¹ Neme penatua mai soa neu Gayus, tolano susuek nai eno lo do matetuk ka dalek. ² Tolano susue ma lalaing kon, au hule haladoi ho kelak ko ao pa ma sodak molek, sama leo ko somane ma boe sodak molek. ³ Au kamahoko, hu no basa tolanok kala mai ma fe kesaksian tentang eno lo matetuk ka, sama leo besak ia kemi masoda nai eno lo matetuk ka dalek. ⁴ Au namahohoko nga ta seluk neme ketika au kamanene au ana ngala lako ma ngani nai eno lo do matetuk ka dalek. ⁵ Tolano susueng kon, ko moi tao no dale katema tuak nai basa-basa ko tutunga sasanga ma soa neuk basa tolanok kala walaupun sila nana dahena hahi nenen. ⁶ Ala fe basa kesaksian tentang ko susue lalai ma nai jemaat ala matan so. Ko akan moi tao malole untuk tulu fali neuk bea ho liak nau tunga nahele Lamatuak ka eno do man na. ⁷ Hu no Nadek lia, ala lako so, te hu ala ta hapu hata esa boek neme dahena ho liak ta namahele fa. ⁸ Hu no lia, ita harus tulu fali dahena-dahena leo liak ka ho kelak ita dadi neuk tolano untuk tui benga eno lo do matetuk ka. (Diotrefes ma Demetrius) ⁹ Au haitua fe jemaat ala susulak so, tehu Diotrefes, dahena ho liak biasa nameda ao inan nakalena neme basa jemaat ala mai, ana ta nau sipo ami fa. ¹⁰ Hu no lia, makaneni ma au mai so na, au akan kasangai nana hu no lia nonoi tataon na, ho lian na nakamumulu nakamamaek ami nenik dedea nafada takadaluk! Ta hu noi lia fa, te ana boe ta nau sipok tolano manamaik sila fa ma ana nafada basa jemaat ala ho ta boleh esa sipok tolanok sila boek ma ana dea heni tolanok sila leme jemaat ala mai. ¹¹ Tolano susueng kon, bosok ko moi tao tunga nonoi tatao takadaluk, melainkan tunga noni tatao malole. Dahena ho liak nonoi tataon malole nana ana Lamatuak lia, te be lia noi tao takadaluk so na dahena lia be ta nalelak Lamatuak ka fa. ¹² Basa-basa dahena la fe kesaksian malole tentang Demetrius so, bahkan lo matetuk ka boe fe kesaksian sama leo lia. Ami boe fe kesaksian dan ko bubuluk bahwa ami kesaksian ma laken. ¹³ Be hal dodouk ho liak au hik duik fek leo ko leu, tehu au ta nau duik kunik balpoin no tinta fa. ¹⁴ Au hik ku kanetak ko ko lai-lai ho kelak ita dedea matak no matak. ¹⁵ Soda molek bati neu ko. Tolano manai ia la haitua salam fe ko mo basa tolano manai na la.