Ite Anilah Kangot-Kangot Nyabata ¹ Sampeaso samaa mingkat ite barakat lalu ite ni munji kangot-kangot Nyabata, menang dunia kati kanal ge ite pan dunia ti kanal ge iyam. ² Age-age da ni kit mase, toloyah ite jadi kangot-kangot Nyabata namun ite pande Nyam utuk, ite nurut inyam ite mile kadaan iyam da batol. ³ satiap ayo da ani pagarap ket sadat Kristus, iyam muhu adup Nyam, samu ge Kristus muhu. ⁴ Setiap ayo bulah dose barati nga langar dose ge ukum. ⁵ imu pande Kristus ni nulis pagapus dose, ket sadat Nyam kati ani dose . ⁶ Satiap ayo da madi ket sadat Nyam ti bulah dose. kati ani da kati badose kalo kati ani mile Nyam. ⁷ Kangot-kagot kit,kaa sampe ayo kalayo muk, ayo da babuat batol anilah ayo da batol, samu ge Kristus anilah da batol. ⁸ ayo da bulah dose barasal but amot kat amot amot da idu bulah dose. kangot Nyabata tuk ngancur pabulah - pabulah amot. ⁹ kati ani ayo da banak bit Nyabata babuat dose kat bibit Nyabata. ¹⁰ ayo da kati ngalaku da batol kati barasal but Nyabata pang koh ga ayo da kati mile age age Nyam . ¹¹ sebab dari idu ite dagah sarite, ite harus sayang. ¹² ka nurut Kain, ngamis sade Nyam , kat da bulah jahe sadang sade Nyam da bulah bait. ¹³ Age-age kit, kaa takajut mile dunia rusi ge mu. ¹⁴ ite pande ite kaluar dari kabih ite sayang ge age-age.ayo da kati sayang ge age madi ket sadat kabih. ¹⁵ samaan ayo da rusi ge age ni muji pagamih,imu pane ayo da ngamiskati aman ket sadat ate Nyam. ¹⁶ pang koh lah sayang,Yesus Kristus Nyam nyarah idup Nyam tuk ite. ¹⁷ sano raya harta ayo da deket dunia, mile age da perlu , tapi Nyam nutup ate Nyam ge age koh , kati ani sayang Nyabata ket ate Nyam. ¹⁸ kangot-kangot kit , bait lah ite sayang kawan kaa banine ge rata, tapi harus bulah da batol. ¹⁹ ge diah, ite pande ite barasal dari da batol ite harus bisa mangkat ate ite ge tura Nyabata. ²⁰ koh sando ate ite sarat ngagune ite, Nyabata rabeh aso bit ate ite, Nyam pande samaan da tajadi. ²¹ age-age da ni kit sayang, kalo ate ite sara, ite milih da ituh ket tura Nyabata. ²² jai da ni te mahe ite narima bit Nyabata ite nurut parintah-parintah Nyam ge ngalaku da bakanan ket Nyam. ²³ ge diah lah parintah Nyabata, da ite wat ite pasaya ket sadat gaat kangot eh, Yesus Kristus , ge ite saling sayang samu da sakat ni marintah ge ite. ²⁴ ayo da nurut parintah- parintah Nyabata madi ket sadat Nyam, ge Nyabata ket sadat Nyam. ge diah ite pande Nyabata madi ket adup ite, kat Roh da Nyabata pamase tuk ite.