¹ पाऊहु तुमान इ मालुम रा जोजे एहेकी मान वाटे, की आपु जे आगला डाया आथा ते वादला सावलीम रिन लाल समुद्रामेने तेसली वेल हारी रोती गेहला. ² मोशे अनुयायी आखीन तीया बाठ्ठाय वादलाम आन समुद्राम बाप्तिस्मो लेदो. ³ तियाहाय एकुच आत्मिक मानडो खादो. ⁴ आने तियाहांय एकुच आत्मिक पाय पीदो काहाका तियाहा फाचला चालनारो दोगडामने निघनारो पायी ते पीतले काहाका तो दोगडो ख्रिस्त आथेा. ⁵ पेन तेबी खुब लोक आथा तियाकी जियाहोी देव खुश नाय आथो, तियाल तियाहान माई टाकी देदो. ⁶ ए गोठया एहेंकी वेया का तुमा खातोर उदाहरण हाय का तुम्हा जे गोठया हा-या नाय वेरी तियुहु विचार मा केराहा जेहकी तियाहाय केली केहली. ⁷ तियाहामने वाहीक लोक मूर्ती पुजा केतला तियाहा होच नाहा बोनाहा पवित्र शास्त्राम लेखलो हाय की लोक खा पिया खातोर एठा बोठो आने ते मुर्ती हुमबुर नाचा खातोर उठे. ⁸ तियाहाल आपुभी व्यभीचार मा केराहा केराहा जेहकी तियाहामने वाहीक लोक केतला तियाहाल तिया परिणाम एहेकी वेयो का तियामने तेवीस हजार लोक मोयी गेहला. ⁹ आने आपु देवा परिक्षा मा त्याहा जेहकी तियामने वाहीक लोकाय लेदली तियाहाल तिया परिणाम ऐहेकी वेहलो का तियाहान हापडो चावलो तियाहाल ते मोयी गिया. ¹⁰ कुरकुरो मा केराहा जेहकी तियामने वाहीक लोक केतला,तियाहाल तियाहा परिणाम एहेकीं वेयो की तियाहान मायीटाकनारा दुतायहीने तियाहान मायी टाक्यो. ¹¹ ए गोठया एहेकी वेया का तुमा खातोर उदाहरण वेरी तियाल ए गोठया लिखाय गिया काहाका आम्ही जियाहाप जगु शेवट आलोहो तिया खातोर वेरा जोजे. ¹² तियाहाल जो एहेंकी विचार केहे की तो नाय बिता उभलो हाय, ता तियाय सावधान रा जोजे काहाका तो पोडा नाय जोजे. ¹³ तुमा एहडी परिक्षाम नाहा पोडज्ञ जि माहा खातेार साधी नाहा. ¹⁴ ओ मा हेगात्याहा तियाल माय आखुहु मूर्तील पुजा मा. ¹⁵ तुमाहान होमजायेहे एहेकी होमजीन आय तुमाहान ए गोठया आखुहु ते उनाईन तुम्हा सोवता होमजील्या. ¹⁶ जो आशिर्वादु प्यालो आम्हा आशिर्वादीत केरा लागवुताहा, तो ख्रिस्ता रोगतु सहभागिता प्यालो हाय का नाही आने ज्या मानडा आपु केहता त्या मानडाय ख्रिस्ता डिलु सहभागिता हाय का नाहा. ¹⁷ मानडा एहडो अर्थ वेहे की आपु बाददे एकुज डिलीमेने हाय काहाका आपु त्या मानडाम भागीदारी हाय. ¹⁸ तुमा इस्त्राएला राष्ट्रा बोददल विचार केरा, ते चोडवुली वस्तु खातेहे ता ते वेदी भागीदार नाहा का ? ¹⁹ इ गोठ आखुला अर्थ काय हाय का माय इ आखुहु जी मूर्तीव मानडेा चोडवुताहा ता तो मानडो कावी हाय का मूर्ती कावी हाय. ²⁰ नाहा पेन उलटो मा आखुला अर्थ एहेडो हाय का जे अधर्मि लोक चडावेा चोडवुताहा ता जो देवाल नाहा पेन खराब पुथडान चोडवुताहा, तियाल इमान नाहा पोटतो का तुमा पुथडाहा भागीदार वेराहा. ²¹ तुम्हा देवा प्याला आने पुथडा प्याला बेन्ही नाहा पि सेकता आने तुम्हा प्रभु मानडोम आने पुथडा मानडाम भागीदार नाहा वि सेकता. ²² आपु प्रभुल चिडवा होदताहा का आने जोतो सेक्तीसाली तो हाय तो ता तुम्हा नाहा तुमाहान जी सुट मिलीही ती देवा हा-या गोठया आखनु उपयोगाम लावा. ²³ तुमाहान काय भी केरूला सुट हाय, पेन आख्यो हितकरीत नाहा, आपु काय भी केरूला सुट हाय पेन तेभी बाददया गोठया लोकान सामर्थ्ययुक्त वेरा खातोर मोदत ता नाहा केत्या. ²⁴ किधिभी सोता विचार नाहा केरूला बिजाहाबी हाराे केरूला. ²⁵ माहा वेचनारा बाजारांमने केलोभी प्रश्न मा याहा. ²⁶ काहाका पवित्र शास्त्राम एहेकी लेखलो हाय तोरतीप जो काय हाय तो देवा हाय.

²⁷ पेन तुम्हान किधी अविश्वासी लोकामने एगदाय तुमान मानडो खा हादयो आने जावनु होस वाटयो ता जा आने. तुमाहान जो खावलो तो काहीज विचार केता आने फचाता खाई लेजा. ²⁸ पेन तुम्हान केडाय आख्यो का इ देवाल पुजलो हाय ता तीया आखुलाकी नेता तिया मोन योवा खातोर या नाहा. ²⁹ आने जाहा माय विचार केरा आखुहु ताहा तो मा हाय एहेकी माय नाहा आखतो ता बिजा हाय बास इज एक कारण हाय काहाका मा खुलोपोन बिजा माहा आखल्या गोठीकी केहकी वी. ³⁰ पेन जाहा माय देवाल प्रार्थना किनमानडो खाहु ती गोठी खातोर आय देवा आभार मानुहु ता तिया खातोर मा निंदा वेरा जोजे. ³¹ तियाल तुमा खा पिया नेता कायभी केरा बास जो केरा तो देवा महिमा खातोर केरा. ³² यहुदी लोक ग्रीक आने देवा मंडळीमले मुम्हा किधि ओडचोन मा बोनाहा. ³³ जेहकी माय बाददन खुश थोवुला प्रयत्न केहु आने मा खातोर काय हारो हाय इया विचार केहु काहाका ती बाददा तारण वेरा जोजे.