¹ Dra tamy hariva gny Sabata, raha vao nanomboky mangira-drasy gny andro volohany amigny herign'andro , dra nazary nandeha nagnety gny lolo i Maria Magdalena vo i Maria raiky hafa. ² Indro, nisy horohoro-tany be , fa gny azelign'i topo gny nizoso laha tagny an-dagnisy , dra nipetraky teo ambanin'izay. ³ Gny poziny dra manahaky gny helasy, dra gny akazony dra fosy manaharky gny oram-panala. ⁴ Dra lasa natahosy reo mpiamby ka nanahaky gny lelahy maty. ⁵ Niresaky tamin'ereo ampela gny azely dra nizaka tamin'ereo ho: ''Ka matahosy, fatanao fa mitalia an'i Jesosy andrareo, izy nifatsihy tamy hazofizalia. ⁶ Sy ato Izy , fa nitsanga , araky gny fa nizakany. Avia hatio gny toera ze nandriany topo. ⁷ Mandehana malaky dra zakao reo mpianany ho: 'Nisanga tamy maty Izy. Indro, fa nandeha nialoha andrareo agny Galilea Izy. Agny gny hahitandrareo anazy. 'Indro , fa voazaka tamindrareo.'' ⁸ Niala gny lolo malaky ereo noho gny tahosy vo tamy hafalia lahibe ereo ampela, dra nilomalomay ba hizaka reo pianany. ⁹ Indro, nifakahita tamin'ereo Jesosy dra nizaka ho:''Arahaba! ''Nagnato ampela reo, nita gny tombony dra nidera anazy. ¹⁰ Dra laha teo Jesosy nizaka tamin'ereo ho: ''Ka matahosy. Mandehana mizaka amin'ereo rahalahiko ba hiala dra hita an'i Galilia. Agny gny hahitan'ereo anahy.'' ¹¹ Dra raha nandeha igny reo ampela , indro, gnilany tamin'ereo piamby nangnany amy tana-be dra nizaka tamy lohagny pisoro gny raha iaby ze niseho. ¹² Fa gny nifakahita tamin'ereo loholo gny pisoro dra niresaky momba gny olana tamin'ereo , dra nagnome vola be an'ereo miaramila ereo ¹³ dra nizaka anazy reo ho: ''Zakao amin'ereo hafa ho: 'Avy tamy gny andro hariva reo pianasin'i Jesosy dra nangalasy gny vatany raha bo nandry zahay.' ¹⁴ Raha avy agny amy governora zay tatisy zay , dra handresy lahasy anazy isika dra hangalaky gny ahiahy amindrareo. '' ¹⁵ Dra nalany miaramila gny vola dra nanao araky ze fa nizakany anazy ereo. Dra zay tatisy zay dra nieli- patrana teo amin'ereo Jiosy dra mitohy mandrak Amizao avo. ¹⁶ Fa nagnagny Galilea reo pianasy raiky amby folo, tagny amy tendrombohisy ze fa natoron'i Jesosy anazy reo. ¹⁷ Fa gny nahita anazy ereo, dra nidera anazy, fa gnilany koa niahiahy. ¹⁸ Nagnato anazy reo Jesosy ka niresaky tamin'ereo dra nizaka ho: ''Fa nome anahy gny fahefa iaby agny an-dagnisy vo eto an-tany. ¹⁹ Koa mandehana dra atovy avy mpianaso gny firene-drehetra. Atovy batisa ereo amy agnarany ray sy gny Zanaka dra fanahy Masina. ²⁰ Ampianaro ereo hakato gny raha iaby ze nandidiako andrareo. Indro, miaraky amindrareo avo zaho, egny fa na hatramigny fiafaran'izao totolo zao avo.''