¹ Hindra katika, naan hingka penah ungkup Antiokhia, here nabi andri here guru, hanye yiru Barnabas, Simeon sa naantuh Niger, Lukius hingka Kirene, Menahem sa na palihara mira andri Herodes, raja wilayah, andri Saulus. ² Tawuk here rahat sambayang ma Tuhan nelang puasa, Roh Kudus kaeyau ma here," pidileh hi Barnabas andri hi Saulus hulung ma Aku neu tugas sa neu yiru Aku haut nerau here," ³ Udi yiru, udi here miaret nelang laku dua, sindrah ipameat palat tangan here hang amau Barnabas andri Paulus, balalu ngutus here rueh tulak. Barnabas andri Paulus hang Pulau Siprus. ⁴ Dami , udi nautus daya Roh Barasis, Barnabas andri Saulus minau ma Seleukia, hingka yaru here balayar ma Siprus. ⁵ Hantek here hampe hang Salamis, here ngabar lengan Allahtala hang sinagoge-sinagoge ulun Yahudi , balalu here pada ngenei Yohanes jari walah here. ⁶ Hantek here tulak menjelajahi katuluh pulau hampe ma Pafos, here kahaba erang kaulun tukang sihir, erang kaulun nabi palsu Yahudi, sa bangaran ⁷ Hanged sindrah Prokonsul Sergius Paulus, erang kaulunsa pintar, sa laku Barnabas andri Saulus hawinunung hanye nelang hamen nyanrengei Lengan Allahtala . ⁸ Kude, Elimas, tukang sihir yiru, daya kala yiru ngaranni na tarjemah kan, Mawson hi Barnabas andri Saulus, nelang bausaha nyantawang hingka imanni. ⁹ kude , Saulus , sapada na kenal sebagai Paulus, na tampenu andri Roh Barasis, hanye maneneng Elimas, ¹⁰ nelang kaeyau, " U hanyu, sa penu andri kawan tipu muslihat nelang kawan kajahatan, hanyu ri anak Iblis, hanyu ri musuh hingka katuluh sabujur, puang hamen kah hanyu taduh nyantawang lalan Tuhan sa mawitu? ¹¹ Taati, inileh, tangan Tuhan hawi ma amauhanyu andri hanyu sagar pehe nelang puang kaini mateandrau salawah papire waktu." hantek yiru pada, kabut andri piiyeng minau maamau hanye nelang hanye tulak bakaliling ngantara ulun neo nganyak tangan ni. ¹² Balalu, Prokonsul yiru jari parisaya hantek hanye kadinung kajadian yiru , hanye mannam daya ajaran neu Tuhan. Paulus andri Barnabas tulak ma tumpuk Antiokia hang wilayah Pisidia. ¹³ Hindra katika, Paulus andri ulun rama sa sindrah hanye balayar hingka Pafos hampe ma Perga, Hang Pamfilia, kude Yohanes nanan here dan mulek ma Yerusalem. ¹⁴ Kude, Saulus andri Barnabas manarusakan pakiaan hingka Perga hampe Antiokia, hang Pisidia. andri, hantek andrau sabat, here tulak ma sinagoge palus maharung hang yaru. ¹⁵ Dami udi pambasaan Hukum Taurat andri buku kawan nabi, kawan pamimpin sinagoge nuyu ulun bapaner ma karueh rasulyiru, " kawan pulaksanai, amun naun naan nasehat samahibur ma ulun ramayiri, bapaner leh." ¹⁶ Balalu, Palus mindri nelang ngami isyarat andri tangan ni nelang kaeyu, U naun ulun Israel andri hanyu sa takut andri Allahtala , rengei! ¹⁷ Allahtalla bangsa Israel iti haut midi nini datu takam palus ngampi hante bangsa takam salawah here muneng hang tane Mesir nelang andri tangansa paenat, Hanye ngenei here kaluar hingka yaru. ¹⁸ salawah kurang labis epat pulu taun, Hanye basabar nadap kalakuan here hang padang gurun. ¹⁹ udi Hanye nyamawai pitu bangsa hang tane Kanaan, Hanye mambagi tane yiru. ²⁰ Katuluh yiru tajadi kira- kira salawah 450 taun. Udi yiru, Allahtala ngami ma here hakim- hakim hampe zaman nabi Samuel. ²¹ Kamulek, here ilaku erang kaulun raja, Allahtala ngami hi Saul anak upu Kish, teka suku Benyamin, salawah epat pulu taun. ²² Udi Allatala ngidar hi Saul, Allahtala ngenat hi Dawit neu jari raja here, kalayiti sa naeau Allahtala neu hi Dawit, Aku haut kahaba hi Dawit, anak upu Isai, erang ka ulun sa ngampi sanang atei KU, sa sagar nampalus kabahumen Ku." ²³ Hingka keturunan ulun iti, Allahtala, sasuai janji NI, ngenei ma bangsa Israel erang kaulun Juru salamat, hanye yiru Yesus. ²⁴ Yohanes haut iwara sahuanni tetang baptisan partobatan ma katuluh ulun Israel . ²⁵ Nelang samantara Yohanes tiba pijumpuhan pagawiaan ni , hanye bapaner, hanyu ngakira hiye Aku na?Aku puang Hanye. Kude dinung leh, Erangkaulun sahawi udi aku,sarumpah hang pee Ni gin aku puang patut nguka