¹ Yaveh niresaky tamin'i Mosesy. Ho Izy ho: ² ''Didio gny vahoakan'i Israely ba handroaky gny misy aretin-kolisy hiala ao amy toby , dra zay aby misy fery misiky, dra ze maloto taminigny fikasiha faty. ³ Na lelahy na ampela , dra ao halefanao hiala ao amy toby izy reo. Ao sy handoto gny toby izy reo, satria ao gny mitoesy zaho. '' ⁴ Dra nanao anizay gny vahoakan'Israely. Dra nalefan'ereo hiala tao amy toby izy reo , araky gny nadidian'i Yaveh an'i Mosesy. Dra nankato an'i Yaveh gny vahoakan'Israely. ⁵ Niresaky tamin'i Mosesy draiky Yvaeh. Ho Izy : ⁶ ''Miresaha amy vahoakan'Israely. Raha manao fahotana gny lelahy na gny ampela tahaky gny ifanova gny olo, dra sy mahatoky aminahy, dra hory gny olo zay. ⁷ Dra sy maisy miaiky gny fahota ze fa vitany izy. Sy maisy honerany tateraky gny vilin-kahoriany valiny. Sy maisy hagnome anizay amy raiky ze nagnanova gny sy mety izy. ⁸ Fa raha sy mana havana mariny ba handray gny onisy gny niharany sy mety, dra sy maisy honerany aminahy amy alalany mpisoro gny valin-kahoriany, miaraky amy agn'ondry raiky ho fanova gny vatany. ⁹ Gny fagnatisy gny vahoakan'Israely aby , reo raha ze natoka vo nandesy tagny amy mpisoro aby amy vahoakan'Israely, dra ho anazy avo koa. ¹⁰ Reo fagnatisy gny olo aby dra ho agny mpisoro; raha misy magnome raha ho agny mpisoro, dra ho anazy zay.'' ¹¹ Dra niresaky tamin'i Mosesy draiky i Yaveh. Ho Izy: ¹² ''Miresaha amy vahoakan'Israely. Zakao izy reo ho: Rambeso ho mivaliky gny valin-dralehilahy dra manota amy valiny. ¹³ Dra rambeso hoe misy lelahy hafa miara-mandry aminahy. aminizay, dra voaloto izy. Na dra sy hitany gny valiny aza zay na fatany gny momba anizay, dre dra sy hisy na raiky aza mahatrasy anazy eo am-panova anizay dra sy misy na draiky aza mijoro vavolombelo miampanga anazy, ¹⁴ na dra zay aza, gny fagnahiny hasarotam-piaro dra fa voaloto gny valiny. Kanefa , gny fagnahiny hasarotam-piaro dra ho avy havandy aminigny lelahy raha sy voaloto gny valiny. ¹⁵ Amy tranga tahaky anizay, gny lelahy dra tokony hinday gny valiny ho agny amy mpisoro. Sy maisy minday fagnatisy honomy ho anazy gny valiny. Sy maisy hinday kobam-bary ampahafolony efaha izy. Sy mahazo mandraraky menaky na litin-kazo magnisy aminizay izy satria fagnatisy variny hasarotam-piaro zay, fagnatisy hohany ho famantara gny mety ho fisiany fahota. ¹⁶ Ao hinday anazy mariny dra hametraky anazy eo anatrehan'i Yaveh gny mpisoro. ¹⁷ Ao hangalaky gny sinin-drano voahasy dra hangalaky botany aby amy taniny tabernakely gny mpisoro. Ao hagnisy gny vovoky ao agnatinigny rano izy. ¹⁸ Gny mpisoro hamrtraky gny ampela eo anatrehan'Agnahary dra hamaha gny volo eo an-dohanigny ampela. Hapetrany ao amy tagnany gny fagnatisy voa fahasiarova, ze fagnatiy vihin'ahiahy. Hita fatrasy gny rano mafaisy ze mety handesa ozo amy tagnany gny mpisoro. ¹⁹ Hametraly gny ampela ho ambaniny fianiana gny mpisoro dra hilaza aminahy hafa nanao firaisa aranofo taminao, dra raha sy naniasia vo nanao fahalotoa, dra afaky amin'itiho rano mafaisy ze mety hinday ozo itiho. ²⁰ Fa raha ianao , ze ampela voafehy gny valiny , gny fa naniasia, dra raha voaloto ianao, dra raha nisy lelahy hafa niara-nandry taminao, ²¹ dra, (sy maisy gny mpisoro gny mampanao fianiana ze afaky minday gny ozo aminazy aminigny ampela, dra sy maisy tenoa gny resaky gny ampela izy)'Yaveh hanao anao agnatyiny ozo ze haseho amy vahoakinao ho hanahaky anizay. Dra hisanga anizay raha ataon'i Yaveh mihalo gny fenao dra maba gny tronao. ²² Itio rano zay minday ozo itio dra hilisy ao amy vavoninao dra hampaba gny tronao dra harary reo fenao.'Dra ao hamaly rapela ho:''Egny, angao hiseho ze raha hory zaho.' ²³ Ao hanorasy anitahoky ozo tahoky ao amy horonan-taratasy gny mpisoro, dra ao hodioviny ao amy rano mafaisy reo ozo voasorasy. ²⁴ Ao hampino gny rano mafahisy ze minday ozo go agny ampela gny mpisoro. Gny rano ze mitondra ozo dra hilisy ao aminazy dra hazary hafaisy. ²⁵ Ao hangalaky fagnatisy voany hasarotam-piaro amy tagnany ampela izy. Ao hita gny fagnatisy tegnany eo anatrehan'i Yaveh dra hitondra anizay eo amy alitara izy. ²⁶ Ao hangalaky fagnatisy tegnany erany tana ho fagnatisy fanehoa gny mpisoro, dra hagnoro anizzy eo amy alitara. Dra ao homeny gny ampela gny rano tena mafaisy ba honomy. ²⁷ Raha omeny anazy gny rano ho nomy , raha voaloto satria fa nanota taminigny valiny izy, dra hilisy aminazy gny rano ze minday ozo dra lasa mafaisy. Haba gny trony dra harary gny feny. Ho voaozo eo amy olony gny ampela. ²⁸ Fa raha voaloto koa gny ampela dra raha malio izy , dra sy maisy ho afahana. Dra afaky hanagnagnaky izy. ²⁹ Zay gny lalany hasarotam-piaro. Zay gny lalana ho agny ampela ze mania amy valiny dra voaloto. ³⁰ Zay gny lalana ho agny lelahy mana gny fanahiny hasarotam-piaro raha saro-piaro amy valiny izy. Ao izy hinday gny ampela eo anatrehan'i Yaveh, dra ao gny mpisoro hanao aminazy anizay aby voafarisin'io lalana gny hasarotam-piaro io. ³¹ Dra ho afaky amy fahameloha gny aminigny fitondra gny valiny teo amy mpisoro gny lelahy. Ao hinday gny heloky ze mety hanagnany gny ampela.''