¹ Nizaka tamy fagnohara tamin'ereo draiky Jesosy,nanao hô: ² ''Gny fazakany lagnisy dra mitovy amy pazaka ze nagnoma fanasa amy fagnakaram-baly ho agny zanadahiny. ³ Nagniraky reo mpanompony hitova reo ze nahazo fanasa hagnatriky gny feti-fagnakaram-baly izy,fa sy mety ho avy ereo. ⁴ Nandefa gny panopony hafa draiky gny pazaka,manao hô:'Zakao reo ze nasa hô:''Hatio,fa nikarakarako gny haniko.Fa nivono gny agn'omby vo gny zanakagn'omby mifahiko,dra fa vono gny raha-aby.Miavia ao amy feti-fagnakaram-baly.'' ⁵ Fe sy nahoan'ereo dra lasa nandeha,gny draiky namozy gny toera-fitezany,gny hafa tamy famarotany. ⁶ Gn'ilany nanambosy reo panopony pazaka, nangala baraka anazy reo,dra namono anazy reo. ⁷ Ory gny pazaka dra nagniraky reo miaramilany, dra namono mpamono olo ereo.dra nagnoro gny tagnany. ⁸ Laha teo nizaka tamin'ereo panopony izy hô:'Fa vono gny fangala-valy,fa reo ze nasa gny sy mendriky. ⁹ Noho zay mandehana egny amy sapagnan-dalambe dra manasa olo maro araky ze hitandrareo ho ao amy feti-fagnakaram-baly.' ¹⁰ Nandeha niboaky tagny amy lalam-be reo panopony dra nanambasy gny olo ze hitan'ereo iaby,dre gny soa dre gny rasy.Noho zay dra feno vahiny gny efi-tragno lahibe nisy gny fagnakaram-baly. ¹¹ Fa gny nilisy gny pazaka ba hagnety reo vahiny,dra nahita lelahy sy niakazo amy fandesy fagnakaram-baly. ¹² Nizaka taminazy gny pazaka ho:'Ry sakaiza,nanao akory gny iliranao ato sy miaraky amy ankazo fandesy amy fagnakaram-baly?'Fa sy nahafizaka gny lelahy. ¹³ Laha tro nizaka tamin'ereo panopony gny pazaka hô:'Fehezo gny tagnany vo gny tombon'itiho lelahy itio,dra hatorao agny amy mezy agny ambaliky izy,agny gny misy fitomagnia vo fikotroha-nify.' ¹⁴ Fa olo maro nitokavy,nefa keliky gny ho voafily. ¹⁵ Laha teo nandeha reo Fariseo dra nagnoma gny fomba mety hamandriha an'i Jesosy amin'izay nizakany. ¹⁶ Laha tep nirahin'ereo hagnagny aminazy reo mpianasin'ereo, niaraky tamin'ereo Herodiana.Nizaka tamin'i Jesosy ereo ho:''Ry papianasy,fatasinay fa mary anao,dra mapianasy gny lalan'Agnahary amy mary.sy miraharaha gny hevisiny gny hafa anao,dra aminay,ino gny hevisinao?Ara-dalana se gny fandoavan-ketra agny amin'iKaisara sa sy ara-dalana?'' ¹⁸ Nefa azon'i Jesosy gny faharasian'ereo dra nizaka hô:''Nanao akory gny misapa Anahy andrareo,ry pihasaravelasiny? ¹⁹ Aboaho Anahy gny farasa amy hetra.''Laha teo ninday denaria teo amin'ereo. ²⁰ Hoy Jesosy tamin'ereo hô:''An'iza itiho sary vo agnara itiho?'' ²¹ Nizaka taminazy ereo hô:''An'i Kaisara.''Laha teo Jesosy nizaka anazy reo hô:''Omeo an'i Kaisara reo ze an'i Kaisara,dra an'Agnahary reo