¹ Daya takam naan rama saksi hang kaliling takam ialah awan, hayu takam nanan katuluh tangungan baya dosa sa nuruk takam balalu nempat andri tekun hang perlombaan sa nasadiakan hang hadapan takam. ² Biarlah mate takam natuju ma Yesus, Sang Pencipta pada penyempurna iman takam, sa nampan kaaraien sa haut natetapkan ma-Hanye, rela nangung salib pada mengabaikan kehinaan salib yiru. Pada, taati, Hanye maharung hang tuhi kawan takhta Alatalla. ³ Itunglah ma Yesus, sa tabah nadap permusuhan hingka kawan ulun badosa balalu jiwanu puang jari uyuh pada putus asa. Alatalla Yiru Ialah Erangkaulun Amah ⁴ Hangwuang perjuangannu nawan dosa, hanyu huan hampe nyantundrak iranu. ⁵ Pada, inun hanyu haut nanan nasihat sa naami mahanyu jari kawan ia? ''Oo anakku ada nganggap enteng ajaran Tuhan, pada ada kaingkam halus atei dami hanyu natagur-Ni. ⁶ Sabab, Tuhan nampar olun sa nasinta-Ni, pada meweh ulun sa natarime-Ni jari Anak.'' Amsal 3:11-12 ⁷ Hanyu harus batahan ma didikan yiru dayayiru baarti Alatalla ganyah ngulah hanyu jari erangkaulun anak; pada, anak kalaawe sa puang suah naajar daya amahni? ⁸ Amun hanyu puang suah narime ajaran sa seharusni natarime daya katuluh anak, berarti hanyu anak ampang, puang anak sa sah. ⁹ Salain yiru, takam naan kawan amah hang dunia yina sa ngajar takam, pada sa na hormati takam; amun kalayiru, angneh takam harus labih lagi ngampime tenga takam ma Amah hangamau kawan roh pada hangamau welum? ¹⁰ Sabab, amun amah takam sa naan hang dunia yina meweh takam hang waktu sa singkat menurut sara sa here anggap paling maeh, Amah sa naan hang sorga meweh takam ma pikaeh takam raerai hampe takam kaiuh bagian hangwuang kekudusan-Ni. ¹¹ Katuluh ajaran, waktu ganyah naami, memang puang ngulah sanang kude ngulah hanang. Kude, udi yiru sagar kaiuh hasil wua samaeh sa ngami damai sejahtere ma here sa haut nalatih daya ajaran yiru. Perhatikanlah Sara Welumnu ¹² Sabab yiru, ampikuat tangannu sa lamah pada ulualepnu sa neter, ¹³ ulah lalan sa lurus ma peenu nampan wisis pee sa lamah puang jari lumpuh, kude nasamare. ¹⁴ Olahleh perdamaian andri katuluh ulun, pada ulahleh kekudusan sabab amun puang uweng kekudusa, puang erangkaulun pun kaiuh kadinung Tuhan. ¹⁵ Pastikan nampan ada naan erangkaulun pun sa kawawayan anugerah Alatalla; pastikan pada supaya ada naan wakat mapait sa tumu balalu ngulah masalah hampe nangkurun hene ulun. ¹⁶ Pada, pastikan nampan ada naan ulun sa ngulah cabul atau puang barasih ialah Esau sa ngari hak tarauluni ekat erang mangkuk nakuta. ¹⁷ Sabab hanyu karasa hang handrian andrau, dami Esau hamen warisan berkat yiru, hanye puang iuh pada puang naan lagi kesempatan nampan batobat biar hanye ngantarani andri kaluar ranu mate. ¹⁸ Daya hanyu puang hawi ma gunung sa tau nasentuh, ma apui sa malelap tuu, atawa ma piieng, kekelaman, pada badai. ¹⁹ Hanyu pun puang hawi ma suara terompet, pada ma suara sa antuhanni ngulah kawan sanyandrengeini ilaku andri tatuu nampan antuhan yiru puang naantuh lagi ma here. ²⁰ daya here puang kaiuh tahan karengei parintah sanaami, ''Bahkan amun erangkaukui situa pun sa manyentuh gunung yiru, maka satua yuri harus napedak watu hampe matei. '' ²¹ Pada, kalairu ngeri ni sanadinung yiru hampe hi Musa pun kaeau, ''Aku neter takut tuu.'' ²² Kude hanyu haut hawi ma Gunung Sion, pada ma tumpuk Alatalla sa welum, Yerusalem surgawi, pada ma malekat sa puang tahitung jumalahni, ²³ Hanyu haut hawi ma kumpulan hante jemaat sa naan hingka kawan anak paling matueh Alatalla sa haut nadaftar hang surga, ma Alatalla, Hakim hangamau katuluh ulun, pada ma roh kawan ulun sawuah sa haut nasempurnakan. ²⁴ Hanyu haut hawi ma Yesus, Perantara Perjanjian sa wau, pada ma ira sa natampitik, sa bapaner labih maeh hingka ira Habel. ²⁵ Pastikanleh nampan hanyu adapuang narime Hanye sa bapaner. Daya amun here sa puang narime Hanye sa ngami peringatan hingka tane ai puang kaiuh napas tenga, pada takam puang sagar kaiuh napas tenga hingka Hanye sa ngami peringatan hingka surga. ²⁶ Dahulu, suara-Ni pagagunsang tane, kude taati Hanye bajanji,''Kude, hindra lagi Aku puang ekat sagar ngagunsang tane, kude pada surga.'' ²⁷ Ungkapan ''hindra lagi'' ngampidinung neu nyamawai kawan hal sa tau nagoyahkan, hanyeyiru katuluh sa haut naulah, nampan kawan hal sa puang tau nagoyahkan tau muneng tatap. ²⁸ Daya yiru, udi takam narime karajaan sa puang tagoyahkan, hayu takam ngampidinung perasaan syukur andri mempersembahkan sembahyang sa patut ma Alatalla, sa sindrah rasa hormat pada penu kekaguman, ²⁹ daya Alatalla takam hanyeyiru apui sa ngampietung.