¹ Daya Hukum Taurat ekat naan bayangan neu hal-hal maeh sa sagar hawi pada puang gamaran sabujurni hingka kawan hal yiru, maka andri kawan parapah sa sameh sa here persembahkan terus-menerus tiap taun, hukum yiru puang sagar suah kaiyuh menyempurnakan here sa hawi nyandriet. ² Kude sabalikni, angsa pangamian parapah saharusni haut puang lagi naulah daya hindra nabarasis, kawan ulun sa sambahyang yiru puang lagi kainam naan kasadaran neu dosa? ³ Kude, hangwuang persembahan parapah yiru, here justru naampiitung neu kawan dosa here hingka taun ma taun. ⁴ Sabab, ira lembu upu andri kaming upu puang mungkin kaiuh muhut dosa. ⁵ Daya yiru, Dami Yesus hawi ma wuang dunia, Hanye kaeau, ''Parapah andri Persembahan puang Hanyu hamen, kude isa tenga haut Hanyu siapkan ma-Aku; ⁶ Hanyu puang hamen ma parapah natutung pada parapah pamuhut dosa. ⁷ Balalu Aku Kaeau, 'Inalah Aku: Naan natulis neu Aku hangwuang walunan kitab, Aku hawi lepuh ngulah kabahumen-Nu, u Alatalla.'''Mazmur 40:7-9 ⁸ Udi Kristus kaeau, ''Parapah andri persembahan,pada parapah natutung pada parapah pamuhut dosa puang Hanyu hamen, pada puang berkenan ma-Hanyu,''(sa napersembahkan sesuai andri Hukum Taurat) ⁹ Hanye namahni,''Inalah Aku. Aku hawi lepuh ngulah kabahumen-Nu.''Jari, Yesus muhut sakaisa nampan menetapkan sakarueh. ¹⁰ Daya kabahumen-Ni, takam nakuduskan mitah pengurbanan tenga Yesus Kristus, hindra ma kalalawahni. ¹¹ Tiap imam ngulah pelayanan harianni hingka waktu ma waktu nampan mempersembahkan parapah sa sameh, sa puang suah kaiuh muhut dosa; ¹² kude Kristus, udi mempersembahkan parapah daya dosa, hindra ai ma kalalawahni, Hanye maharung hang tuhi kawan Alatalla ¹³ nelang ngandrei wayah kawan musuh-Ni naulah jari pirarahan pee-Ni. ¹⁴ Andri isa parapah, Kristus menyempurnakan here sa haut nasucikan-Ni ma kalalawahni. ¹⁵ Roh Kudus pada jari saksi ma takam neu hal yina daya udi kaeau, ¹⁶ ''Inalah perjanjian sa sagar Aku ngulah andri umat-Ku udi masa yiru, eau Tuhan: 'Aku sagar nganak kawan hukum-Ku hangwuang atei here, pada Aku sagar manulisni hangwuang pikiran here,''' yeremia 31:33 ¹⁷ Udiyuru, Hanye nampalusni, ''Aku sagar puangngitung kawan dosa here pada puang sagar lagi ngitung kejahatan here,'' Yeremia 31:34 ¹⁸ Taati, dami pengampunan ma katuluhni yiru haut nasadia, maka puang naperlukan lagi parapah ma panewuhan dosa. Nyanriet ma Alatalla ¹⁹ Sabab yiru, kawan pulaksanaiku, daya taati takam naan keheeyen nampan masuk ma wuang Ruang Palingkudus daya pengurbanan ira Yesus, ²⁰ andri lalan sa wau pada welum, sa haut nauka daya Yesus ma takam mitah tirai, hanyeyiru tenga-Ni, ²¹ pada daya takam haut naan erangkaulun Imam Hante sa ngapalai lewu Alatalla, ²² maka hayu takam nyanriet ma Alatalla andri atei sa tulus hangwuang keyakinan iman sa penu, andri atei takam sa haut nabarasis hingka nurani sa jahat, pada tenga sa haut nawui andri ranu murni.` ²³ Hayu takam itegei teguh ma pengakuan pengharapan takam daya Alatalla sa menjanjikanni adalah setia, ²⁴ hayu takam ngantara cara nampan tau sameh bajalan hawuang kasih pada ngajar kawan ulahan sa maeh, ²⁵ pada ada nyanawit tenga hingka pamunalu sambahyang takam sasameh, ialah sa nabiasakan daya papire ulun. Kude, hanyu takam sameh-sameh menguatkan, labih lagi daya naun karasa bahwa Andrau Tuhan haut magin riet. Ada Nawan Alatalla ²⁶ Sabab, amun andri sangaja takam tatap ngulah dosa hautudi kaiuh pengetahuan neu sawuah, maka puang uweng lagi parapah pakai muhut dosa-dosa yiru. ²⁷ Sa naan ekat ngandrei sa makatatakut sagar penghakiman pada lelap apui sa sagar membinasakan kawan musuh Alatalla. ²⁸ Berdasarkan kasaksian hingka rueh atau telu kaulun saksi, hie pun sa puang menaati Hukum Musa sagar nahukum matei puang kaiuh ahi lelu. ²⁹ Amun kalayiru, tuu labih maweat penghukuman sa patut natarime ma ulun sa menghina Anak Alatalla, pada sa nganggap najis ira perjanjian sa haut menguduskanni, pada sa menghina Roh* anugerah Alatalla? ³⁰ Sabab, takam kataru Hanye sa kaeau, "Mambalas yiru hak-Ku; Aku sagar manuntut pembalasan.'' Hanye pada kaeau, ''Tuhan sagar menghakimi umat-Ni.'' ³¹ Tuu mengerikanni amun takam lawu ma wuang tangan Alatalla sa welum. Paliharaleh Kaheeyen andri Kasabaran ³² Kude, itung andrau-andrau sa haut naitah, udi hanyu kaiuh pencerahan, hanyu batahan hangwuang perjuangannu nangung penderitaan sa weat. ³³ Hantekni, hanyu nahina pada naaniaya secara tarang-tarangan hang hadapan ulun hene, pada hantekni hanyu pada uma hangwuang penderitaan kawan ulun sa naperlakukan ialah yiru. ³⁴ Hanyu pada ngarawah ma here sa napenjara, pada narime andri arai atei katika harata watnu naalat daya hanyu karasa bahwa hanyu naan harata sa lebih maeh pada kekal. ³⁵ Daya yiru, ada hanyu ngumpe keyakinannu daya keyakinannu yiru ngenei pahala sa hante. ³⁶ Sabab hanyu harus naan ketekunan pakai ngulah kabahumen Alatalla nampan hanyu kaiuh inun sa najanjikan-Ni. ³⁷ Sabab, ''Puang lawah lagi, Hanye sa ganyah hawi, sagar hampe, pada puang sagar nunda. ³⁸ Kude, ulun-Ku sa bujur sagar welum daya iman. Pada, amun hanye mulek katakutan, maka jiwa-Ku puang akan berkenan mahanye,''Habakuk 2:3-4 ³⁹ Takam puang kawan ulun samulek ma kebinasaan, melainkan kawan ulun sa baiman ma pemeliharaan jiwa.