अध्याय 7
1
फासो येशु गालील प्रांताम फिरा लाग्यो, काहाका यहुदी अधिकारी त्योल मारा केहता होदता फिरता आथा त्याहाले यहुदीया प्रांतामे फिरा लाग्यो नाहा.
2
यहुदी लोकाहा मंडपा सण पाहे आलो आथो.
3
त्या केता त्या पाऊ त्याले आख्यो, तु इहीनी नीग आने यहुदीया प्रांताम जो म्हणजे तु केहतो ती कामे तोह शिष्यानबी वेरा जोजे.
4
जो केअे प्रसिद्ध वेरा होदे तो दोबीन काहीजे केहतो नहा तु ईया गोठ्या केहेता वेरी ते सोताले देतियामे देखवज
5
काहाका त्यापाहूबी त्यायापे विश्वास भोवतुला नाहा
6
त्यावेने येशु त्याहाले आख्यो, सणाले जाऊलो मा घेल आजी आली नाहा तुमा वेल ते सदा तिमार आहे.
7
जेमाये तुमा द्वेष केरुनु ई नाहा बी शकतो पेन ते माआ द्वेष केअने काहाका आम त्याहा विषयी साक्ष देतोहो का त्या हा काले हारे नाहा.
8
तुमा सणाले उचे जा आथा सणाले आमी जा नाहा काहाका माआ वेळ आजी पुरी वेअयी नाहा.
9
ऐहकी त्याहाले आखीन तो गालील प्रांताम रियो.
10
पेन त्याआ पाहु सणाले उचे गीया ताहा तो बी बाठा देखता नीग्यो नाहा दोबीन उचे गीया.
11
ताहा यहुदी त्याले होदतला आने आखला तो हाय तेबी केहता
12
आने लोकांमे बी त्याआ विषयी खुबूजे कुरकूर वेअई केढा आखतलो ते हारो हाये बाहरे केठे आखतले का नाहा तो लाेकांले ठोगताेलो.
13
तेबी यहुद्याहा बीखीमुळे केडोज त्याआ विषयी उगाडावीने गोगतलो नेय.
14
हाती सण आथो घी गीयो, येशु उचे परमेश्वरा मंदिरामे जाईन शिक्षण दाआ लाग्यो.
15
हाती यहुदी नोवाय किने आखा लाग्या “हिक्या वाची इयाल विद्या आली केहकी ?”
16
त्यापेन येशुये तीहाले आख्यो, “माआ शिक्षण माआ नाहा तर जयाये माले मोकल्या त्या हाये. ”
17
जो केडो लााआ इच्छाप्रमाणे केरुलो इच्छा केरी त्याले ई शिक्षण देवापेनी हाय किंवा आय माआ मोनाकी गोगले ई हामजी.
18
जी आपु मोनाकी गोगेहे तो सोताहा मोठो केहे पेन आपुले ज्याये मोकल्यो त्याआ गौरव जो बेहेअे तो माहावु खेरो हाय आने त्या मे खराबी नाहा.
19
माशेये तुम्हाले नियमशास्त्र देदो का नाहा ? ते तुमा कोठोबी नियमशास्त्र पालतो नाहा. तु माल काहा माय टाका होसे.
20
लोकाये त्याल उत्तर दिन आख्यो, तुले पुथडो लागलो हाय तुले माय टाक केडो वेरी.
21
येशु त्याहाले उत्तर दिईन आख्यो, “ मायु एक काम केअेयो आणे त्याआकी तुमा बाठे नोवाय केअतेहे.
22
मोशेये तुमाले सुता लागवी देदी ती मोसेपनु नेय पेण वाडवडीलापेने आणे तुमा शाब्बाथ दिही मनुष्याहा सुंता केहता.
23
मोशे नियमाशास्त्रा मुडा नेय जोजे तीया केहता माहा सुंता जर शाब्बाथ दिही वेहे तर आय शब्बाथ दिही एका माहाले आगी होरो केअयो त्या खातोर तुमा मावे रोग चोडवुताहा का ?
24
मुये विअीने न्याय क्या नाहा तर खेरो नयाय केरा.
25
यापेने तो यरुशलेम वालाने कोताक जाआ आखाल्यागया “जीयाले मारा होदतला तो ओज हाय ने ?
26
व्या तो खुला कीअेन गोगी रीयोहाे आने तेत्याले कायीज नाहा गोगता आजे ख्रिस्त हाये ई खेरोखेर अधिकाऱ्याले होमजी गीहीले हाय काय ?
27
तेबी ओ किहीनी हाय ई आम्हाले मालुम हाय पेन ख्रिस्त आवी ताहा तो कहीनी हाये ई केडालुज होमजुनारो नाहा.
