¹ Itihoky gny talilin'i Jesosy Kristy ze nomen'Agnahary anazy hanehoany anireo panopony gny raha sy maisy hitranga. Napahafatariny izay tamigny alalanigny fandefasany gny azeliny ho an'i Jaona panopony. ² I Jaona dra magnamary gny mombanigny zakan'Agnahary vo reo fizoroa vavolombelo mahakasiky an'i Jesosy Kristy, vo gny raha hitany aby. ³ Sambasy izy ze mamaky amigny feo fatrasy, vo ze miteno gny zakan'izay faminania zay, vo ze mitandry ze voasorasy ao aminazy, akory fa mariny gny fotoa. ⁴ I Jaona nagna amireo fengona fito tagny Asia: Ho amindrareo anie gny fahasoava vo gny fedagna avy amizao, gny taloha, vo gny hoavy, vo avy amireo fagnahy fito ze eo agnatrehan'gny seza fiandriana, ⁵ dra boaky amin'i Jesosy Kristy, vavolombelo mary, lahitoka amigny maty, dra lahibenigny pazakanigny tany. Ho anigny tia asika gny nagnafaky asika tamin' ereo fahotasika tamigny rany__ ⁶ Izy dra nanao asika ho fazaka, pisoro ho an'Agnahary vo gny Rany ___ ho anazy avo anie gny voninahisy vo gny fahefa mandrakizay doria. Amena ⁷ Indro, boaky amigny raho izy; dra gny maso aby hahita anazy, na dre reo nandefo anazy aza. Gny firenena aby amboninigny tany hitomagny Anazy. Eny, Amena. ⁸ "Izaho gny Alfa vo i Omega," hoy gny Tompo Zagnahary, "gny amizao, vo gny taloha, dra gny ho avy, dra gny sitoha." (Fagnamariha: gny dika-zaka hafa taloha dra mivaky manao anizahoky ho: "Izaho gn'I Alfa vo I Omega, gny fiandoha vo fiafara," hoy gny Tompo Zagnahary. ⁹ Izaho,I Jaona ___ rahalahindrareo vo gny raiky ze nizara tamindrareo tao agnatinigny fizalia vo fazaka dra gny fahareta ao amin'i Jesosy Kristy __ dra tao amigny nosy atao ho i Patmo noho gny zakan'Agnahary vo gny fizoroa vavolombelo gny mahakasiky an'i Jesosy. ¹⁰ Izaho dra nitarihinigny fagnahy tamigny andron'gny Topo. Nahare feo mahery manahaky gny trompetra tafarako ao zaho. ¹¹ Nanao anizahoky ho: " sorato ao amigny boky ze hitanao, ko alefaso agny amireo fengona fito __ ho anigny Efesosy, Smyrna, Pergamosy, Tyatira, Sardisy, Filadelfia, dra Loadikia." ¹² Nagnety gny magnodidy zaho nitalia ho feon'iza nizaka taminahy zay, dra gny fa nitoliky zaho dra nahita fanova-ziro volamena fito. ¹³ Dra teo agnevonigny fanova-ziro nisy raiky manahaky gny zanak'olo, nekazo lava zisiky amigny tombony, dra fehi-troky volamena magnodidy gny tratrany. ¹⁴ Gny lohana vo gny volony dra fosy manahaky gny volon'agnondry __ fosy manahaky gny lelan-afo. ¹⁵ Gny tombony mangira manahaky gny varahy, manahaky gny varahy voalio teo amigny laforo, dra gny feony manahaky gny feona rano be mikoria. ¹⁶ Dra nana kita fito tegny an-tagnany ankavana Izy, dra sabasy ro lela maragnisy niboaky boak'ao amigny vavany. Gny tarehiny dra nazava manahaky gny masoandro gny fa miredareda. ¹⁷ Gny fa nahita anazy zaho, dra nendavo teo amigny tombony manahaky gny olo maty. Nanendry anahy tamigny tagnany akavana izy dra nanao anizahoky ho: "Ka matahosy. Izaho gny volohany sy farany, ¹⁸ dra gny raiky ze velo. Fa maty zaho, fa indro, velo mandrakizay! Dra Izaho mana gny fagnalahinigny vo gny fiaigna-sy hita. ¹⁹ Noho izay serato ze hitanao, ze amizao, vo ze hitranga afaran'izao. ²⁰ Manahaky gny raha mivony mahakasiky reo kita fito ze hitanao tegny an-tagna-kavanako, vo gny fanova ziro volamena fito: "gny kita fito dra reo azelinigny fengona fito, dra gny fanova ziro fito dra reo fengona fito."