¹ Udi hang jaman dahulu, Alatalla papire kali bapaner ma datu nini takam mitah kawan nabi, ² hang andrau-andrau terakhir yina Alatalla bapaner ma takam mitah Anak-Ni sa haut na pidi-Ni pakai jari Pewaris hang amau katuluhni, sa mitah Hanye pada Alatalla ngulah katuluh alam. ³ Hanye adalah piraai kemuliaan Alatalla gamar isa sempurna hingka sifat-Ni, Hanye pada sa menopang katuluh andri firman kuasa-Ni. Udi marasis kawan dosa, Hanye maharung hang tuhi kawan Isa Palinghante hang uneng paling amau, ⁴ balalu Hanye jari lawit labih amau hingka kawan malekat daya Hanye mawarisi ngaran salabih amau hingka ngaran here. ⁵ Daya, Alatalla puang suah kaeau ma kawan malekat, "Hanyu adalah Anak Ku. Hang andrau yina, Aku haut jari Amah-Nu''? Mazmur 2:7 Atau, suahkah Hanye kaeau neu here, "Aku kai jari Amah ma-Hanye pada Hanye kai jari Anak-Ku.''? 2 Samuel 7:14 ⁶ Kude, dami Alatalla memperkenalkan Anak taraulu-Ni ma dunia, Hanye kaeau, ''Elah katuluh malekat Alatalla nyamah Hanye.'' Ulangan 32:43 ⁷ Tantara kawan malekat, Alahtalla kaeau, ''Hanye ngulah kawan malekat-Ni jari angin, kawan pelayan-Ni jari lelap apui.'' Mazmur 104:4 ⁸ Dami neu Anak-Ni, Hanye kaeau, ''Tahta-Nu, u Alatalla,akan naan kalalawah. Tungkeh kebenaran adalah tungkeh Karajaan-Nu. ⁹ Hanyu sayang andri isamaeh kude muar andri sajahat. Daya yiru, Alatalla, hanyeyiru Alatalla-Nu, haut mengurapi Hanyu andri minyak kaarayen labih hingka kawan sahabat-Nu.'' Mazmur 45:6-7 ¹⁰ Balalu, "Hanyu, Tuhan, Hang permulaan haut nganak dasar tane, andri langit adalah ulahan tangan-Nu. ¹¹ Tane andri langit akan wawai, kude Hanyu akan tatap naan. Tane andri langit jari uhang ialah pakaian. ¹² Ialah jubah hanyu nepetni, balalu ialah pakaian, here sagar na ganti. Kude, Hanyu puang akan baubah, zaman-Nu puang suah luput.'' Mazmur 102:25-27 ¹³ Ma malekat sa awe, Alatalla suah kaeau ialah yina, ''Maharung hang tuhi kawan-Ku hampe Aku nganak kawan musuh-Nu hang ime kuasa-Nu''? Mazmur 110:1 ¹⁴ Puangkah malekat yiru kawan roh sa melayani, sa nahuyu pakai ngarawah kawan ulun sa sagar narime keselamatan?