Petrus andri Kornelius ¹ Hindra katika, hang Kaisarea naan erang ka ulun upu bangaran ni hi Kornelius, hanye erang ka ulun kapten "Pasukan Italia". ² Hanye ulun sa maeh atei anri takut ma Alatalla, nelang katuluh kulawarga, ma Alatalla hanye ngarawah kawan ulun sa paua nelang hanye saratang badoa ma Alatalla. ³ Kakira andrau kariwe, pukul telu hanye kadinung anri bawilah hawuang paninunganni , erang ka ulun malekat Alatalla hawi balalu nerau hanye, "Kornelius!" ⁴ Hi Kornelius nantau malekat yiru nelang takut balalu kaeau, " naan inun tuan ?" Malekat yiru kaeau" Doa-doanu nelang pikaeh ateinu haut natarime daya Alatalla balalu Alatalla ngitung hanyu. ⁵ Itati huyu ulun tulak ma Yope. Nerau hi Simon sa ngaranni budas hi Simon Petrus, ⁶ Hanye umba amalem hang lewu erang ka ulun tukang kudit bangaran hi Simon, sa muneng hang pinggir pantai. ⁷ Udi malekat bapaner anri hi Kornelius yiru tulak, hi Kornelius nerau rueh ka ulun palayan lewuni anri erang ka ulun anggota tantara pangawalni sa mawitu bujur takut ma Alatalla. ⁸ Hanye nyarita ma here inun sa haut dinung nelang rengeini yiru, balalu hanye nunyu tulak ma Yope. ⁹ Hang anrau isani, tawuk here magun hang pakian nelang kiaan nelang kai hampe Yope, Hi Petrus mamai ma ambau hapau nampan badoa. ¹⁰ Balalu hanye kalauan tuu kakan ikuta. Tawuk yiru anakuta ganyah nasadia, salenga hanye naan paninungan. ¹¹ Hanye kadinung langit wawanga balalu naan yalah kain hante bapusing epat gagueng, naului ma tane. ¹² Hawuangni naan papire masam kawan eha sa bapee epat, naan kawan eha sa ilansar nelang naan kawan wurung liar. ¹³ Balalu naan lengan sa kaeau ma hanye, " Petrus, amuan! Samalis palus kuta ! ¹⁴ Hi Petrus nuing, " Puang, Tuhan ! Huan suah aku nguta kawan sa haram nelang padi. ¹⁵ Kude lengan yiru kaeau lagi ma hanye, " Inun sa haut naeau daya Alatalla halal, ada hanyu nganggap yiru haram". ¹⁶ Paninungan yiru kakune hampe telu kali, udi yiru kain yiru balalu paenat ma amau langit. ¹⁷ Hi Petrus bingung mamikir inun arati teka paninungan yiru.Ganyah hi Petrus mamikirni, kawan ulun nahuyu daya Kornelius kahaba lewu Simon nelang here haut minri hang hadapan wanawang. Balalu here nerau ulun ¹⁸ Palus nunti, " Inun hang yiti naan tamu amalem, sa bangaran hi Simon Petrus?. ¹⁹ Ganjah hi Petrus magun mamikir inun arati teka paninungan yiru , Roh Alatalla kaeau ma hanye. " U Petrus, naan telu kaulun rahat ngatara hanyu. ²⁰ Amuan hayu hinang inau ma imbe nelang ada ragu-ragu hulu umba here, daya aku sa nunyu here" ²¹ Hi Petrus balalu minau ma imbe palus kaeau ma kawanulun yiru " Aku sa naantara daya naun. naun hawi lepuh inun?" ²² Here kaeau, " Capten Kornelius hanye ulun maeh atei anri takut ma Alatalla, sa karasa katuluh ulun Yahudi, Takam haut na kaitung daya malekat barasis sa nunyu hanye hawi ma lewu nyarengen eau". Hi Petrus balalu ngenei ²³ Here amalem hang yiru. Hang kaayat unini hi Petrus ammuan balalu tulak sindrah anri here, anri papire kaulun sa parisaya teka Yope umba nengau. ²⁴ Anrau udi yiru here hampe hang Kaisaera. Hi Kornelius haut naanrei daya pulaksanaini baya kawan hengauni sa riet anri hanye. ²⁵ Balalu mawuang manalu hanye palus suntup ma pe'e hi Petrus. ²⁶ Kude hi Petrus ngarawah ngapindri anri kaeau , "Ammuan " aku pada murunsia. ²⁷ Nelang hanye magun bapaner anri hi Kornelius, hi Petrus masuk mawuang lewu. Hang yiru hanye kadinung rama ulun haut bakumpul. ²⁸ Balalu hi Petrus kaeau ma here," Naun karasa kawan ulun sa Keji ma ulun Yahudi. Ganta atawa bahubangan ma ulun puang Yahudi daya Alatalla haut nuju ma aku daya aku harus ngantuh haram atawa sa najis . ²⁹ Yiru sababni tawuk hanyu puang kabaratan hantek aku nunyu hawi. Sabab taati aku nunti hamen karasa inun alasanni hanye nerau aku hawi?" ³⁰ Hi Kornelius kaeau," Epat anrau sa haut tapitah, hampe anrau yena , pukul suwei, aku rahat badoa hang lewu, aku kadinung ulun minri hang hadapanku mamakai baju yiru rariyap. ³¹ Balalu hanye kaeau, " ma Kornelius doanu haut nasarengei nelang kaitung pikaeh ateinu hang Alatalla ³² Sababni yiru hanye nuyu ulun ma Yope balalu laku hi Simon sa naantuh hi Petrus nunyu hawi. rahatan amalem hang lewu Simon naan ulun panyamak kudit , lewuni hang iring laut'. ³³ Yiru sababni aku wansit nunyu ulun ma hanyu, Nelang hanyu tuu maeh atei hamen hawi. Itati kami katuluh bakumpul hang iti, hang hadapan Alatalla, nampan nyarengei sagala inun sa haut naperintah ni ma hanyu daya Alatalla." ³⁴ Balalu hi Petrus nguka wiwi ni kaeau" Itati, aku tuu-tuu karasa Alatalla puang mambeda katuluh ulun. ³⁵ Kude hang tiap bangsa, ulun sa takut anri hanye nelang ngulah sa bujur, sa mihewu ma Hanye. ³⁶ Lengan Alatalla nasa tahampe daya bangsa Israel mabarita kabar maeh mitah Kristus Yesus, Hanyeleh Alatalla ma takam katuluhni. ³⁷ Hanyu raerai sakarasa sa haut terjadi hang katluh Yudea, hingka Galilea, haut na babtis sa Yohanes habarnie. ³⁸ Hanyu karasa hi Yesus, ulun Nazaret, kala awe Alatalla mangurapi ruh barasis anri kuasani, hanye meile nang kaeh ulun sa na kahanangen daya ruh jahat daya Alatalla nyidrah hanye. ³⁹ Kami na kawan saksi hingka katuluh sa na karaja Yesus, puang ekat hang tumpuk ulun Yahudi likan hampe hang Yerusalem. Here haut munu hi Yesus palus nyalib hanye. ⁴⁰ Kude, Alatalla ngampi amuan hanye andrau ka telu palus ngalalea, ⁴¹ puang ma katuluh ulun, kude ma kami, kawan saksi yang haut na pidi daya Alatala sahuan ina, sa kuman welum baya hanye udi hanye amuan teka penah ulun matei. ⁴² Nelang, hanye mamarintah nunyu iwara kabar maeh yeru ma ulun katuluh nelang ngami kasaksian hanye bawilah tuu haut na enat daya Alatalla Jari hakim kawan ulun sa magun welum nelang ma kawan ulun sa haut matei. ⁴³ Katuluh ulun nabi iwara neo hanye kaeau himat ulun sa parisaya ma Yesus sagar naampuni dosani makai Kuasa teeka Yesus Kristus. ⁴⁴ Ganyah hi Petrus magun bapaner ruh Alatalla minau nelang nguasa kawan ulun sa nyarengei kabar yiru. ⁴⁵ Kawan ulun Yahudi sa parisaya ma Yesus nelang umba hi Petrus teka Yope, katuluhni wauh kadinung Alatalla pada ngami ruhni ma kawan ulun teka bangsa lain ⁴⁶ Sabab here karengei ulun yiru bapaner hang wuang wahai masam bahasa nelang nawat hante Alatalla. ⁴⁷ Balalu hi Petrus kaeau. Dinung, kawan ulun yati haut kaiyuh ruh Alatalla sameh kala takam. Jadi inun tau ulun mahalangi here nampan nabaptis makai ranu? ⁴⁸ Balalu hi Petrus nunyu here nampan nabaptis hang wuang ngaran Yesus Kristus. Udi yiru here ilaku nampan hi Petrus muneng baya here papire anrau lawahni