¹ Niresaky tamin'i Mosesy i Yaveh dra nanao ho: ² ''Baikoy gny vahoakan'Israely dra zakao izy reo ho:''Sy maisy manolosy soro ho anahy ianao amy fotoa voatondro, dra gny sakafo fagnatiso natao taminigny afo ba hamokara hagnisy ankasitraha ho anahy.' ³ Sy maisy zakanao koa ereo ho:''Izay gny faghatisy natao tamy afo ze sy maisy atolosinao ho gnan'i Yaveh- zanak'agnodrilahy hiritao sy misy kilema, ro isan'andro, ho fagnatisy oroa mahazasy. ⁴ Zanak'agnodry raiky dra sy maisy atolosy amy maraidray, dra gny zanak'agnodry raiky hafa dra sy maisy atolosy amy hariva. ⁵ Sy maisy manolosy koba soa toto ampahafolon'ny efaha, miharo aby gny voazera dra apahaefany gny hina ho fagnatisy hohaninao. ⁶ Zay gny fagnatisy oroa mahazasy ze nililiny tao an-dohanbohisy sinay ba hamokasy hagnisy mamerovero, fagnatisy dra natao tamy afo ho an'i Yaveh. ⁷ Gny fagnatisy inomy miaraky amizay dra sy maisy dra apahefany gny hina gny agny zanak'agnodry dra. Sy maisy ararako eo amy toera masina gny fagnatisy inominy raha hany mahery ho an'i Yaveh. ⁸ Dra zanak'agnodry hafa dra sy maisy hame miaraky amy fagnatisy hohany hafa amy hariva manahaky gny natolosy tamy maraidray. Sy maisy magnome fagnatisy inominy miaraky zay dra hanao, fagnatisy natao tamy afo, ba hamokasy hagnisy akasitrahany ho an'i Yaveh. ⁹ Amy andro sabata dra sy maisy manolosy zanakagn'ondrilahy ro ianao, samy heritantao sy misy kilema, vo koba soa lisa ro ampahafolony gny efaha ho fagnatisy hohany, miharo dililo, vo fagnatisy nomy miaraky aminizay. ¹⁰ Zay dra ho agny fagnatisy dora isaky gny sabata, ho fagnampiny fagnatisy dora mahazasy vo gny fagnatisy dora miaraky amizay. ¹¹ Isaky gny fiandohany gny volana, dra sy maisy manolosy fagnatisy dora ho an'i Yaveh ianao. ¹² Sy maisy manolosy vatonagn'ombilahy heritao sy misy handrany. Sy maisy manolosy koba soa lisa telo ampahafolony efaha ho fagnatisy hohany miharo dililo ho agny agn'ondrilahy raiky avo koa ianao. ¹³ Sy maisy manolosy koba soa lisa miharo dililo ampahafolony efaha ho fagnatisy hohany isaky gny zanakagn'ondry avo koa ianao. Zay gny ho fagnatisy dora, ba hamoaky hagnisy mamerovero, fagnatisy natao taminigny afo ho an'i Yaveh. ¹⁴ Sy maisy asasaky gny hina-divay ho agny agn'omby raiky gny fagnatisynomy gny vahoaky, ampahatelonigny hina gny agny agn'ondrilahy raiky, dra raiky ampahefasy gny hina gny zanakagn'ondry raiky. Dra zay gny fagnatisy dora isam-bola mandrisy reo volanigny tao. ¹⁵ Agn'ondrilahy raiky ho fagnatisy noho gny fahota ho an'i Yaveh gny sy maisy atolosy, Zay dra ho fagnampinigny fagnatisy doro mahazasy vo gny fagnatisy nomy miaraky aminizay. ¹⁶ Mandrisy gny volana volohany, amy fahefasy ambiny folony gny vola, gny avy gny Pask'i Yaveh. ¹⁷ Amy andro fahadimy ambiny folo vola zay gny havova gny fety.Mandrisy gny fito andro, sy maisy mofo sy misy masimasy gny hohany. ¹⁸ Amy andro voloahany, dra sy maisy hisy fiangona masy hagnomeza voninahisy an'i Yaveh. Ao sy hanao gny asa mahazasy ianao amizay andro zay. ¹⁹ Fa sy maisy manolosy fagnatisy atao amy afo ianao, dra fagnatisy dora ho an'i Yaveh. Sy maisy manolosy vatonagn'ombilahy ro, agn'ondrilahy raiky, dra zanakagn'ondry heritao fito, sy misy handrany . ²⁰ Miaraky amy agn'ondry, dra sy maisy manolosy fagnatisy hohany koba soa lisa miharo dililo telo ampahafolonigny efaha ianao, dra miaraky amy agn'ondrilahy, ro ampahafolony. ²¹ Isaky gny raiky amin'ereo zanakagn'ondry fito, dra sy maisy manolosy koba soa lisa ampahafolonigny efaha ianao, ²² vo osilahy raiky ho fagnatisy noho gny fahota ba hanova fagnavota ho agny vatandrareo. ²³ Sy maisy hatolonao ho fagnampinigny fagnatisy dora mahazasy takia isa-maray reo. ²⁴ Araky gny voafarisy eto, sy maisy atolonao isan'andro reo soro reo, mandrisy gny fito andro gny Paska, dra gny fagnatisy hohany natao taminigny afo, hagnisy ankasitraha ho an'i Yaveh. Sy maisy atolosy zay ho fagnampinigny fagnatisy dora mahazasy vo gny fagnatisy nomy miaraky aminizay. ²⁵ Amy andro fahafito dra sy maisy miaraky amy fiangona masy ba hagnome vininahisy an'i Yaveh ianao, dra ao sy hanao gny raharah mahazasy ianao amizay andro zay. ²⁶ Amy andro voloham-bokasy avo koa , raha magnatisy fagnatisy hohany vaovao ho an'i Yaveh amy Herignandro gny Firavoravoa ianao , dra sy maisy miaraky aminigny fiangona masy ba hagnome voninahisy an'i Yaveh ianao,dra sy mahazo manao gny asa mahazasy ianao amy andro zay. ²⁷ Sy maisy manolosy fagnatisy dora ba hahazoa hagnisy mamerovero ho an'i Yaveh ianao. Sy maisy manolosy vatonagn'ombilahy ro, agn'ondrilahy raiky , dra zanakagn'ondrilahy avo koa fagnatisy fito ianao. ²⁸ Manolora avo kao fagnatisy hohany miaraky amin'ereo :dra koba soa lisa miharo dililo,koba soa lisa miharo dililo teo ampahafolonigny efaha ho agny agn'ombilahy kirairaiky dra ro ampahafolony ho agny agn'ondrilahy raiky. ²⁹ Manolora koba soa lisa mifangaro dililo ho agny zanakagn'ondry fito kirairaiky aby, ³⁰ vo osilahy raiky ba hanova fagnavota ho agny vatandrareo. ³¹ Raha manolosy reo biby sy misy handrany reo ianao, miaraky amin'ereo fagnatisy mahazasy vo gny fagnatisy dora miaraky aminizay.''