¹ Balalu, Yesus kaeau ma kawan murid-Ni, "Kawan hal sa ngulah sabab ulun badusa himat sagar naan, kude silaka ma ulun sa ngulah sababni. ² Diwi maeh erang kadiki watu gilingan na awet hang diungni palus hanye na tawut ma wuang laut teka hanye ngulah sabab ma kawan anak rumis yiti. ³ Waspadaleh! Amun pulaksanainu ngulah dusa ma hanyu, iyai hanye; amun hanye manyasal anri dusani, ami ampun hanye. ⁴ Amun hanye badusa ma hanyu pitu kali erang anrau, nelang pitu kali pada nunung hanyu palus kaeau, 'Aku manyasal,' ami ampun hanye." Kawasa Iman ⁵ Eau kawan rasul ma Tuhan, "Tamahleh iman kami" ⁶ Sangai Tuhan ma here,"Amun hanyu naan iman mahena diki sasawi ai, hanyu tau kaeau ma kakau murbei yiti, 'Pabunat hanyu palus pataria hang laut,' himat kakau yiru sagar nu'u anri hanyu." Palayan sa Nu'u Parentah Tuanni ⁷ "Hiye teka naun sa makai palayan, sa bagawi hang ume atawa nyakatik sameluman, sagar kaeau ma palayanni hantek here mudi hingka gawian, 'Hayu, harungleh palus kuman? ⁸ Himat puang kala yiru! hanye sagar kaeau ma palayanni yiru, 'Paradu kuman ma aku ba pama sa patut himpan malayani aku kuman anri nguut. Udi yiru, wua hanyu iyuh kuman'? ⁹ Inun hanye sagar ba tarimekasis ma palayanni yiru daya hanye haut ngaraja sa na parentahni? ¹⁰ Kalayiru pada anri hanyu. Amun hanyu haut nampalus pagawian sa na parentah ma hanyu, keauleh hanyu, 'Kami ekat palayan sa puang baharaga. Kami ekat ngaraja inun sa jari kawajiben kami.'" Sapuluh ka Ulun Bakadan na Samare ¹¹ Hawuang pakiaan-Ni ma Yerusalem, Yesus malupui lalan watas helang Samaria anri Galilea. ¹² Hantek masuk ma isa tumpuk, Hanye panalu anri sapuluh kaulun sa bakadan sa minri lawit-lawit hingka Hanye, ¹³ nelang kaeau anri lengan mehet, "Yesus, Guru, palelu kami!" ¹⁴ Hantek Yesus kadinung here, Hanye kaeau ma hare, "Hulu tulak balalu tantarang tenganu ma kawan imam." ganyah here takia, panyakit here wawai. ¹⁵ Tawuk erang kaulun teka here kadinung amun tengani haut ware, hanye mulek palus nawat Alatalla anri lengan mehet. ¹⁶ balalu ijuku hang pe'e Yesus ngantuh tarimekasis ma Hanye. Ulun yiru erang kaulun Samaria. ¹⁷ Balalu, Yesus kaeau ma ulun yiru, "Ang sa naan sapuluh kaulun sa na samare? Hang awe sa suei kaulun lagi? ¹⁸ Wuah inun ekat ulun asing yena sa mulek ngantuh tarimekasis ma Alaltalla? ¹⁹ Balalu, Yesus kaeau ma hanye, "Amuan palus hulu tulak, imannu haut manyalamat hanyu." Pihawian Karajaan Alatalla ²⁰ Hantek na tunti daya papire kaulun Farisi neu hantek awe Karajaan Alatalla sagar hawi, Yesus nyangai anri kaeau, "Karajaan Alatalla sagar hawi puang makai siri sa tau na dinung, ²¹ mahi sagar naan ulun sa kaeau, 'Dinung, karajaan Alatalla naan hang yati!' atawa 'Karajaan Alatalla naan hang yaru!' daya sa tu'uni Karajaan Alatalla naan hang papenah hanyu." ²² Udi hiye, Yesus kaeau ma kawan murid-Ni, "Sagar hampe wayahni hanyu hamen tatu'u ninung hang isa anrau teka kawan anrau Anak Murunsia, kude hanyu puang tau kadinung. ²³ Kawan ulun sagar kaeau ma hanyu, 'Dinung, hang yaru!' atawa 'Dinung, hang yati!' Kude, ada hampe hanyu tulak anri ngapung kawan ulun yiru." Pihawian Anak Murunsia ²⁴ Dagana yiru ialah kelat sa mamansar teka hujung langit sa isa ma hujung langin sa lainni, kala yiru pada Anak Murunsia hang anrau-Ni. ²⁵ Kude, Anak Murunsia musti labis hene ka ingkam na kahanangen dahulu hang wuang bamasam hal nelang puang na tarime daya katuluh katurunan yiti. ²⁶ Nelang, ialah sa haut na tampalus hang anrau-anrau tawuk jaman hi Nuah, kala yiru pada yati hang kawan anrau-anrau Anak Murunsia. ²⁷ Kawan ulun kuman anri nguut, piadu anri na adu, hampe anrau hi Nuah masuk ma wuang kapalni balalau hawi baah palus munu here katuluh. ²⁸ Sameh ialah hang jaman hi Lot, tawuk yiru kawan ulun kuman, nguut, midi,ngari, ngamulean, anri ngapinri lewu. ²⁹ Kude hang anrau hantek hi Lot nanan tumpuk Sodom, apui anri balerang lawu hingka langit ialah uran palus munu here katuluh. ³⁰ Kala yiru pada kaadaanni hang anrau hantek Anak Murunsia na lalea. ³¹ Hang anrau yiru, hie eleh sa ganyah hang amau hapau, anri harata banani naan hang wuang lewu, ada hanye minau neu ngalap harata banani; nelang hie eleh sa ganyah hang ume, ada hanye mudi. ³² Itungleh inun sa haut tajadi anri darangan hi Lot! ³³ Hie eleh sa ngakali nyalamat amirueni, hanye kawawaian amirueni. nelang hie eleh sa kawawaian amirueni, sagar nyalamat tengani. ³⁴ Aku kaeau ma hanyu, hang malem yiru, naan rueh kaulun sa manre hang isa paanrean. Kude, erang kaulun sagar na enei, erang kaulun na tanan. ³⁵ Rueh wawei ganyah manggiling gandum. Sa erang kaulun sagar na enei, erang kaulun sagar na tanan. ³⁶ [Kala yuru pada rueh kaulun ganyah bagawi hang ume, sa erang kaulun sagar na enei, erang kaulun sagar na tanan."] ³⁷ Balalu kawan murid nunti ma Yesus, "Hang awe, Tuhan?" Sangai Yesus ma here, "Hang awe naan bangkai, hang yiru wurung panguta bangkai bakumpul."