¹ Hu lia, au tolanong kemi lia au sue lai ma kaneta ko kemi,dadi neu namahoko natadale bauina esa, napade nai ita talada nai Lamatuak dale. ² Au kamahena neu Euodia ma neu Sintikhe ho kela tei esa, dale esa nai Lamatuak dale. ³ Hu lia, au huke neu ko, tialai-tialai malole, tulufali neu ina kala sila ia, kela sila loi tao tea-tea lo au ho tui lafada Lamatuak dadea nafadan, ma Klemens no nano nanoi tataon feke kala boe, ho lia nade-nade manadui nai sasula masodak dale. ⁴ Mamahoko matadale nai Lamatuak dale. Lakiesa selu au kafada, mamahoko nai Lamatuak dale! ⁵ No ko dale naloe nakadae aom, basa dahena babuluk. Lamatuak mamai na deka. ⁶ Boso makatoka do makala neu dube-dube mesan. Hu lia, basa-basa nanoi tataom, hahi nanaum neu Lamatuak no hahule haladoi no namahoko natadale neu Lamatuak. ⁷ Soda molek neme Lamatuak desilena ita hahule haladoin mai, tapedan neu ita dalen no daduka a'afi nai Yesus Kristus dale. ⁸ Nateke na, basa tolanong ngemin nai lo ka dale, basan lia nai mangamoik dale, basan lia nai lo matetuk dale, basan lia nai manalalao manalalafuk dale, basan lia nai malole a dale, basan lia manakio do manakoa, basan lia natetu do nala, basan lia ita kio koan, dado ma basa sila lalaken. ⁹ Hata bea lia kemi manolin, sipo, mamanenen, no kemi lelun neme au mai, moi tao basa sila la lalaken, ho kela Lamatuak hu mole dame soda molek sama-sama no kemi. ¹⁰ Au kamahoko ma katadale nai Lamatuak dale losa besa kia, nateke ao na kemi tui mafada kemi dale ma neu au. Mema, makasasosan lia kemi beta mafada daduka a'afim neu au, tehu kemi tamanu fai ho tui mafada au. ¹¹ Au kafada eno ia neu kemi bukan au kakaleo, hu lia de au kanoli ho kela matetu mala dale ma nai dube-dube mesan. ¹² Au babulu kemi nai kakula kakopo ka dale, no au boe babulu kemi nai hahapu dadai ka dale. Nai basa-basa fai ka au babulu kemi tatoka tatama, au kanoli kafada kemi soda matetu mala ka, te kemi makabete do mamala, te kemi manu doi do doi ta. ¹³ Au bisa koi tao nanoi tatao dube mesan neme Lamatuak mai lia bati fe au makapi balakai. ¹⁴ Tehu, kemi moi tao nanoi malole ma bati pala bela bau mo au boe. ¹⁵ Kemi boe babulu, tolano salani ma nai Filipi, makasasosa na lanoli Injil, hu lia au foa kela mamana Makedonia, tahapu tolano salani ka lia nau babati bela bau mo au nai hahapu ma dadaik, kada neu ko. ¹⁶ Nakalena neme lia mai, tepo lia nai Tesalonika, ko tulufali au laki dadou. ¹⁷ Tehu, bukan tatulufali lia au sangan, au sanga buna boa ho lia neni fe ko hahapu dadai ma nambauina. ¹⁸ Au sipo kala babae henu ma nakalena. Au kanu basan lia au kahi kana ho lia ko haitua fe au tunga Epafroditus. Tatulu fafali ma lia dadi neu tutunu hohotu malole lia natetu nala no Lamatuak hahi nanaun. ¹⁹ Au Lamatua nga lia tao natetu ko hahi nanau ma tunga Lamatuak hata nun holia manlalao manlalafu nai Yesus Kristus dale. ²⁰ Kakio o'opa neu Lamatuak, holia ita Ama Manatulain losa dado naneu. Tebe. ²¹ Tui mafada ami soda molek ma neu dahena manlalao manlalafu holia nai Yesus Kristus dale. Soda molek neu ko neme basa tolanong kamhahele holia no au nai ia. ²² Basa dahena manlalao manlalafu fe hala soda molek neu ko, neu dahena lia noi tao nai Mane do Boko kala umandale. ²³ Babati papala neme Lamatuak Yesus Kristus ma natuti neme dula dalek mai, nasulu nahapa losa donaneu. Tebe.