¹ Dra Yaveh nizaka tamin'i Mosesy tagny an'efisy Sinay, taminigny volana volohany tamy tao faharo tafarany gny niboahan'ereo gny tagny Egypta. Ho Izy ho: ² ''Ao gny vahokan'Israely hitandry gny paska amy fotoa raikisy amy tao. ³ Amy hariva gny andro fahefasy ambiny folo amn'itio volana itio, gny sy maosy hitandremanao gny paska amy fotoa raikisy amy tao. Hitandry anizay ianao, araho gny didy amam-pisipika aby, dra ankotoavy gny didy aby ze mifandray aminizay.'' ⁴ Koa, nizaka tamy vahoakin'Israely i Mosesy fa tokony hitandry gny firavoravoany paska izy reo. ⁵ Dra nitandry gny paska tamy volana volohany izy reo, tamy andro fahefasy ambiny folo gny volana, tamy hariva, tagny an'efisy Sinay. Nankatoa gny raha aby ze nandidian'i Yaveh hataon'i Mosesy gny vahoakin'Israely. ⁶ Dra nisy olo sasany naloto tamy fatiny olo raiky. Sy afaky nitandry gny paska taminizay andro izy reo . Dra nagneo anatrehan'i Mosesy vo i Arona izy reo taminizay andro zay. ⁷ Ho reo olo reo tamin'i Mosesy ho:''Maloto noho gny fatin'olo zahay. Nanaho akory gny sy anganao hagnatisy soro ho an'i Yaveh amy fotoa raikisy amy tao eo amy tao eo amy vahoakain'Israely zahay?'' ⁸ Ho Mosesy tamin'ereo :''Andraso aloha zaho hiteno ze handidian'i Yaveh gny aminadrareo.'' ⁹ Nizaka tamin'i Mosesy i Yaveh. Ho izy ho: ¹⁰ ''Mizaka amy vahoakin'Israely. zakao ho, 'Raha misy maloto eo amindrareo na gny taranakindrareo noho gny fatin'olo, na amy dra lavisy, dra sy afaky mitandry gny paska ho an'i Yaveh izy reo.' ¹¹ Ao hitandry gny Paska amy hariva gny andro fahefasy ambiny folo amy volana faharo izy reo. Mofo sy misy masirasira gny agna mafaisy gny sy maisy hihinanany zay. ¹² Sy tokony hamela anizay mandraky maray izy reo, na hanapaky gny tolany. Ao hagnaraky gny didy amam-pisipika aby amy Paska izy reo. ¹³ Fa gny olo ze malio vo sy nagnisaky lavisy, nefa sy mitandry gny Paska ze olo zay dra hofongora sy ho eo amy olony satria sy nagnatisy gny fagnatisy ze tahian'i Yaveh amy fotoa raikisy amy tao izy.Zay olo zay dra hitarazo gny helony. ¹⁴ Raha misy vahiny mony eo aminao dra mitandry gny Paska ho voninahisin'i Yaveh, ao izy hitandry anizay vo hanao reo didiny aby, dra hankatoa reo fisipiky gny Paska, dra mankato gny lalana aminizay. Ao hana lalana mitovy ho an'ereo vahiny vo zay aby fa teraky ao amy tany ianao.'' ¹⁵ Tamy andro nametraha gny tabernakely, gny raho nandrahosy gny tabernakely, gny lainy lalany faneke. Tamy hariva gny raho dra teo agnabonigny tabernakely. Niseho tahaky gny afo mandraky maraindray zay. ¹⁶ Nitohy tahak'izay avo zay.Nandrakosy gny tabernakely gny raho dra niseho ho tahaky gny afo amy hariva. ¹⁷ Dre ombia dre ombia gny raho gny nampiakary avy teo amy lay, dra niala tamy liany gny vahoakan'Israely . Na teza na teza gny nijanognany raho , dra nitoby teo gny vahoakan'Israely. ¹⁸ Araky gny didin'i Yaveh, gny vahoakin'Israely dra nandeha , dra taminigny didiny, gny nitobian'ereo. Raha nizano teo agnabony tabernakely gny raho, dra nizano tagny amy tobiny izy reo. ¹⁹ Raha nitoesy andro maro teo amy tabernakely gny raho, dra nankato gny tori-lalan'i Yaveh izy reo dra sy nandeha. ²⁰ Kindraindraiky gny raha dra nitoesy andro visy teo amy tabernakely. Taminizay toe-draharaha zay , dra nankatoa gny didin'i Yaveh izy reo-nitoby dra nanohy gny liany draiky taminigny didiny. ²¹ Kindraindraiky gny raho dra nizano nitoby hatraminigny hariva ka mandra-maraindray. Raha niakasy maray gny raho, dra nandeha izy reo. Raha nitohy gny andro na gny hariva zay, dra raha niakasy avo gny raho dra nanohy nandeha izy reo. ²² Na indroa andro, na raiky volana, na heritao gny nijanogna gny raho teo agnabony tabernakely, raha bo nijano teo hoa zay, dra nijano tao antobiny dra sy nadeha gny vahoakan'Israely. Fa isaky gny nakary gny raho, dra nagnenga tamy liany izy re. ²³ Nitoby araky didin'i Yaveh izy reo. Nankatoa gny diddin'i Yaveh ze nomeny aby tamin'i Mosesy izy reo.