¹ Paulu, umosi mu ntumua za Yisu Klisto mu luzolo lua Nzambi, kua nkangu wanlongo wa Nzambi. Wena mu Efeso ye a kuikama mu Klisto Yisu. ² Bika nlemvo wakala mu yeno ye luvuvamu lusikilanga mu Nzambi se dieto ye mu mfumu Yisu Klisto. ³ Bika Nzambi ye se dia mfumu eto Yisu Klisto ka sikua! Yani wakutu sakumuna mu nsakumunu zazonsono zanlongo muna vuma ya mazulu mu Klisto. ⁴ Nzambi wakutusola mu yani tuka mu mbadukulu a nza, mpasi vo tuakala anlongo ye tondua kua nsembolo va meso mani. ⁵ Nzambi wkuyisengila mu kutukitula ana mu Yisu Klisto wonso wena lukanu lua mbote lua luzolo luani. ⁶ Nkitudulu eto yena wonso nsendo nsikulu munkembo a nlemvo ani wu kakutuvana mu kalekua kua ndiona wukazolanga. ⁷ Mu Yisu Klisto, tuena nkundulu mu menga mani ye ngiambudulu a masumu, wonso wenina yimvuama ya nlemvo ani. ⁸ Yani wamuangisa nlemvo wowo muyeto mu nduenga ye mu nduka zazonsono. ⁹ Nzambi wakutu zayisa mansueki ma luzolo luani wonso wena zolakana kuani, ku katusongila mu Klisto. ¹⁰ Salu kia Klisto kiakala lukanu lukana lungisa mu ntangu mukutikisa lekua ya yonsono, lekua yayonsono mu zulu ye va ntoto, mu mfumu yimosi, mu Klisto. ¹¹ Mu Klisto, tuayikua wonso minvingidi mia difua, Dioio diakizengulua mu yeto, mu lukanu lue ndiona wavanga yayonsono wonso wenina nsukunu a luzolo luani. ¹² Nzambi wakatuyika mu vingila difua mpasi tuakala antete mu kala ye vuvu kiasikalala mu Klisto. Iwowo tulenda kala mu nzitusu a nkembo ani. ¹³ Mu Klisto, yeno mpe, va nuamana wa nsamu wakedika, nsamu a mbote wa mpulusu eno, ye nua kuikila mu yani ye nuatulua dimbu ye mpeve yanlongo yasilua. ¹⁴ Mpeve yanlongo i nkebolo a difua nate ye tuna dio baka mu nzitusu a nkembo ani. ¹⁵ Mu bila kieto, tuka ntangu yayo a vovila minu kieno yeno mu mfumu eto Yisu Klisto ye zola kuena mu nkangu wanlongo wa Nzambi, ¹⁶ Kia lembolo yambula mu vutula matondo kua Nzambi mu yeno mu kunu sambidila mu tusambulu tuame. ¹⁷ Ngieti lomba kua Nzambi ya mfumu eto Yisu Klisto, se dia nkembo, ani. ¹⁸ Ngieti lomba vo meso ma ntima mieno ma kiesulua mpasi luazaya vuvu kiasikalala mu kiawu kakunubokidila ye yimvuama ya nkembo a difua va kati kua nkangu a nlongo wa Nzambi. ¹⁹ Ye mu tusambulu tuame, ngilombanga, vo nuazaya nene kua kondua tezo kia lulendo luani mu yeto tukuikilanga wonso wena salu ki salanga muna ndolo zani zaluta tezo. ²⁰ I mu lulendo lolo kaka Nzambi kasadila mu Klisto ntangua kamfulukisa mu afua ye wavuanda va lubakala mu mazulu. ²¹ Wavuandisa Klisto, nseke va zulu a yimfumu yayo ye lulendo lualo ye luyalu lualo ye nkumbu zazo zasonukua. Klisto wuna yala ka mu ntangu yayi kaka ko kansi nate ye muntangu yeti kuiza mpe. ²² Nzambi watula mamo ku nsi amalu ma Klisto ye wamvana kua dibundu wonso mfumu va zulu a mamonsono. ²³ Dibundu i nitu ani, luzadisu lua ndiena wulungisanga yayonsono mua wonsono.