¹ Palihara tarus kasih ipulaksanai! ² Naitung tarus nampan ngami tumpangan ma kawan ulun asing daya andri ngulah hal yiru, papire kaulun haut nyarungan kawan malekat puang here sadar. ³ Itunglah kawan ulun sa napanjara ialah hanyu napenjarakan baya here, itunglah pada kawan ulun sa naaniaya daya hanyu pun muneng hangwuang tenga. ⁴ Perkawinan harus naangkat maamau andri penu hormat daya katuluh ulun, pada jagalah ranjang perkawinan nampan tatap murni, daya Alatalla sagar nukum kawan ulun sa cabul pada kawan pidapa. ⁵ Sanawit welumnu hingka walah duit, pada sukupleh tenganu andri inun sa naan watnu daya Hanye raerai kaeau: " Aku puang sagar nanan hanyu, pada puang sagar suah mengabaikannu,'' Ulangan 31:6 ⁶ Jari, takam tau kaeau andri penu keyakinan: ''Tuhan adalah Pangarawahku, balalu aku puang sagar takut. Inun sa tau naulah ulun nadap aku?'' Mazmur 118:7 ⁷ Itung kawan pemimpinnu,here sa haut ngajar firman Tuhan mahanyu. Perhatikanlah hasil hingka sara welum here, pada sontohlah iman here. ⁸ Yesus Kristus tatap sameh, hingkarie, andrau yina, pada hampe kalalawahni. ⁹ Ada hanyu nasantawang daya pangajaran sa bamasam-masam nelang sa hanyu puang kataru; daya hal sa maeh balalu atei nakuatkan daya anugerah, puang daya aturan neu nakuta sa puang ngami manfaat ma here sa menjalanini. ¹⁰ Takam naan altar sa hingkayiru kawan ulun sa melayani hang Kemah Suci puang bahak nampan kuman. ¹¹ Pada, daya tenga hingka kawan eha sa irani naenei daya imam hante ma Ruang Palingkudus jari persembahan panewuh dosa natutung hang luar perkemahan, ¹² maka Yesus pada menderita hang luar wawaanawang tumpuk nampan menguduskan umat-Ni andri ira-Ni raerai. ¹³ Daya yiru, hayuleh takam manalu Yesus hang luar perkemahan, pada mikul kehinaan sa sameh andri kehinaan sa haut napikul-Ni. ¹⁴ Daya, hang tane yina takam puang uweng tumpuk sa sagar naan ma kalalawahni, kude takam ganyah ngandrei tumpuk sa akan hawi. ¹⁵ Daya yiru, mitah Kristus hayu takam tarus-tarusan mempersembahkan parapah nawat ma Alatalla, hanyeyiru antuhan hingka wiwi sa nawat ngaran-Ni. ¹⁶ Ada hanyu angkaitung ngulah sa maeh pada ngami inun sa naan watnu daya parapah ialah yiru sa ngampisanang Alatalla. ¹⁷ Taatlah ma kawan pemimpinnu pada tunduklah ma here daya herelah sa nyaga jiwanu pada sa harus ngami pertanggungjawaban hang amauni. Andri kalayiru, here sagar ngulahni andri sukacita, puang andri bakeluh kesah daya hal yiru puang sagar ngami kauntungan mahanyu. Pilakuan Lakudua ¹⁸ Lakudualah ma kami daya kami yakin bahwa kami naan atei akal sa maeh, sa bausaha eleh ngulah kawan hal andri sara sa tahormat. ¹⁹ Aku nasak hanyu nampan ilakudua andri labih tatuu lagi nampan aku langsung naampulek mahanyu. ²⁰ Taati, Alatalla sumber damai sejahtera, sa haut nyamelum kamulek Yesus, Tuhan takam, Sang Pakatik Agung hangamau kawan babiri-Ni, andri ira perjanjian sa kekal ²¹ kirani memperlengkapi hanyu hangwuang tiap hal sa maeh nampan ngulah kawan kabahumen-Ni. Pada elahni Hanye bagawi hangwuang takam nampan ngampisanang atei-Ni mitah Kristus Yesus, sa ma-Hanyelah kemuliaan hampe kalalawahni. Amen. Tabe Panutup ²² Kawan pulaksanaiku, aku ngami nasehat ma hanyu nampan nyandrengei paner nasehatku andri sabar daya kawan paner naseatku yina haut natulisku mahanyu andri singkat. ²³ Aku hamen iwara ma hanyu bahwa pulaksanai takam, Timotius, haut nabebaskan hingka penjara. Pada, amun hanye langsung hawi ma aku, maka aku sagar hawi sindrah hanye amun manalu hanyu. ²⁴ Tahampe tabe kami ma kawan pemimpinnu pada ma katuluh ulun kudus. Kawan pulaksanai takam hingka Italia nampe tabe ma naun. ²⁵ Anugerah Alatalla nyindrah naun katuluh.