¹ Avia, andrareo ze mpana-karena, mitomagnia vô midradradradrà noho reo fahoria avy amindrareo . ² Gny fanagnandrareo fa hô lo, dra gny fiakazognandrareo fa lanign'gny kalalao. ³ Gny volamenandreao vô gny volafosindrareo dra fa heriky .Gny heriky dra ho vavolombelo havandy amindrareo.Hagnoro gny nofondrareo manahaky gny afo zay . Nahazanereo gny hanagnandrareo ho amigny reo andro farany . ⁴ Indro, gny karaman'ereo piasa dra mitaray gny karama ze nihazon'ereo sy ho an'ereo ze namokasy gny tanimboly drareo , dra reo fitaraignagn'gny mpijinja dra fa avy agny sofiny topogn'gny maro . ⁵ Niay tamign'gny harena teto an-tany andrareo sady nagnara-po tamign'gny vatandrareo . Natavezindrareo gny fondrareo ho agny andro famonoa. ⁶ Nagnahy vô namono gny olo-mary andrareo . Sy nanohisy andrareo izy. ⁷ Koa mahareta, rahalahy, mandrapiavign'gny Topo. indro, gny pamboly miamby gny vokasy sarobily baka amigny tany.Miamby amim-pahareta anizay izy , mandra-pahazoan'izay gny volohany vô gny fara-ora. ⁸ Andrareo ,avô Koa, mahareta . Hatazaho gny fondrareo, satria fa mariny gny fiaviagn'gny Topo. ⁹ Ka mifapitaray, rahalahiko,bâ sy ho sara andrareo .Indro,gny pisara misanga eo am-baravara. V 10 Mangalá ohasy ,rahalahy ,baka amigny fizalia vô faharetan'ereo paminany ,reo ze nizaka tamigny agnaran'gny Topo. ¹¹ Indro, ataosika mitovy manahaky gny sambasy reo ze fa miharisy . Fa rendrareo gny fiaretan'i Joba , dra fatasindrareo gny tazogn'gny topo,gny maha -feno fangoraha vô famindram-po anazy. ¹² Fa agn'abony iaby , rahalahiko ,ka mianiana ,dre amigny lagnisy dre amigny tany ndre amigny fiaigna hafa. Fa dra,aoka gny zakandrareo hô: ''Eny'' ho ''Eny'' dra gny ''ahaha ''ho ''ahaha'',bâ sy hilisy amigny fisara andrareo . ¹³ Misy olo mizaly se eo amindrareo amigny aly sarosy? Ao izy hivavaky.Misy olo faly se ? Aona izy hiatsa fiderana . ¹⁴ Misy marary se eo agnevondrareo ? Aoka izy hitoka gny lohologn'gny fiangona ,dra ao izy reo hivavaky ho anazy . Aoka ereo hagnososy menaky anazy amigny agnarany topo. ¹⁵ Gny fivavaky gny finoa gny hagnasitrana gny olo marary,dra gny Topo hananga anazy . Raha nanota izy , dra hamela anazy Zagnahary. ¹⁶ Koa mifaneke heloky andrareo, dra mifapivavaha, bâ ho afaky andrareo . Gny vavaky ataogn'gny olo-marina dra tena matazaky amigny fiasany . V 17 Elia dra lelahy nitovy tamisika avô. Nivavaky fatrasy izy bâ sy hilasahagn'gny ranon'ora,dra sy nilasaky tamign'gny tany nandrisy gny telo tao vô enim-bola zay . ¹⁸ Bak'eo nivavaky draiky Elia . Gny lagnisy dra nagnome ranon'ora, dra gny tany namoa gny vokany . ¹⁹ Ry rahalahiko ,raha misy eo amindrareo miala amigny fahamarigna ,dra misy raiky koa mampihery anazy, ²⁰ dra tokony ho fatasy hô olo hô fa dre iza dre iza mangalaky gny panota raiky amigny lala-diso dra hamozy anazy amigny fahafatesa,dra hanafosy fahota marobe.