अध्याय 11
1
आमी बेथानीयामेन लाजर नावा एक माहाव आजारी आथो ई मरीया आने तियी बोहीय मार्था हे बेनी तिज गावा आथ्या.
2
तियूय मोगो तेल लीन प्रभु यीशूल लागव्यो आने तियू चोट्याव्याय तिया पाग तोव्या ती ईज मरीया आथी आने तियू पावू लाजर आजारी आथो.
3
तियाल तियु बोहीय यीशुल आखी मोकल्यो इतव्यो, “प्रभुजी, व्या तु जियापे माया केहतो तो ता बिमार हाय,
4
पेन तो उनाय यीशुय आख्यो, “ई बिमारी मरणा केता नाहा पेन देवा महिमा केहता हाय म्हणजे देवा पोयरा तियाकी महिमा वेरी.”
5
आमी मरीया आने तियू बोय मार्था आने लाजर या वे यीशु मोया केतुलो.
6
म्हणजे तोह बिमारी हाय ऐंहकी तो उनायो ते बी तो आथो ति जागाप आजी बेन दिह तिज गावाम रियो.
7
फासी तिया ताहा तियाय शिष्यान आख्यो “आपु आजी यहूदीया शहराम जाहु का ?
8
शिष्याय तियाल आख्यो “रब्बी, यहुदी लोक आपुल डोगडमार केरा वाट जोवतुला आने आपु आजी तिही जाहु का ?
9
यीशुय उत्तर देदो “दिहा बारा तास हाय का नाहा दिहाम जर केंडो चाले तो ठेचलातो नहा काहाका तो या जगा उजवाडो वेहे.
10
पेन जर ऐगो राती चाले ता तो ठेचलायेहे काहाका तिया आगला उजवाडो नाहा.
11
यीशुय ऐ गोठ्या गोगता तियाल आख्यो आपे हेगात्या लाजर हुतलो हा पेन माय तियाले निदीमेने उठवा जाव.
12
तियाले तिया शिष्याय तियाल पुच्छो “प्रभु जी तियाल निद लागली वेरी ता तो हारो वीजाय.
13
आमी यीशु तिया मोनु विषयाम गोगलो आथो हुतलामने मिलणारो आरामा बारेम गोग्यो ऐंहकी तियान लाग्यो.
14
फासी यीशु खुलो आखी देदो “लाजर मोय गियोहो.”
15
आने माय तिह नेय आथो तियाल तुमा केहता खुशी वाटेहे काहाका मा ऐंहकी ईष्या हाय का तुमा विश्वास थोवा ते बी आू तियाय जाहु.
16
फासी जियाल दिदुम आखता तोह थोमा तियाआरी रेनारा शिष्यान आख्यो, “आपु बी या आरी मोरा जाजी का ?”
17
फासी यीशु आलो ताहा तियाल ऐंहकी वाट्यो का तियाल कबराम थोवीन चार दीही वी गिया.
18
आमी बेथानी शहर यरुशलेम शहरायने जागेज तीन किलोमीटर आथो.
19
आने यहुदी लोकाहामे खूब माहाये मार्था आने मरीया याही तिया मावूल खूब माहाय सांत्वन केरा आले आथे.
20
तियाल यीशु आवी रियो उनाता मार्था तियाल जायन भेटी पेन मरीया कोमेज बोही रियी.
21
ताहा मार्था यीशुल आख्यो, “ प्रभुजी, तुमा जर ई रेता ता मा पावु मोतो नाय.”
22
तेबी आमी बी जो काय आपे देवा हुबूर मागुहू तोह देवा आपूल दी ऐहकी माल मालुम हाय.
23
यीशुय तियील आख्यो “तो पावु आजी उठी
24
मार्थाय यीशुल आख्यो “तो शेवट्या दीही पुनरुत्थाना समयी फासो उठी माल मालुम हाय.”
25
यीशुय तियील आख्यो “पुररुत्थान आने जिवन मायज हाय जो मावे विश्वास थोवेहे तो मोयो वेरी ते बी जागी उठी.”
26
आने जिवता हाय ते आखे माहाय जे मावे विश्वास थोवते ते किधीज मोनारे नाहा या गोठीव तु विश्वास थोवती का ?
27
तियूय तियाल आख्यो, “ हाव प्रभुजी जगाम आवनारो जो देवा पोयरो ख्रिस्त तोह तुज हाय ऐहडो विश्वास माय तेयो.”
28
आने ओतोज गोगीन ती निगी गियी आने तियू बोही मरीया तियूय ऐक होवा हादीन आख्यो “गुरुजी आलो आने तो तुल हादी रियोहो”
29
मरीया ई उनाहाता ति माहार उठीन यीशुय गियी.
30
आमी यीशु आजी गावाम आलो नेय आथो पेन मार्था तियाल जी मेडवायो तिज जागे आथो.
31
ताहा जे यहुदी मरीया आरी कोमे आथा आन तिईले सांभालतुला मरीया माहारी माहारी उठीन बारे जाता वेगरीज तिह कबराय जायरीई ऐंहकी होमजीन ते तियू फासला गिया.
