¹ Dra raha nandalo Jesosy, dra nahita lelahy poaky hatramin'izy vo teraky. ² Nagnotany anereo gny pianany ho: "Raby, iza re gny nanota, io lelahy io sa gny ray aman-dreniny, gny niteraky poaky manahaky anizao Izy?" ³ Jesosy namaly ho: "Sy io lelahy io gny nagnota, na gny ray amandreniny, fa natao izao ba hanehoa aminazy gny asan'Agnahary. ⁴ Sy maisy manao gny asanize nagniraky anahy isika raha bo mazava. Fa ho avy gny hariva ze sy afahan'iza na iza miasa sasy. ⁵ Raha bo eto amin'izao totolo izao zaho, dra Izaho gny fahazavan'izao totolo izao." ⁶ Gny fa boaky nizaka anizay Jesosy, dra nandrora tamigny tany, dra nanao feta tamigny rora, dra nanorasy gny fotaky tamigny masonigny lelahy igny. ⁷ Hoy izy taminazy ho: "Mandehana, sasao egny amigny ranonigny Siloama (ze adika ho: nirahy) gny masonao." Dra lasa ralelahy, nana anizay, dra nahita amizay izy. ⁸ Dra nifagnotany reo olo pindray rindry tamin-dralelahy vo reo ze nahita anazy nangataky taloha nanao anizahoky ho: "Sy tihoky ra gny lelahy nipetraky nangataky teto igny moa?" ⁹ Gny ilany nanao anizahoky ho: "Izy io." Dra gny hafa nizaka ho: "Sy izy io, fa mitovy aminazy avy." Fa izy koa nanao anizahoky ho: "Izaho tiky." ¹⁰ Hoy ereo taminazy ho: "Ko nagnino hanao nahita koa io?" ¹¹ Namaly izy ho: "Gny lelahy atao i Jesosy igny gny nanao feta dra nagnososy fotaky gny masoko dra nizaka taminahy izy ho: 'Mandehana agny a Siloama dra sasao gny masonao.' Dra nandeha zaho vo nanasa gny masoko amizay rano zay, dra nahita." ¹² Hoy ereo taminazy ho: "Eza izy?" Dra nivaliany ho: "Sy fatako." ¹³ Nandesin'ereo teo amigny fariseho gny lelahy nipoaky igny. ¹⁴ Tamigny anndro Sabata moa gny nanovan'i Jesosy gny feta igny vo napahiratany gny masony. ¹⁵ Dra nagnotany anazy ndraiky reo Fariseho gny amigny fomba nahiratany. Hoy izy tamin'ereo ho: "Nasiany fety gny masoko, nisasako, dra mahita zaho amizao." ¹⁶ Gny ilany tamireo fariseho nizaka ho: "Sy avy amin'Agnahary ty lelahy tihoky akory sy magnaza gny andro Sabata." Gny hafa nanao anizahoky ho: "Ino gny afahanigny olo panota manao famatara lahibe manahaky anizao?" DRa nisy fizarazara teo amin'ereo. ¹⁷ Dra nihery nagnotany gny lelahy poaky igny ndraiky ereo ho: "Ino gny hozakanao momba anazy, hatramigny napahiratany gny masonao?" Hoy gny lelahy nipoaky igny ho: "Paminany izy." ¹⁸ Dra bo sy nino gny momba anazy avo reo Jiosy ho izy dra fa poaky dra nahita raha sy nitoka gny ray aman-dreninigny lelahy nahita ereo. ¹⁹ Nagnotany reo ray aman-dreny ereo ho: "Tihoky ra Zanandrareo atao poaky io?Ko ino gny ahita koa io?" ²⁰ Dra nivalian'ireo ray aman-dreniny ereo ho: "Fatanay fa zanakay io sady teraky poaky izy. ²¹ Fe seky gny amigny nahita, sy fatasay, dra ze napahita gny masony, sy fatasay. Agnotanio anazy, fa lahibe izy io. Afaky mizaka ho anigny vatany izy." ²² Nizaka anizay reo ray aman-dreniny akory natahosy reo Jiosy ereo. Akory fa nifagneky reo Jiosy fa raha misy magneky anazy ho Kristy, dra ho roahy hiala amigny Synagoga izy. ²³ Nohonigny amizay, gny nizakan'ireo ray aman-dreniny ho: "Fa lahibe izy, Izy gny agnotanio." ²⁴ Dra nitoka gny lelahy poaky taloha fagnindrony ndraiky ereo dra nizaka taminazy ho: "Omeo voninahisy Zagnahary." ²⁵ Boak'eo dra namaly gny lelahy igny ho: "Sy fataso aloha raha panota izy. Gny fatako dra izao: fa poaky zaho taloha, fa amizao zaho fa mahita." ²⁶ Boak'eo dra hoy ereo taminazy ho: "Fa ino gny nataony taminao? Ino gny fomba napahiratany gny masonao?" ²⁷ Dra namaly izy ho: "Fa zinakako tamindrareo, fa sy niteno handrareo! Dra nagnino handrareo te-hiteno anizay ndraiky? Te-ho isanigny pianany avo koa handrareo, sa sy zay?" ²⁸ Nagneso anazy ereo dra nizaka ho: "Hanao gny pianany, fa zahay pianas'i Mosesy. ²⁹ Fatasay fa nizaka tamin'i Mosesy zagnahary, fa raha ze lelahy zay dra sy fatasay ze niaviany." ³⁰ Dra namaly gny lelahy igny dra nanao anizahoky amin'ereo ho: "Mahagaga zay, sy fatandrareo ze niaviany, kanefa napahirasy gny masoko Izy. ³¹ Fatasika fa sy miteno reo panota Zagnahary, fa raha misy mazoto mivavaky vo manao gny sitrapony, dra mitenoa anazy Izy. ³² Hatramigny niatombohan'izao totolo izao dra bo sy re mihisy ho nisy napahirasy gny mason'ize teraky poaky. ³³ Ko raha sy avy amin'Agnahary zay lelahy zay, dra sy mahefa na ino na ino." ³⁴ Dra namaly ereo nanao aminazy ho: "Tena teraky tamigny ota hanao, dra hanao ndraiky ra gny hapianasy anay?" Boak'eo dra niroahin'ereo hiboaky izy. ³⁵ Ren'i Jesosy fa niroahin'ereo tao amigny Synagoga izy. Dra Izy nahita anazy dra nizaka ho: "Mino gny zanak'Olo ra Hanao?" ³⁶ Namaly izy ho: "Iza moa gny Izy, Topo, ba hinoako anazy?" ³⁷ Jesosy nizaka taminazy ho: "Fa nahita anazy hanao, dra gny raiky ze mizaka aminao amizao zay." ³⁸ Hoy gny lelahy igny ho: "Topo, mino zaho." dra nidera anazy Izy. ³⁹ Jesosy nizaka ho: "Fa fisara gny nahaviako eto amin'izao totolo izao ba hahita reo ze poaky dra ba ho lasa poaky reo ze mahita." ⁴⁰ Nahare anizay gny ilany tamireo Fariseo ze niaraky taminazy dra nagnotany anazy ho: "Zahay koa ra poaky moa?" ⁴¹ Fa Jesosy nizaka tamin'ereo ho: "Raha poaky handrareo, dra sy ho nana-keloky, fa handrareo koa amizao mizaka ho: 'Mahita zahay,' dra bo mitoby gny siakindrareo."