Pasal 1

1 . Hingka Paulus, Rasul Yesus Kristus sa nabahum daya Alatalla. Ne'u ma ulun-ulun sa kudus hang Efesus, ulun-ulun sa satia ma Yesus Kristus. 2 . Anugerah anri damai sejahtera ma naun hingka Alatalla, Ammah takam, anri Alatalla Yesus Kristus. Barkat-barkat Rohani ma Kristus. 3 . Tawat ma Alatalla takam Kristus Yesus, hanye mambarkati takam makai rohani hang wuang surga. 4 . Hanye midi takam itetei Kristus kapihuan dunia yiti jari ne'u takam Kudus hang hadapan hanye daya sintani. 5 . Hanye haut natap takam hingka samula anri ngangkat jari anakNi mitah Kristus Yesus nelang yiru sa hamen naulahNi. 6 .Hanye ngulah yiru ma tawat Alatalla sa hante, sa haut na karuniani anri cuma-cuma ma takam hawuang iya Ni sa nasinta. 7 . Hang pampatei Kristus sindrah iraNi, yiru hanye baarti haut ngampun kawan palanggaran takam sasuai anri kakayaan anri anugerahNi. 8 . sa Alatalla nahalui ma takam anri penu hikmat anri kaharatien. 9 . Hanye iwara ma takam rasia kabahumani anri maksud maeh ransanani hang wuang Kristus . 10 . sa hamen na jalani teka yiru ngampi isa ala katantuluh jari isa anri Kristus, sa hang surga anri sa hang amau tane. 11 . Hang wuang Kristus, takam haut jari bagiani hingka warisani sa haut na tatapkani hanye haut ngulah sasuai anri ransaNi, sa haut nakaraja katuluh hang kaputusan kabahumaNi. 12 . Neu takam samula-mulani ngelah pangharapa ma Kristus nawat jari pujian anri kemuliaNi. 13 . Hang wuang hanye, takam haut, nyarengen kabar maeh, sa ngami salamat ma takam, sa naun parisaya ma Alatalla, sa haut na matrai anri ruh kudus sa na janjani. 14 . Ruh Kudus yiru jaminan anri warisan takam, hampe newuh ulun watni tawat ma Alatalla daya pihante mulia Ni 15 . Daya yiru sababni, hantek aku karengei hal iman takam hang wuang Tuhan Yesus ma katuluh ulun kudus 16 . Aku puang taduh-taduh ngusap syukur saratang aku ngantuh ngaran naun hang hantek aku badoa. 17 . Aku ilaku nampan Alatalla Tuhan takam, Kristus Yesus, Ambah sa mulia, ngami roh hikmat anri ngulah naun pintar maharati hampe naun kataru hanye. 18 . Aku ilakun nampan Alatalla nguka pikiran hampe jari maraai nampam naun kataru inun sa tau naharap teka Alatalla sa nerau naun, nampan naun karasa kalaawe limpani kawan barkat sa maeh sa nasadia ma ulun watni. 19 . Nelang kakuaten hante anri penu kuasa hang wuang takam parisaya kuasani yiru sameh kuasa luar biasani. 20 . Sa napakai hantek nyamelum Kristus kamulek teka pampatei nelang ngami ma hanye kadudukan panga ambau baya Alatalla hang surga . 21 . Kadudukan Kristus yiru lawit labis ambau teka kadudukan kawan pamarentah, kawan panguasa, kawan pamimpin, hie-hie pada haut naami kadudukan ambau hau sa welum zaman yiti hau sa welum hang zaman hanrian yari 22 . Alatalla nyatalau katuluhni ma kapit kuasa Kristus nelang ngami Kristus ma ungkup jari kapala teka ala katantuluh. 23 . Ungkup hanye yiru tenga Kristus, naampi paruna daya hanye sa ngami paruna ala katantuluh hang awe-awe.