32
फासी यीशु आथो तिह मरीया आली यीशुल वीन ती तिया पागे पोडी आने तियाल आख्यो “प्रभुजी तु इही रेतो ता मा पावु मोतो नेय”
33
जा यीशु तियाल आने तियु आरी आला यहुदी लोकाहन रोडतुला ऐंहकी वेता तो आतम कालावाला आने दुखी वेयो.
34
आने यीशुय आख्यो “ तूमाय तियाल किही थोवलो हाय.” तिहाय यीशुल आख्यो “प्रभुजी, आवीन व्या.”
35
यीशु रोड्यो.
36
यावेने यहुदी लोकाहाय आख्यो, “वेरा या तियावे कोती तेबी मोया आथी.”
37
पेन तियामने कोताहाय आख्यो “जीयाय डोवा उगाड्य तियाये या माहा ओ मोय नेय ऐहेकी केता आलो का ?
38
यीशु आजी तिया अन्तकरणाम उमली आलेा तो कबराय आले तिह एक गुफा आथी ओन ति गुफा मुयापे मोडो डोगडो थोवलो आथो.
39
यीशुय आख्यो “ओ मोडो डोगडो काडा आथाी मोला बोय मार्थाय यीशु आख्यो, “प्रभुजी, आमी तियामणू आमी खाराब गुंदातो वेरी, काहाका तियाल मोयन चार दीही वी गीयाहा.”
40
यीशुय तियुल आख्यो, “तु विश्वास थोवो ता तु देवा गौरवा वी सेकोहो ऐंहकी माय तुल आखलो नेय आथो का ?”
41
ताहा तियाहाय डोगडो काड्यो आने यीशुय डोवा उचे की आख्यो “हे बाहाका तु मा उनायो तियाल माय तो आभार मानुहू”
42
माल मालु हायय का तु मा हमेशा उनातो ते बी जे लोक चोमखी उबला हाय तियाहा केहता मा गोग्यो याकेहता का तुय माल मोकलुलो हाय ऐंहकी तियाहाय विश्वास थोवा जोजे.”
43
ऐहकी आखता यीशुय मोठा आवाजा की आख्यो, “लाजरा बारे निग”
44
ताहा तो मोलो आथेा तो बारे आलो तिया आथ पाग तोला माहा फाडकाकी बांदला आने मुय ताहा रुबालाकी बांदलो आथो. यीशुय तियान आख्यो “याले मोकलो के ओन जा दे”
45
ताहा मरीया यहुदी लोकाहाय यीशुय जो केयो तो वी लेदो आन तियाहामने खुब लोकाहाय विश्वास थोव्यो.
46
पेन कोताहाये परुशी जायने यीशूये केयो आखी देखाव्यो.
47
फासी मुख्ययाजकाहाये आने परुश्याय सभा टोलवीन आख्यो “आपू काय की रीया काहाका तो माहाव खुच चमत्कार की रीयोहो.
48
आपु तियाल ऐंहकीज सोडु ता आखा लोक तियापूज विश्वास थोवी आने रोमी लोक आवी आपू जागो आने राज्य बी हारवी ली जाय.
49
ताहा तियामने कोयफा नावा ऐहगो माहाव जो ती याजक आथो तियाय तियान आख्यो ‘तुमाल कायज होमजुतो नाहा.
50
प्रजा केहता एक माहाय मोनु आने एक राज्यानाश नेय वे ई तुम्हाल कायदो हाय इ बी तुमा मुनकाम आवतो नाहा का ?
51
आने ईता तो तिया मानामने नाहा गोग्यो पेन तिया वर्षीम तो मुख्यायाजक आथो म्हणुन तियाय संदेश देदो का यीशु तिया राष्ट्राकेता मोनारो हाय.
52
आने फक्त ते राष्ट्रा केहता ऐहकी नाहा पेन या केहता का तियाये देवा वैरगाला पोयराले एकजागे किईन एक केरा केहता.
53
यावेणे ति दिहापेन तियाहाय तियाल जिवे माय टाका आपसाम नोक्की केयी.
54
तियाले तिया फासी यीशुय यहुदी लोकाहाम देख्याातो नाहा फियो ताहा तिहीने जंगला हुबऱ्या शहरामने एफ्राईम नावा गावाम गियो आने तिह तिया शिष्या आरी रियो.
55
ताह यहुदा सण पाहे आलो आथेा आने खुब लोक अगोदर सोताल सुध्दकी ला बारे गावमेने उंचेहोवे यरुशलेम शहारावेले गीयो.
56
ते यीशुल होदतुला आने ते परमेश्वरा मंदिराम उभुरीन ऐक बिहीराले आखतुला तुम्हाल काय लागेहे सणाम तो खेरोज नाहा आवनारो का ?
57
आमी मुख्या याजकाये आने परुश्याहाये ताहा तियाल तेरा गोठी की ऐंहकी तियम देदलो आथो का तो किहीबी वेरी ऐहकी जर केडाल मालुम पोड्यो ताहा आखवो.