3
Sensus wan kalahiran Yesus Kristus
1
Pas waktu nintu, Kaisar Agustus mangaluarakan parintah supaya diadaakan sensus gasan sabarataan panduduk disaluruh dunia.
2
Nginilah sensus panduduk nang partama kali diadaakan katika Kirenius manjadi gubernur di Siria. Maka, sabarataan urang babulik ka kuta asal buhanya masing-masing gasan mandaftarakan diri.
4
Yusuf jua maninggalakan Nazaret, kuta di Galilea, wan manuju Yudea, ka kuta Daud nang disambat Betlehem, sabab sidin baasal matan garis katurunan Daud.
5
nyaman sidin didaftarakan baimbai awan Maria, tunanganya, nang rahatan batianan.
6
Katika Yusuf wan Maria rahatan di Betlehem, sampailah wayahnya gasan Maria malahirakan.
7
Maria pun malahirakan kakanakan lakian nang paasa. Maria mambungkus-Nya lawan kain lampin wan mambaringakan-Nya di dalam palungan sabab kadada kamar bagi buhanya gasan manginap. Buhan Gambala Malihat Bayi Yesus
8
Di daerah nang sama, ada buhan gambala nang badiam di huma gasan manjaga kawanan dumba pada malam hari.
9
Tiba-tiba malaikat Tuhan bardirian di hadapan buhanya wan kamuliaan Tuhan basinar mangulilingi buhanya sahingga buhanya liwar katakutan.
10
Akan tetapi, malaikat nintu baucap awan buhanya, " Kada usah takut sabab dangarlah, Aku mambaritaakan lawan pian kabar baik tentang sukacita ganal nang digasanakan awan sabarataan bangsa.
11
Pada wayahini, hudah lahir gasan buhan pian saurang Juru Salamat, yaitu Kristus, Tuhan, di kuta Daud.
12
Inilah tandanya gasan pian: Pian pacangan manamuakan Bayi nang di bungkus lawan kain lampin wan barbaring didalam palungan."
13
Tiba-tiba, kalihatanlah baimbaian malaikat nintu sakalumpuk ganal tantara surgawi nang mamuji Allah wan baucap,
14
" Kamuliaan gasan Allah nang badiam di tempat mahatinggi wan damai sajahtara dibumi, di antara urang-urang nang berkenan awan Sidin."
15
Katika buhan malaikat maninggalakan buhan gambala nintu wan babulik ka surga, buhan gambala nintu baucap saikung awan lainya, "Ayuk kita ka Betlehem gasan malihati hal-hal nang hudah tarjadi ngini, nang hudah Tuhan baritahuakan awan kita."
16
Balalu, buhanya lakas-lakas tulak wan manamuakan Maria wan Yusuf, jua Bayi nang barabah di palungan.
17
Wayah buhan gambala malihat Sidin, buhanya mangesahakan panderan nang hudah dipanderekan awan buhanya tentang Anak itu.
18
Wan, sabarataan urang manjadi hiran sabab hal-hal nang hudah dipanderakan buhan gambala nintu lawan buhanya.
19
Akan tatapi, Maria manyimpan hal nintu wan maranungkanya dalam hatinya.
20
Balalu, gambala-gambala nintu babulik awan dumba-dumba buhanya sambil mamuliakan wan mamuji Allah atas sabarataan nang hudah buhanya liati wan dangari nang kaya apa nang hudah dipadahakan lawan buhanya.
21
Wan, imbah ganap walu hari gasan manyunatakan Bayi nintu, ngaran-Nya disambat Yesus, nang kaya ngaran nang dibariakan ulih malaikat sabalum Sidin dikandung didalam rahim. Bayi Yesus Dibawa ke Bait Allah
22
Wayah hari-hari pambasuhan sasuai hukum Musa tuntung, Maria wan Yusuf mambawa Yesus ka Yerusalem gasan manyarahakan-Nya lawan Tuhan,
23
nang kaya nang hudah tartulis dalam hukum Tuhan, " Satiap kanakan lalakian nang sulung musti dikudusakan gasan Tuhan
24
wan gasan mambariakan parsambahan sasuai awan apa nang dipadahakan dalam hukum Tuhan, yaitu sapasang burung dara atawa dua ikung burung marpati anum." Simeon wan Hana Malihat Yesus
25
Ada saikung urang lalakian nang bangaran Simeon nang badiam di Yerusalem. Sidin adalah urang nang bujur wan saleh, nang manghadang-hadangi panghiburan Allah gasan Israel, wan Roh Kudus manyartainya.
