¹ Nizaka tamin'i Mosesy Yaveh ka nanao ho: ² ''Mizaka amy vahoakin'Israely ka zakao izy ho:'Raha misy olo manao voady miavaky amin'Yaveh, dra ampiasao reo tombam-bily mifagnaraky aminazy. ³ Gny fesy gny tombanao ho agny lahy manomboky amy ropolo ka hatramy enipolo tao dra sy maisy sekely volafosy dimapolo, araky gny sekeliny fitoera masy. ⁴ Ho agny ampela amin'izay tao zay avo dra sekely telopolo gny fesy gny tombanao. ⁵ Gny fesy gny tombonao amy dimy hatramy ropolo tao dra sy maisy sekely ropolo, dra ho agny ampela dra sekely folo. ⁶ Gny fesy gny tombanao ho agny lahy raiky vola hatramy dimy tao dra sy maisy sekely volafosy dimy, dra sekely volafosy telo ho agny ampela. ⁷ Gny fesy gny tombanao ho agny lahy enipolo tao gny miakasy dra sy maisy sekely dimy ambiny folo, dra ho agny ampela dra sekely folo. ⁸ Nefa raha sy afaky gny handoa gny fesy gny tombana gny olo manao gny voady, dra sy maisy atoro agny amy mpisoro gny olo atolosy, dra hagnomba anizay olo zay amy viliny zakany manao gny voady gny mpisoro. ⁹ Raha misy olo magniry hanao soro biby ho an'i Yaveh, ka raha eken'i Yaveh zay, dra ho voatoka ho anazy zay biby zay. ¹⁰ Ao gny olo sy hagnova na hamaliky biby manahaky anizay, gny soa ho amy rasy na gny rasy ho amy soa.Raha mampifamaliky biby raiky ho amy raiky hafa izy, dra samy avy masy na zay na gny raiky zay nampifamaliha taminzay. ¹¹ Kanefa, raha raha maloto gny nanovany gny olo voady home an'i Yaveh, ba sy haneken'i Yaveh anizay, dra sy maisy hinday gny biby agny amy mpisoro gny olo. ¹² Hagnomba anizay gny mpisoro, araky gny tomba ivarota gny biby.Na ino na ino tombana apetraky gny mpisoro amy biby, dra anizay gny ho tombany. ¹³ Raha magniry gny hagnavosy anizya gny tompony, dra magnampy abo dimy heniny tombam-biliny ao amy vilim-pagnavotan'izay. ¹⁴ Fa gny manoka gny tragnony ho fagnomeza masy ho an'i Yaveh gny lelahy raiky , dra hagnomba anizay gny mpisoro na ho soa na ho rasy. Na ino na ino agnombany mpisoro anizay, dra zay gny ho izy. ¹⁵ Nefa raha magniry hagnavosy anizay gny tompony zay nanoka gny fonenany, dra sy maisy magnampy raiky ampahadimy gny tombam-biliny ao amy vilim-pagnavota zay izy, ka ho anazy zay. ¹⁶ Raha manoka gny sasany amy taniny avo gny lelahy raiky, dra ho arakaraky gny lazany tegnany taliavy ambole amin'izay gny tombam-bily vary hordea raiky homera ho tombana sekely volafosy dimapolo. ¹⁷ Raha manoka gny sahany mandrisy gny tao-jobily izy, dra hizano amin'izay avo gny tombom-biliny. ¹⁸ Kanefa raha manoka gny taniny tafarany tao-jobily koa izy, dra ao hokajiany mpisoro gny tombany tanimboliny araky gny isa tao sisa mandra-pahavy gny taon-jobily magnaraky, dra sy maisy hahe gny tombam-bilin'izay. ¹⁹ Raha magniry hagnavosy gny tanimboly gny lelahy zay nanoka anizay, dra sy maisy magnampy raiky ampahadimy gny tombam-biliny izy, ka ho anazy zay. ²⁰ Raha sy hagnavosy gny tanimboly koa izy, na fa nivarotany tamin'olon-kafa gny tanimboly, dra ts azo avota sasy zay. ²¹ Fa gny tanimboly avo koa amy taon-jobily, dra ho fagnomeza masy ho an'i Yaveh zay, manahaky gny tanimboly zay fa natolosy tateraky ho an'i Yaveh.HO agny mpizoro zay. ²² Raha manoka tanimboly zay aby niviliny gny lelahy raiky, kanefa sy agnisany tanin-drazany zay tany zay, ²³ dra ho vinavinany mpisoro gny tombam-bilin'izay hatramy taon-jobily, ka sy maisy aloany lelahy ho fagnomeza masy ho an'i Yaveh gny tomban'izay amy andro zay. ²⁴ Amy tao-jobily, dra hihery agny amy lelahy zay nivilianany anizay gny tany, agny amy tompony tany. ²⁵ Gny tombam-bily aby dra sy maisy atao araky gny lazany sekeliny fitoera masy. Sy maisy gera ropolo gny mifandraiky amy sekely raiky. ²⁶ Sy misy mahazo manoka gny vohaha-teraky amy biby , satria gny voloha-teraky dra fa an'i Yaveh;na agn'omby na agn'ondry, an'i Yaveh zay. ²⁷ Raha manahaky biby maloto zay, dra mahazo mivily zay amy tombam-biliny draiky gny tompony, dra sy maisy magnampy raiky ampahadimy gny mahadihatoky zay .Fa raha sy avosy koa gny biby, dra ho avily amy viliny voatondro zay. ²⁸ Fa sy misy raha zay atokany lelahy raiky ho an'i Yaveh, dra amin'izay aby anagnany, na olombelo na biby, na gny tanin-drazany, ka afaky avily na avota.Zay aby natoka dra masy indrindra ho an'i Yaveh. ²⁹ Sy misy vilim-pagnavota azo aloa ho agny olo zay voatko ho amy faharava.Sy maisy vono zay olo zay. ³⁰ Gny ampahafolony vokasy gny tany iaby, na voly egny amy tany zay na vokasy laha tamy hazo, dra an'i Yaveh.Masy ho an;i Yaveh zay. ³¹ Raha hagnavosy gny ampahafolom-bokany gny lelahy raiky, dra sy maisy magnampy abo dimy heny amy tamban'izay izy. ³² Gny amigny apahafolon'ny agnomby na agnondry, na ino na ino miriosy eo ambany sorakazon'ny piandry agnomdry, gny rayiky apahafolon'ny izay dra sy amisy atoka ho an' i Yaveh. ³³ Ao sy hitalia gny biby soa na gny rasy gny piandry, dra aoka izy sy hapifamaliky izay. Gny toa dra manakalo izay izy, dra samy masina avokoa na izay na ilay takalony sy azo avota izay.'''' ³⁴ Ereo avy vo didy izay nomen'i Yaveh ho an'i Mosesy ho an'ny vahoakan'Israely tany an-tendrimbohitra Sinay.