A vosa vakatautauvata ni dauniyau tawa dodonu, 1 -13. Sa vunauci ira na Farisi ko Jisu, 14 - 18. Sa tukunia na tamata vutuniyau kei Lasarusa, 19 - 31.
1
Sa qai tukunia voki lia tale ko Jisu vei iratou na tisapeli. Sa beitakia voki lia e dua na Dauniyai ni vakasabusabutakia tiko na nona i yau e dua na tamata vutuniyau.
2
E a qai kacivia na Dauniyau na tamata vutuniyau ka tarogia vua. E dua voki lia na ka au sa rogocia tiko? Mo na tukunia kece mai na nomu i tukutuku vaka Dauniyau
3
Sa qai vakasamatakia na Dauniyau na cava me na caka me na kua ni yadi tani kinia vua na nona cakacaka vaka Dauniyau.
4
Sa qai nanumia voki lia o koya e dua na ka me kitakia me rawa ni ra vinakati koya voki tiko kinia na tamata.
5
Sa qai vakatekivu voki lia na nona kacivi ira kece na tamata ka ra dinau tu vua na nona i liuliu.
6
Sa qai tarogia vei konu na i matai ni tamata ka dinau tu vei koya na nona i liuliu. E vica na nomui dinau? E saumia na taro ko koya ka tukunia ni dua na drau na paca waiwai olive. Sa qai tukunia vei koya me tauria lesu voki na nonai vola ni veidinadinati, dabe sobu voki lia ka vola lia vakatotolo me limasagavulu.
7
E qai tukunia voki lia vua e dua, O konu, E vica o konu sa dinautakia, qai saumia ni dua na drau na witi. Qai tukunia vua me tauria na nona i vola ni veidinadinati, dabe sobu ka vola voki vakatotolo ni solia.
8
E yali ni dodonu voki lai na ka e cakavia ko Dauniyau ia e vakacerecerei koya voki lia o nona i liuliu. E ra qaseqase cake voki lia na luvei vuravura mai vei ira voki lia na luveni rarama.
9
Au tukunia voki vei ikodou, "Dou vaka yagatakia na i yau tawa dodonu me so voki kinia na nomudou i tokani, ni gauna e na yali yaga voki lia kinia na i yau, e ra na ciqomi kodou voki lia e na i tiko e tu dei.
10
11
O koya voki lia e dina e na ka lailai, e na dina voki lia e na ka levu ia o koya e yali ni dina ena ka lailai e na yali voki ni dina e na ka levu. Ke dou yali gona ni dina voki lia e na i yau tawa dodou, dou na qai niutakia vakacava mo dou dina voki lia e nai yau e tawa dodonu?
12
Ke dou yali voki lia ni dina ena nona i yau e dua, "O cei e na qai solia voki lia vei kodou na ka me mnomudou?
13
E yali ni dua na dau ni veiqaravi me na qaravia rawa e rua na Turaga bale lia ni na catia e dua na lomania na kena i karua, se kabita voki lia e dua ka becia voki lia na kena i karua. Dou na yali ni rawatia mo dou qaravia voki lia na Kalou kei na nomudou i yau.
14
E ra rogocia voki lia tu na Farisi ni ra tamata matamata i lavo voki lia. Sa dua voki lia na ka na nodra sevaki Jisu.
15
Mani tukunia voki lia vei ira ko Jisu, "O Kemunu koya oni vakadonui kemuni voki lia e na mata ni tamata. Ia e kila voki lia na Kalou na lomamunu. "Na ka e vaka bibitaka voki lia na tamaya. e ka vakasisila voki lia e mata ni Kalou.
16
E mai yala voki lia e na gauna i Joni na lawa kei na i vola ni Parofita. Me tekivu voki lia me vunautakia na vosa ni Kalou ka ra sa yali voki lia na tamata kece lia me ra lewenia.
17
E rawarawa voki lia me na takali voki ko lomalagi kei vuravura. ka dredre voki lia me na yali ni vakayacori e dua voki lia na tiki n lawa.
18
Na tagane e sevakia na watina qai vakawati voki lia, e sa veibutokoci. Na tagane tale lia e vakawatitakia na yalewa sa sere mai, e vei butokoci voki lia.
19
E dua voki na tagane vutuniyau e dau vakaisulu lokaloka jei na lineni voki lia. E marautakia na bula vutuniyau na veisiga.
20
E dua voki na dau kerekere ka dau toka voki lia i na nona matamata, ka yacana voki lia o Lasarusa. E robotia kece lia na yaqona na vidikoso.
21
E dau via kania voki lia na tikitiki ni kakana ka lutu voki lia mai e na teveli ni kana no Tagane Vutuniyau. Ka ra dau dramica voki lia na koli na nona vidikoso.
22
Sa qai mate voki lia na tamata dau kerekere ka yadi koya na agilosi me lai dabe voki lia e na yasai Eparama. Ka mate voki lia na tagane vutuniyau ka lai bulu voki lia.
23
NI sa tu voki lia e nai bulubulu sa qai tucake voki lia tu e na nonavakararawataki. Qai raici Eparama kei Lasarusa voki lia vakayawa ni dabe toka e yasana.
24
Mani kacivakia yani, "Tamaqu Eparama, Ni lomani au mai. Talai Lasarusa voki lia mai me mai tonia voki lia na mua ni qaqalo e na wai, me mai vakabatabata voki lia na yamequ, Ni sa tarai au voki lia vakabibi na katakata ni buka
25
Ia e tukunia, :Luvequ, nanuia voki lia na ka vinaka kece lia ko sotavia e na nomu bula, ia a sotavia voki lia ko Lasarusa mai vuravura na ka ca. Ia konu, sa na vakacegu voki lia o koya, ko sa rarawa voki lia o konu.
26
Ka kuri voki lia, Ni sa mai wasea ita voki e dua na i keli vakaitamera. Yali ni rawa evi ira i vanua koya me ra dewa voki lia yani vei kemunu, ka yali tale lia ni na dua e dewa mai vei keimamu.
27
E qai tukunia voki lia ke sa va koya voki lia tamaqu mo ni qai talai koya voki lia kina vale nei noqu qase,
28
ni lewe lima voki lia na taciqu, me lai vakamacalatakia vaka vinaka vei iratou me ratou na kakua ni mai tini voki lia e na vanua ni veivakararawataki au sa mai tu kinia koya.
29
Qai saumia ko Eparama, me ratou na qai vakarorogo voki lia vei Mosese kei ira na parofita.
30
E qai tukunia, "Yali Tamaqu Eparama. E ratou na qai veivutuni voki ni ratou sa na mate voki.
31
Qai tukunia ko Eparama, "Kevaka voki lia eratou yali ni rogocia mai vei Mosese kei ira na Parofita, eratou yali lia ni kauwai ke dua e vakaturi voki lia mai na mate.