagi ulun saheei ngami tuntian ma Hanye. KRISTUS ADALAH TUHAN ⁴¹ Udiyiru, Yesus kaeyau ma here, Kalaawe tau ulunrama kaeyau amun Kristus hanye yiru anak Dawit ? ⁴² Padahal hang wuang kitab Mazmur, Dawit raerai kaeyau, Tuhan Alahtalla kaeyau ma Tuanku," Maharungleh hang tuhi kawan Ku, ⁴³ Hampe aku nganak kawan musuh Nu hang kapit pee Nu. Mazmur 110:1 ⁴⁴ Amun hi Dawit ngantuh Kristus yiru Tuan, puang mungkin Kristus anak Dawit?" PARINGATAN HIMPAN BAHATI~HATI NADAP AHLI TAURAT ⁴⁵ Hantek ulun rama nyanrengei, Yesus kaeyau ma kawan murid Ni, ⁴⁶ Mamaeh nadap kawan here ahli Taurat sakatuju takia makai jubah saamau, katuju nahormat hang pakan, sakatuju maharung unengan amau hang kawan sinagoge,andri unengansa tahormat unengan pesta. ⁴⁷ Here marampas kawan lewu here walu nelang laku dua amau tatuu hampan na dinung ulun. Kawan ulun sakala yiti himat sagar narime hukuman salabis maweat."