अध्याय 2
1
फाचे तिसरा दिही गालील शहरा काना नगराम एक वोराड आथो, आने ईसु याहकी तिही आथी.
2
ईसु आने तिया चेलाहान वोराडाम हादला आथा.
3
फासे द्राथाक्षारोसो पारवायो ताहा ईसु याहकी तियाल आखालागी, “तियापाही द्राक्षारोसो नाहा.”
4
ईसुय तियुल आख्यो, “ बाई, ईयाकी तो आने माआ काय संबंध हाय ? मा वेल आजी आली नाहा.”
5
तिया याहकी चाकरान आखा लागी “ओ तुमाहाल जोओ आखी तो केजा.”
6
तिही पांया सहा दोगडा गोले, यहुद्या शुध्दी करन कईलो रितीप्रमाणे थोवलो आथो, यिताम बेन-बेन, तिन-तिन मण पांय होमाय ऐहकी तेऐ आथे ?
7
ईसुय तियाहान आख्यो, “गोलाहान पाया की पोय द्या.” आने तियाही ते मुयाही आवे आते पोये.
8
फासे तियाय नौकरान आख्यो, “आमी आमी तियामेने काडीन मांडोओ बानावनाराही ली जा, ताहा तियाही तोओ लि गिया.
9
द्राक्षरोसा बनविलो पाय, मांडो बोनावनाराय जाहा साखी वेयो आने तो किहीने हाय ई तियाल मालुम नाय आथो, पेन जिया नौकराय पांय पोला तियाहान मालुम आथो, ताहा मांडो बोनावनाराय वोर राजाल हाद्यो.
10
तियाल आख्यो, ‘हर ऐक माहु पेला हारो द्राक्षारोसो वाटेहे आने माठो फासे वाटते पेन तु ता हारो द्राक्षारोसो आमी लुग थोवलो हाय.”
11
ईसुअ गालील शहरा मने काना नगराम तियाहान अद्भुत चिन्हां सुरुवात किईन तिया गौरव प्रगट केयो, आन तिया चेलाही तियाप विश्वास थोव्यो.
12
तिया फासला ओते तिया याहकी तिया पावु आन तिया चेला निचे कफर्ण हुम गिये, पेन तो तिहीज खुब दिही रियो नाहा.
13
फासे यहुदीयांहा वल्हांडण सा पाही आलो आने ईसु यरुशलेम शहराम उच्चे गियो,
14
आने तियाय परमेश्वरा मंदिरामेने (देवलामेने) डोगरे, मेडे, आने कबुतर वेचनारा आने सराफ ऐ बोठला देख्या
15
ताह तियाय दौढा एक चापको बनविन मेढे आने डोगरे इया आखान परमेश्वरा मंदिरामेने काडी टाक्ये, सराफा पैसा पेटी फेकी देदा, आने चौरगाना उबलावी देदे.
16
आने तियाय कबुतर वेचनारान आख्यो, “ईयान इहीने काडी टाका, मा होरगा वाहका कौवे बाजारापेट माआ बनावा.”
17
ताहा तोओ मंदिरामेने आवाजा वाय माल खाई नाय रियोह, ऐहकी शास्त्राम लेखलो हाय ऐहकी तिया चेलाहान ईतवी काड्यो.
18
तियापेने यहुदीया तियाहान आख्यो, “तु आमाहा ई केहतो तर आमहाल तुमाहा अधिकार काय चिन्हे देखावता ?”
19
ईसु तियाहान उत्तर दिईन आख्यो, “तुमाहा ई परमेश्वरा मंदिराल तोडी टाका आने आय तीन दिहाम बनवि टाकेहे.”
20
तियापेने यहुदी अधिकारी ई आख्यो, “परमेश्वरा मंदिर बांधा शेहचालीस वर्षे लाग्येहे, आने तु इ तिन दिहाम बनवि टाकोहो काय ?”
21
तोटो तिया देहाठपी (शरिरारुपी) मंदिरा बारामे गोगतो आथो.
22
फासे तो ओ ऐहकी आखतलो की तोओ मोय गेहलेा मेने उठीन तिया चेलाहान ईत आलो. आने तियाय शास्त्रलेखाम वेयो, ईसु आखल्या बचना गोठीप विश्वास थोव्यो.”
23
आमीही वल्हांडण सणा वेला तो ओ यरुशलेमा शहराम आथो.
24
तियाय केअले चिन्हे विईन खुब माही तिया नावाप विश्वास थोव्यो. ऐहकी आथो, तेबी ईसुय तियाहान वोखीन तिया स्वता तियाप विश्वास नाय आथो.
25
शिवय माहा बद्दल केडोभी साक्षी दा जोजे ईया तियाल गरज नैय आथी, काहाल माहु काय काय ई तो वाखी लेदलो आथो.