¹ Gny fa nivahany zanak'agnondry gny tombo-kase fahafito, dra nisy fahangina tagny andagnisy teo amy asasaky gn'ora teo . ² Bak'eo dra hitako reo azely fito ze nisanga teo alohan'agnahary, dra nome trompetra fito ereo. ³ Nisy azely hafa avy,nita finga volamena fagnoroa litin-kazo magnisy, nisanga teo agn'abony gny alitara. Litin-kazo magnisy maro gny nome anazy bâ hanolorany anizay bâmign'ny vavaky gny pino eo agn'abony alitara volamena fagnoroa litin_kazo magnisy eo alohany seza-boninahisy. ⁴ Gny setroky gny ditin-kazo magnisy ,bâmbagny vavak'ereo pino,dra niakasy teo alohan'agnahary baka amigny azely. ⁵ Nangalaky gny finga fagnoroa litin-kazo magnisy gny azely dra nameno ze tamigny afo Bak'eo amigny alitara. Bak'eo natorany tamigny tany, dra nisy kotro- barsky, helasy mdra horohoro-tany. ⁶ Reo azely ze nana reo trompetra fito dra nioma hisioky anizay. ⁷ Nisioky gny trompetra gny azely volohany ,dra nisy havandra vô afo mifangaro lio. Natorany tegny atany ze bâ ho may gny apahatelon'izay ,may gny apahatelogn'ny hazo,dra may avôkoa reo ahi-meso . ( fanamariha : Gn'ilany amin'ereo litin-kazo taloha dra mangalaky gny hô: '' bâ ho may gny apahatelon'izay.'') ⁸ Nisioky gny trompetranygny azely faharô,dra nisy raha manahaky gny vohisy lahibe nirehis'afo natoraky tany an-dranomasy. Lasa ra gny apahatelogny raha-managn'ay tao an-dranomasy, dra rava gny apahatelon'ereo sambo. ¹⁰ Nisioky gny trompetrany gny azely fahatelo ,dra nisy vasia lahibe nilasaky bak'agny andagnisy, mirehisy manahaky gny fanilo, tamigny apahatelon'ereo ony vô loharano. ¹¹ Raha mafaisy gny agnarany vasia.Lasa mafaisy apahatelogn'ny rano ,dra olo maro gny maty tamigny rano ze lasa nafaisy . ¹² Nisioky gny trompetra gny azely faha-efasy,dra niova gny apahatelogny masoandro ,manahaky gny apahatelogny vola vô gny apahatelon'ereo vasia.Noho zay dra lasa mezy gny apahatelon'ereo ; sy nisy hazava gny apahatelogny andro vô gny apahatelogny hariva. ¹³ Nagnety zaho ,dra nahare voro-mahery ze nitily tegny agnevogn'ny lagnisy,nitoka tamigny feo fatrasy hô: ''' Loza, loza , loza , ho an'ereo ze mony egny amigny tany,nohogn'ny feony trompetra sisa ze fa ho sor fin'ereo azely telo."