ze an'Agnahary.'' ²² Gny fa nahare anizay ereo,dra gaga.Dra niala teo aminazy ereo dra nandeha. ²³ Tamin'izay andro zay avo gny Sadoseo gn'ilany,reo nizaka fa sy misy fisangana amy maty,nagnato Anazy.Nagnato Anazy ereo, ²⁴ nanao hô:''Ry papianasy,Mosesy nizaka hô:'Raha maty gny olo,sy mana-zanaky,dra tokony hanambaly gny valiny gny rahalahiny dra hana-zanaky ho agny rahalahiny. ²⁵ Nisy pirahalahy fito.Nanambaly gny volohany dra maty laha teo.Lasa sy nagnenga zanaky,nagnenga ho agny rahalahiny gny valiny. ²⁶ Laha teo nanao raha mitovy amin'izay gny faharo,laha teo gny fahatelo,manahaky anizay sisy hatra aminigny rahalahy fahafito. ²⁷ Tafaran'izay dra maty gny ampela. ²⁸ Dra amy fisanganany maty ,ho valin'iza amin'ereo pirahalahy fiti izy? Fa nanambaly anazy iaby reo.'' ²⁹ Fa namaly Jesosy dra nizaka anazy reo hô:''Diso andrareo,satria sy mahafatasy gny Sorasy Masy dre gny herin'Agnahary. ³⁰ Fa amy fisangana gny maty dra sady sy hanambaly ereo gny sy ome ankary.Fa mitovy amin'ireo azely agny an-dagnisy. ³¹ Fa mahakasiky gny fisangana gny maty, bo sy nivakindrareo se ze nizakan'Agnahary tamindrareo,manao hô: ³² 'Izaho gny Zagnaharin'i Abrahama,Zagnaharin'Isaka,dra Zagnaharin'i Jakoba'? Zagnahrary dra sy Zagnahary gny maty,fa agny velo.'' ³³ Gny nahare anizay reo vahoaky,dra nalazo tamy fampianarany. ³⁴ Fa gny ren'ereo Fariseo gny nampanginan'i Jesosy gny Sadoseo, dra nira-nivondro ereo. ³⁵ Gny raiky tamin'ereo,mpahay lalana,nametra-panotania taminazy,nangalaky fagnahy Anazy hô:'v 36''Ry papianasy,iza gny lahibe indrindra amy didy ao amy lalana?'' ³⁷ Nizaka taminazy Jesosy hô:''Tiavo amy fondrareo aby,amy fagnahindrareo aby,dra amy saindrareo aby gny Topo Zagnaharindreo.' ³⁸ Zay gny didy lahibe vo volohany. ³⁹ Dra gny didy faharo dra tahaky anizay avo. 'Tiavo gny piara-belo amindrareo tahaky gny vatandrareo.' ⁴⁰ Amin'ereo didy ro reo gny iakinanigny lalana manotolo vo reo paminany.'' ⁴¹ Dra raha bo niara-nivondro reo Fariseo,dra nametra-panotania anazy reo Jesosy. ⁴² Ho Izy ho:''Ino gny eriserindrareo momban'i Kristy?Zanadahin'i Izy?''Nizaka taminazy reo ho:''zanak'i Daviada.'' ⁴³ Hoy Jesosy tamin'ereo ho:''nanao akory dra Davida mitoesy ao amy Fagnahy gny mitoka anazy ho Topo,manao ho: ⁴⁴ 'Gny Topo nizaka tamy Topoko hô:''Mipetraha eo amy tagnan'ankavanako,mandra-panaoko gny fahavalondrareo ho mpisi-tombonao?'' ⁴⁵ Raha Davida avo mitoka an'i Kristy hô:'Topo,'dra nanao akory gny maha-zanak'i Davida Anazy?'' ⁴⁶ Sy nisy nahavaly Anazy taminigny zaka,dra sy nisy olo nahavany nametra-fanontania hafa sasy nanomboky tamin'izay andro zay.