¹ Nizaka an'i Mosesy i Yaveh ary nizaka tamigny avy tao amigny tragno-lay fihaogna , nanao ho: ² ''Mizaka amy vahoakin'Isrraely ka zakao amin'ereo ho:'Raha misy olo amindrareo minday fagnatisy ho an'i Yaveh, dra minday raiky amy bibindrareo ho fagnatisindrareo, na avy amy agn'omby na avy amy agn'ondry vo osy. ³ Raha fagnatisy dora avy amy agn'omby gny fagnatisy, dra sy maisy lahy sy misy handrany gny atolony.Hanolosy anizay eo amy filirany magnao amy tragno-lay fihaogna izy, ba ho ankasitraha eo anatrehan'i Yaveh zay. ⁴ Hametraky gny tagnany eo amy lohany fagnatisy dorany izy, dra ho ankasitraha noho gny aminazy zay ba ho fagnavota ho anazy. ⁵ Dra ao izy hamono gny agn'ombilahy eo anoloan'i Yaveh.Reo zanak'i Arona , reo mpisoro, dra hanolosy lio dra hamafy anizay eo amy alitara zay eo amy filira mangnao amy lya fihaogna. ⁶ Dra ao izy hamolo gny fagnatisy dora dra hitetitetiky anizay. ⁷ Dra handrehisy afo eo amy alitara dra hagnisy hita ka hampirehisy gny afo reo zanak'i Arona. ⁸ Reo zanak'i Arona, reo mpisoro, dra hametraky reo tetiky , gny lohany vo gny saborany, hitandahasy eo agnabony alitara. ⁹ Fa gny tovony vo gny feny dra sy maisy ho sasany amy rano.Dra hagnoro gny raha aby eo amy alitara ho fagnatisy malefaky ho anahy zay;ho fagnatisy tamy afo anahy zay. ¹⁰ Raha avy amigny agnondry amy gnosy gny fagnatiny ho gnany fagnatisy oroa, dra gny aminereo gnagnondry ndre raiky amereo osy, dra sy maisy lahy simisy kilema gny ameny. ¹¹ Aoka hamono ze eo amy lafy avarasy gny alitara eo agnatrehan'i Yaveh izy. Ereo hamafy gny gniliony amy lafiny gny alitara. ¹² Dra ao izy hitetiky ze, miaraky amy lohany sy gny samborany, dra gny mpisoro dra handahasy ereo eo amy hita fa mirehisy, ze eo agnabony alitara, ¹³ Nefa ao ho sasany amy rano gny taovany sy gny feny. Dra nagnome anazy aby gny mpisofo, dra hadrora izy eo amy alitara. ze gny fagnatisy oroa, dra hiteraky hanitra malefaky hognan'i Yaveh ze; ho fagnatisy natao tamy afo hognanazy ze. ¹⁴ raha fagnatisy oroa voro gny fagnatiny ho an'i Yaveh , dra sy maisy minday na domo na zana-boromailala h fagnatiny izy. ¹⁵ Sy maisy minday anizay eo amy alitara gny mpisoro , magnola gny lohany, dra magnoro anizay eo amy alitara .Dra araraky eo amy alitara gny lio. ¹⁶ Sy maisy ho alany takorobabon'ereo vo gny raha ao agnatiny , dra hariany mariny gny alitara eo asignana zay, eo amy toeran'ereo lavenoky. ¹⁷ Sy maisy hanokaky anizay laha teo amy elany izy , nefa sy azo zarany ho ro zay.Dra hagnoro anizay eo amy alitara gny moisoro, eo amy hita fa mirehisy.Ho fagnatisy oroa zay, dra hiteragny hagnisy malefaky ho an'i Yaveh zay;ho fagnatisy natao tamy afo ho anazy zay.