28
या वे नी येशु परमेश्वरा मंदिरामेनी शिक्षण देतलो ताहा माेठा की आख्यो “तुमा माले ओहकुताहा आने आय किहीनी हाय ई तुमा जाआताहा तेबी आय सोताहा आलेा नाहा जाये माल मोकल्या तो खेरो हाये त्याले तुमा आहकूता नाहा.
29
आय ते त्याले आहकुहू काहाका आय त्याजपेने हाय ओन त्याय माल मोकलुलो हाय.
30
यावेने ते त्याल तेरा होदतला पेणे केडोज त्याव हात टाक्यो नहा काहाका त्याआ वेल आजी आली नाहा.
31
ताहा लोकाहा टोला मेनी खुबूज लोकाही त्यावे विश्वास थोव्यो आने ते आख्या लाग्ये ख्रिस्त आवी ताहा याये केअेल्या चिन्हा देख तो माेठो काम केणारा हाय ?
32
लोकांहा टोलो त्या विषयी अेहेकी कुरकूर केअतला ई परुशांहा कानापे गियो ओन माठो याजक लोक आने पुरशांही त्याल तेरा केअता कामदार मोकल्या.
33
यापेने येशु त्याहाले आख्यो, “आय आजी थोडक काला तुमाअरी हाय हाती ज्योय माल मोकल्या त्याआ होवे आय निगी जाणारो हाय.”
34
माल होद काडाहा पेन आय तुम्हाले सापडुनारो नाहा आणे जीही आय रेहे तिही तुमा आवी शेकणाराे नाहा.
35
त्याकेअता यहुदी आपसामे गोग्या “ओ आपुले सापुडुनारो नाहा अेहेडो जाय तेबी कीही ? ओ ग्रीकमे आपु फेलाला यहुदी लोकाले जाईन त्याहाले हिकवी का ?
36
ओ जो आखे का तुमा माआ होद केअहा आने आय तुम्हाले सापडुनारो नाहा आय रिही तीही तुमा आवी शकणारा नाहा ई आखुलो काय हाय ?
37
हाती सेललया सना दिहामे म्हणजे मोठा दिहामे येशु ये उभो रिआीने मोठा कीा गोग्यो, केडाले पिही लागी वेरी त्याये माआ होवे आने पिये.”
38
जो माआपे विश्वास थोवेहे त्याहा अंत करणामेने शास्त्रालेख मे आखल्याप्रमाणे जिवता पाआया खाड्या वोयी.”
39
जीहाये त्यायापे विश्वास थोवला त्याहाने जो आत्मो मिलणारा आथो त्याआ विषयी त्याये ई आख्यो तावलोगे पवित्र आत्मो देदो नाहा काहाका आजी ताव लुग येशु गौरव वेयो नाहा.
40
लोकाहा टाेला मेने काेताक जावाये ऐ शब्द उणायने आखता लाग्या, “खेरोज ओ ताज संदेष्टो हाय,
41
कोताकाय आख्यो ओ ख्रिस्त हाय, बिहीरा कित्येकाय आख्यो, “ख्रिस्त गालील प्रांतामेने आवणारो हाय का ?”
42
दावीदा कुडबामेने आने ज्या गावामेन दावीद आथो त्याआ बेथलेहेमामेने ख्रिस्त आवी अेहेकी शास्त्रलेख आखतो नाहा का ?
43
त्यापेनी त्याहामे लोकाहाम फुट पोडी,
44
त्यायाहामेनी कोताक जाआ त्याले तेरा वेतला तेबी केडो त्यावे आथ टाक्यो नाहा.
45
हाती कामदार माठा याजकाही आने पुरशाही आला ताहा ते त्याहाले आख्यो, “तुमा त्याहाले काहा नाहाली आला,
46
कामदाराये उत्तर देदो, “केडोज माहावु तीयाहोच काधीच गोग्यो नाहा,”
47
ताहा परुशांही त्याहाले उत्तर देदो, “तुमा बी ठोगाया का ?”
48
अधिकाऱ्या मेनी आने परुशामेनी कडो त्याआवे विश्वास थोवलो हाय का ?
49
पेन ओ जो नियमशास्त्रा जाआता नाहा ते तियाहापे शाराप हाय.
50
खुब पेहोला त्याही आलोला आने त्याहामेने एक आथो निकेदेम त्याहाले आख्यो.
51
ऐगाहा माहा उणायने आने ता काय केहे या मालुम किईन लेदल्यावाची आपु नियमशास्त्र तीयाआ न्याय केहेक ?
52
त्याये त्याहाले उत्तर देन आख्यो, “तुमाबी गालील प्रांतामेन हाय का ? होदा आने त्या काहाका गालील प्रांतामेने संदेष्टो निगगो नाहा .
53
हाती ते बाठाजाआ आपु-आपू कोअ गिया.