ni. ²⁶ Pulaksanai katuluh katurunan Abraham nelang katuluh ulun hang penah naun sa takut andri Allahtala, ma takam kabar kasalamatan iti na wara. ²⁷ Sabab here sa muneng hang Yerusalem andri kawan pamimpin here, sa puang kataru Hanye andri paham ajaran kawan nabi, sa na basa tiap andrau sabat, haut menggenapi ajaran kawan nabi yiru hampe nukum Yesus. ²⁸ isa pun mahi here kahaba alasan inun pun neu hukuman matei, here ilaku Pilatus neu munu Hanye. ²⁹ andri , hintek here jumpuh katuluh sahaut natulis neu Hanye, here ngampinau Hanye hingka kayu Balsangar nelang ngampiangkading Hanye hang wuang pasaran. ³⁰ Kude, Allahtala ngamuan Hanye hingka penah ulun matei, ³¹ nelang salawah papire andrau, Yesus nantarang tenga ma kawan ulun sa uma hanye hingka Galilea hampe Yerusalem, sa taati jari kawan saksi Ni ma bangsa Israel. ³² Nelang, itati kami nampe Kabar Maeh yiru ma naun hanye ru janji Allahtala ma nini datu takam, ³³ daya Allahtala haut menepati janji yiru matakam, kawan anak here, andri nyamelum Yesus, kala sa natulis hang buku Mazmur kalaan rueh: Hanyu Anak -Ku. Andrau Yiti Aku haut jari Amah- Nu. Mazmur 2:7 ³⁴ Allahtala haut nyamelum Yesus hingka penah ulun matei, puang sagar lagi mulek ma kebinasaan, Allahtala haut kaeyau, Aku sagar ngami mahanyu barkat sa barasis sa iyuh na parisaya, sa haut naanyu ma hi Dawit. Yesaya 55:3 ³⁵ ya yiru, Hanye pada kaeyau hang wuang Mazmur sa lain, hanyu puang sagar maladar Ulun Barasis Nu kaini kebinasaan. Mazmur 16:10 ³⁶ Daya, Dawit, haut melayani generasini raerai daya kabahumen Allahtala, balalu matei, andri palus napasar baya nini datu ni, sindrah kadinung kebinasaan, ³⁷ kude Yesus naamuandaya Allahtala hingka penah ulun matei, puang kadinung kabinasaan. ³⁸ Daya yiru, elahleh hanyu karasa, kawan pulaksanai, daya mitah Hanye iti ai pangampunan atas kawan dosa nawara manaun, ³⁹ andri mitah Hanye, tiap ulun sa parisaya na lapas hingka kakantuluh ni, sa hingka hanye naun puang kaayuh na lapas daya Hukum Taurat Moses. ⁴⁰ Jari mamaeh leh nimpan kawan masaalah sanawara hang wuang kitab kawan nabi puang wuah ma naun: ⁴¹ Pantaru mamaeh , U naun sakatuju mantaka! Emah andri palus matei, daya Aku ngaraja gawiaan hang zamannaun , isa gawiaansa puang sagar naun harap, biar naan sa ulun manarangni ma naun," Habakuk 1:5 ⁴² Padingian hi Paulus andri hi Barnabas kaluar, kawan ulun ilaku hampan here nahampe hal lengan Allahtala yiruhantek andrau sabat hadapni. ⁴³ Udi panalu hang sinagoge yiru jari, hene ulun Yahudi andri kawan proselit sa takut andri Tuhan uma Paulus andri Barnabas,sa bapaner ma here andringami semangat neu tarus muneng hang wuang anugrah Allahtala. ⁴⁴ Hang andrau sabat ,ane katuluh ulun hang tumpuk bakupul neu nyanrengei lengan Tuhan. ⁴⁵ Kude , hantek kawan ulun Yahudi kaini ulun rami, here rigat muar nelang mulai nawan inunsa nawara Paulus nelang mahina hanye. ⁴⁶ Balalu , Paulus andri Barnabas manjawab andri heei nelang kaeyau, lengan Allahtala samula harus natahampe ma naun dahulu. Daya naun puang hakun narimeni nelang naun haut nukas raerai naun puang patut narime pamelum makalalawah, dinung leh, kami nanan naun tulak ma bangsa lain. ⁴⁷ Daya kalayena Tuhan ngami parentah ma kami: Aku haut nukas naun jari isa piraai ma kawan bangsa lain nampan naun kaayuh ngenei kasalamatan hampe ma ujung bumi." Yesaya 49:6 ⁴⁸ Hantek yiru kawan ulun sa puang Yahudi karengei hal yiru. here arai mihewu nelang nawat lengan Allahtala. Nelang, kawan ulun sa haut natukas neu welum palus kalalawah, balalu parisaya. ⁴⁹ Balalu lengan Tuhan natahampe ma katuluh wilayah yiru. ⁵⁰ Kude , rama ulun Yahudi menghasut kawan wawei satakut Allahtala hingka utus saamau nelang rama ulun penting hang tumpuk, nelang mamulai penganiayaan nadap hi Paulus andri Barnabas, nelang ngunur here rueh kaluar hingka daerah parbatasan here. ⁵¹ Kude, nelamg muhut debu hingka pee here nadap here ulun Yahudi hang yaru,Paulus andri Barnabas tulak ma Ikonium. ⁵² Nelang, kawan murid natampenu andri arai mihewu andri Roh Barasis.