¹ Paoly, voagadra an'i Jesosy Kristy, vo gny rahalahy Timoty ho an'i Filemona, hava malalanay vo piara-miasa aminay, ² dra ho an'i Apia anabaviny, vo Arkipo maramila havanay, dra ho anigny fengona ze miango ao atragnonao. ³ Ho amindrareo anie gny fahasoava vo gny fedagna boak'amin'Agnahary raisika vo i Jesosy Kristy Topo. ⁴ Misaosy gny Zagnahariko hatragny zaho. ⁵ Manogno anao zaho amigny fivavahako. Fa nahare gny amigny fitiava vo gny finoa ze anagnanao ao amin'i Jesosy Topo dra ho an'ireo pino aby zaho. ⁶ Mivavaky zaho ba hahavy gny fiombogna amigny finoanao hahomby amigny fahalala gny raha soa aby ze eo amisika ao amin'i Kristy. ⁷ Fa nana fifalia vo fionogna lahibe zaho nohonigny fitiavanao, akory gny fon'ireo pino dra nivelombelomy tamigny alalanao, ry rahalahy. ⁸ Noho izay, na dre mana fahavania ao amin'i Kristy aza zaho nandidy anao ba hanao ze tokony hataonao, ⁹ nefa nohonigny fitiava, dra mitoka anao koa zaho- izaho, Paoly, lelahy atisy, dra amizao gadra ho an'i Jesosy Kristy. ¹⁰ Mangataky anao zaho gny amigny zanako Onesimosy, ze naterako tamigny fehiko. ¹¹ Fa izy dra sy nahasoa anao teo aloha, fa amizao izy dra mahasoa anao vo i zaho. ¹² Nalefako nihery ho agny aminao izy, izy gny tiako vatany. ¹³ Magniry gny hita anazy hiaraky aminahy zaho, ba hahafahany manopo anahy ho anao, raha bo voafehy nohonigny fizakasoa zaho. ¹⁴ Nefa sy te hanao na ino na ino raha sy misy gny fagnekenao zaho. Sy tiako ho akatere gny asa soa ataonao fa asitrapo. ¹⁵ Vasa noho izay gny nisarahany taminao nandrisy gny fotoa fohy, ba hanagnanao anazy mandrakizay. ¹⁶ Sy ho andevo sasy izy, fa soa mihoasy noho gny andevo, dra rahalahy malala. Izy gny malala indrindra aminahy, dra mihiasy lavisy ho anao, na ao amigny nofo na ao amigny Topo. ¹⁷ Ko rah mana anahy ho piara-miasa hanao, dra takaro manahaky anahy izy. ¹⁸ Raha manao gny sy mety izy na mitrosa na ino na ino aminao, dra atovy ho anahy zay. Izaho, Paoly, manorasy anizao amigny tagnako: ¹⁹ Izaho gny handoa aminao. Sy mizaka aminao ho mitrosa gny vatanao aminahy hanao. ²⁰ Eh, ry rahalahy, atovy mahazo tombony ao amigny Topo zaho; ameo fisahara gny foko ao amin'i Kristy. ²¹ Gny toky momba gny fakatoavanao, gny soratagnako ho anao. Fataso fa hanao mihoasy noho ze angatahiko hanao. ²² Mandrisy anizay fotoa zay avo koa, omano ho anahy gny efisy fandresam-bahiny, fa manategna zaho fa amigny alalanigny vavakao dra hahery aminao ndraiky zaho. ²³ Epefra, namako mindary gadra ao amin'i Jesosy Kristy, manao veloma anao. ²⁴ Manahaky anizay koa i Marka, Aristarko, Demasy dra Lioka, piara-miasa aminahy. ²⁵ Ho amigny fagnahindrareo anie gny fahasoavan'i Jesosy Kristy Toposika. Amena.