¹ आमी पवित्र जावा केहता खातुर वर्गणी फालो जमा केरा बारामे, जेहकी माय गलतीयामेने मंडळील आज्ञा केयी, तिया प्रमाणे तुमाबी तेहकी केरा जोजे. ² तुमामेने हरएकाय, तियाहान यंश मिली तिया मनावाय, दरेक आठवडया पेहिला दिही पोयसा टोला कीने थोवा जोजे. ³ आने माय आवे जाहा तुमा पत्रे दिईन, तुमाय स्वीकार केला माहा तुमा देणगी थईशलेम शहराम लिईन जाखातुर मोकलो. ⁴ आने जाहा माआ शुध्दा जाऊलो योग्य लागी ताहा तोओ माआआरी आवी. ⁵ माय मासेदोनीया प्रांतापेने जावी, ताहा तुमाही आवेहे, काहाका मासेदोनियामेने जाऊलो माआ योजना हाय. ⁶ आने बनेशके तो माय तुमाआरी आवीन रेहे. आने हियाला समय इहिज रिव्यु, काहाका माय जा इच्छा राखु तेहे माय तुमा वाटे लागवा. ⁷ काहाका आमी थोअे वाआलाग तुमाल मिलुलु माआ इच्छा नाह, काहाल जाहा प्रभु इच्छा वेरी , ताहा तुमाआरी रिईन कोतोक दिही रिईन जाऊ ऐहंकी मा आशा राखुहु. ⁸ पन्नासावा दिहया सणापर्यंत माय इफिसात रेहे. ⁹ काहाका माआखातुर बाने उघ्ज्ञडावले हाय. आने ऐहकी खुबकाही हाय. जो केडज्ञे माआ विरोध केनारा. ¹⁰ जाहा तिमथ्य आलो, ताहा तो तुमा पाही निर्भयपणे केहकी रिई, इयावेला लक्ष द्या काहाका तोसुध्दा माआहोच प्रभु कार्य केअतलो आथो. ¹¹ इया खातोर केडोबी तियाल तुच्छकोमी माना माआ, ताहा फासे तियाय माआपाही आवीन काहाका तिया शांतीवाय मोकला, काहालका कोताक पाहूआरी तिया आवुलो माय वाट वेअतो हाय.

¹² पेन पाहू आपुल्लोबाराम ऐहकी हाय का, तियाय कौताक पाहूआरी तुमापाही आवी ऐहकी माय तियाल खुब काही विंनती केरा पेन तियाय आमी आवुलो संधी मिली नाहा तो आवी. ¹³ सावध राआ तुमा विश्वासाम मजबुत राआ, हिम्मतवान व्या, उत्साहीत व्या. ¹⁴ हरऐक गोठ तीई तुमा क्याहा, ती प्रितीत केरा. ¹⁵ आमी , पाहूहा स्तेफना कौअवाबारामे तुमाहाल हारी माहिती हाय. तोओ अखया प्रांतातील पैलो फल हाय, आने पवित्रजना सेवाखातुर तियाय स्वत:ल सर्मपण केलो हाय, माय तुमाल विंनती केअतो की.

¹⁶ हरऐक जान जो इया कार्याम सामील वेहे आने प्रभुखातोर मेहनत केहे, ऐहकी माहा तुमासुध्दा आधीन राआ ¹⁷ स्तेफन, पुर्तुनात आने अखायिक इही आलो ताहा माल आनंद वेयो, काहालका तियाय माआखातुर जो, केयो तो तुमा किई शकते नाहा.

¹⁸ काहालका तियाय माआ आने तुमा आत्मा उस्ताहीत केलो हाय, ऐहकी माहान माना व्या, ¹⁹ आशियामेने मंडळया तुमाल नमस्कार आखतेहे,अक्किला प्रिस्कील्ला आने जोई मंडळी तिया कोंअमे भेगा वेअतेहे. ती प्रभुम तुमाल नमस्कार आखतेहे. ²⁰ बादोज पाहू तुमाल नमस्कार आखाताहा, पवित्र चुंबनावाय एकबिजाल अभिवादन केरा. ²¹ जाहा पौल स्वत: माआ स्वत: हातावाय ई सलाम लिचालो हाय. ²² जाहा केडो प्रभुप प्रेम केअतो नाहा, ताहा तोअ शापित वेअ मारानाथा हे प्रभु ये, ²³ प्रभु ईसुअ कृपा तुमाआरी रिई. ²⁴ ख्रिस्त ईसुम माआ प्रेम तुमा बादाज आरी रीई. आमेन.