26
Roh Kudus memadahinya bahwa inya kadak pacangan mati sabalum malihat Kristus nang diurapi Tuhan.
27
Balalu Simeon tulak ka Bait Allah atas tuntunan Roh Kudus, wayah Yusuf wan Maria mambawa Bayi Yesus ka Bait Allah gasan manggawiakan lawan Sidin apa nang hudah ditantuakan ulih hukum Taurat.
28
Imbah tu, Simeon manggendong Bayi nintu wan mamuji Allah, ujarnya,
29
" Wayahini, ya Tuhan, kiranya Engkau mangizinakan palayan-Mu ini tulak dalam damai, sasuai lawan firman-Mu;
30
sabab mataku hudah malihat kasalamatan-Mu,
31
nang hudah Engkau sadiakan dihadapan sabarataan bangsa,
32
yaitu cahaya nang pacangan manyinari bangsa-bangsa nang kada pinandu lawan Tuhan, wan nang manjadi kamuliaan gasan umat-Mu, Israel."
33
yusuf wan uma Anak nintu manjadi hiran atas apa nang diucapakan Simeon tentang Sidin.
34
Imbah tu Simeon mambarkati buhanya wan baucap awan Maria, uma Yesus, " Dangarlah, Anak ini hudah ditatapakan gasan manggugurakan wan mambangkitakan banyak urang di Israel, wan maulah tanda nang ditolak banyak urang.
35
( Wan, sebilah pedang pacangan manusuk jiwa pian ) supaya isi hati urang banyak pacangan dinyataakan."
36
Di sana jua ada saurang nabiah nang bangaran Hana, anak Fanuel matan suku Asyer. Sidin hudah tuha banar. Sidin hidup badua haja lawan lakinya salawas pitung tahun imbah parnikahanya,
37
Imbah tu manjadi balo sampai usia 84 tahun. Sidin kada suah maninggalakan Bait Allah, tetapi baribadah siang wan malam lawan berpuasa wan bardua.
38
Wayahitu, datanglah Hana wan inya mangucap syukur lawan Allah belalu mangesahakan tentang Yesus lawan sabarataan urang nang manghadang-hadangi panabusan Yerusalem. Yusuf wan Maria Bulik ka Nazaret
39
Imbah Yusuf wan Maria manjalanakan sagala sasuatu sasuai hukum Tuhan, buhanya babulik ka Galilea, ka kuta asal buhanya, yaitu Nazaret,
40
Anak itupun bertumbuh samakin ganal, kuat, hibak lawan hikmat, wan Allah mambarkati-Nya. Yesus di Bait Allah
41
Satiap tahun, urang tuha Yesus tulak ka Yerusalem pada Hari Raya Paskah.
42
Wayah Yesus baumur dua walas tahun, buhanya tulak kasana sasuai kabiasaan hari raya itu.
43
Imbah perayaan itu tuntung, buhanya bulik, Namun, Yesus tatap badiam di Yerusalem tanpa setahu kuitan-Nya.
44
Sabab kuitan Yesus mangira bahwa Yesus ada di antara rumbungan, buhanya pun malanjutakan parjalanan sampai saharianan. Belalu buhanya mulai mancarii-Nya di antara padingsanakan wan urang-urang patuhan buhanya.
45
Wayah buhanya kada manamuakan Yesus, buhanya bulik ka Yerusalem gasan mancarii-Nya.
46
Imbah talu hari, buhanya manamuakan Yesus di Bait Allah rahatan duduk di antara guru-guru agama, sambil mandangarakan wan mangajuakan partanyaan lawan buhanya.
47
Sabarataan urang nang mandangar-Nya tahiran-hiran awan pangatahuan wan jawaban-jawaban-Nya.
48
Wayah kuitn-Nya malihat Dia, buhanya juga hiran. Belalu, buhanya batakun, " Nak, nangkaya apa Engkau malakuakan ini lawan kami? Ayah-Mu wan aku gaer banar mancari-Mu."
49
Jawab Yesus lawan buhanya,"Ba apa pian mancarii Aku? Kadakah pian tau bahwa Aku musti badiam di rumah Bapa-Ku?"
50
Akan tetapi, buhanya kada paham apa nang di padahakan-Nya lawan buhanya.
51
Balalu, Yesus bulik baimbai buhanya ka Nazaret wan manuruti buhanya. Namun, uma-Nya, manyimpam panderan itu dalam hatinya.
52
Yesus pun bertumbuh samakin ganal wan samakin bijaksana. Yesus jua samakin dikatujui Allah wan manusia.