¹ Neme Yudas, ho Pelayan Lamatuaka* boema tolano Yakobus, bati neu sila manahelek, boema manasue neme ama manetulain, boema manakaboboi neme Lamatuaka mai. ² No susue lalaika, ma moledame, boema ko henuk no susue lalaika. Neuko Lamatuak ka Huku Lange Dahena Mana Tao Sala ka. ³ Tolano susueng lemin besakia au usaha kuni makapi balakai, au dui soda molek neu ita basa ma au hule neu ko, moi tao no tetea neu namahehelek, lia au fen neti noi lakesa losa dodona,soa neu dahena lo matetuka. ⁴ Tehu dahena-dahena mangalesi nai ko talada, li dahena-dahena lia neme ulu donamai, laketu basan neuko huku - langen, dahena-dahena ho li tananu dale kamaheheletak ka, boema noi tao sala lamatuaka babati papala na. Lia noi tao tunga Lia hihi nanaun, boema ta sipo ita mana kuasan, ho li Lamatuaka. ⁵ Au kela kafadango, leo mae ko bubulu basa-basana, bahwa lamatuaka napoi na dahena sila kelua neme dae mesir, tehu mai boema Lamatuaka huku lange dahena kamaheheleta ka. ⁶ No, Malaikat-malaikat kamaheheleta ka, ho lia foa kela sila mamana leleon napalasan, boema paka leni rante matea mamepe nai mamana makiu makahatuka nahani neu fai keke tetebi ka. ⁷ Sama leo sodom no gomora. ⁸ ho sama leo basa-basa dahena sila, lamahele neu sila mei-afe, langegeo sila aoinan, ta sipo paleta kuasa, no lakamumulu-lakamamae neu basa manalalao-manalalafu ka. ⁹ Leo mae Mikhael, makalanga neme malaikat sila, tepo do lelelia ka nahu no nitu~ huno Musa papolan na~ ana ta napalani nakamumulu-nakamamae neu nitu, tehu noi nahalaka nae," Neuko Lamatuaka namanasa no ko!" ¹⁰ Neuko basa mana tui masalalikala lakamumulu-lakamamae neu hata ho sila ta babulu fa, sila lalela tunga sila hihinanaun, ho sama leo bana lia ta nanu duduka a'afi fa. Huno nonoi sila, Neuko tao nakalalutu sila. ¹¹ Neuko masalae heni kemi! Huno kemi tunga eno-dala ho lia kain noi taon, boema tunga nonoi tatao sala ho lia Bileam taon, boema mate do mopo huno nalena langa ka sama leo Korah. ¹² Kemi sama leo mangangeo ka nai kemi nanamma, malea nana nakabua ta nanu bibi fa, lia lelu noi aoina mesan. ho sila sama leo kowa maneni uda ta ka, ho lia anin lipu neu mai. sila sama leo kai lia ta naboa nai fai buna boan fa. mate laki dua, no feka heni basa-basa okan na. ¹³ Kemi sama leo li-nafa bauina nai tasi lain, ho nafufude noi nakamumulu nakamamae neu kemi. kemi sama leo basa lu manalalakoka makiu makahatu ka mana sedia neu kemi losa dodonna. ¹⁴ Boema sama leo dahena-dahena sila Henokh, keturunan kahitu neme Adam, Noi Tao, "Lelu Leo" Lamatuaka mai sama-sama kadodoka ho dahena kamahehelen na. ¹⁵ Boema nakalalako hala keke tetebi neu basa dahena; huhuku lalange neu basa dahena kamaheheletaka, neu sila nonoi tataon boema neu basa dedea nafada ho lia manadedea neme dahena-dahena kamaheheletaka neu Lamatuaka. ¹⁶ Sila sama leo dahena-dahena manatoka-mata, mana sanga sala'ka boema tunga sila hihi nanaun mesa'ka; sila labafa bauina neu dahena feke'ka ho kela sila hapu dai. Hehelu Balata Neme Yudas. ¹⁷ Tolano susueng lemi, kemi mafalelene mahele dedea nafada neme Rasu-rasul* Li ita Lamatuaka, ho Yesus Kristus. ¹⁸ Boema sila lafada neu Ko:" Losa fai nakeketuka, te hapu dahena kamaheheletaka ho li tunga nahele lia hihi nanaun". ¹⁹ Dahena-dahena silala li mana sanga sala boema tunga sila hihi nanaun daebawoka, boema tananu duledaleka*. ²⁰ Soa neti kemi tolanong-tolanong susueng lemin, foa leo mapadede kemi namahehelem mangamomoi neu kemi dalem boema hule haladoi neu dula dalek ka. ²¹ Makaboi masamao kemi aoinam nai Lamatuaka susue lalain dalek ho mahani neu babati papala neme ita Lamatuan amak mantulain ana mane kisen Yesus Kristus, holia hela nole ita leo nusa sodak neu. ²² Manu malah dale naloe-nakadaeao neu dahena folia tanalela fa. ²³ Mapoima dahena leme ai pilak ka dale mai, soa neu dahena feke ka matudu ko susue lalaim no bibima namataku, no nasa bolli neu sila bualoan ho lia langengeo hu nonoi tataon masalaem daeinan na. ²⁴ Soa neu lia, fo manakuasa nanea ngo ta bisa tuda fa kela ko mai leo lia Takhta na ho mamana malalao manalalafun ta no lukulaka te no namahoko ma natadale. ²⁵ Kada'k noi Lamatuak Esa ita manasoi manatefan lia Kristus Yesus, ita Lamatuan, kikio, oopa, makapi balakai, no kuasan nai basa fai, neme dodona mai, besak kia, losa dodona neu. TEBE LEO LIA*.