¹ Neme penatua mai ana fen neu lia anan ma ina fo liana mana tenga mana hele nai lo ma tetuk ka dalek, tehu ta soa noi sila fa te soa neu basa dahena fo lian na nai lo matetuk ka dalek. ² Hu no lo matetumk fo lia nai ita dalek, no nahele ita neme besak ia losa dodo na neu. ³ Babati papala, susue lalaik ma soda molek neme Amak mantulain, ma neme Ana mane kisen, no nahele ita nai susue lalain ma lo matetuk ka dalek. (Masoda Tunga Amak Mantulain Paleta Na) ⁴ Au kamahoko ma katadale hu no au kamanene kae kemi anam hida leo lai lo do matetuk ka dalek sesuai no paleta neme Amak mantulain mai. ⁵ Besak ia au hule neu au inang kon, au duik ia bukan paleta bebeuk, melainkan paleta ho liak ita sipon neme makasososan mai, ho kelek ita tasue talai ao. ⁶ Mai ita tasoda tunga paleta nasue nalai aok ho liak ita sipon neme makasososan na mai. ⁷ Basa mana tao pepeko takadaluk nai dae inak ka ta lamahele Yesus dadi neu Kristus ho liak dadi dahena lia na na dahena kamahehelek tak (Anti Kristus) ⁸ Kemi manea ho kelak boso mopo hata ho liak kemi moi ma taon melainkan hapu mala iipa babalak ka. ⁹ Basa dahena ho lian lalai leme Kristus nanoli nafada na sila ta lanu Amak mantulain fa. Te batin neu dahena ho leo nai nanoli nafadak lia dalek nanu Amak ka ma Anak ka. ¹⁰ Makaneni ma dahena mai leo ita mai, ta neni nanoli nafada malole fa ta boleh sipok kana leo ita uman. ¹¹ Batin neuk bea liak sipok dahena leo liak ka sila basak sala tao nonoi takadaluk. ¹² Au kahik duik nonoik dodouk soa netik ko neu susula dok ia tehu au kamahena malole lena ita taneta matak no matak ho kelak ita tamahoko ma tatadale. ¹³ Basa anak leme tolano inam mai ho manatenga manahelek ho liak lakalolosak dedea nafadak ia netik ko.