¹ Ho amigny fahafaha gny nagnafahan'i Kristy asika. Mioregna soa, noho izay, ka mety ho ao ambaninigny ziogany fanandevoza ndraiky. ² Ingo, izaho, Paoly, mizaka amindrareo fa raha mamela gny vatandrareo ho tapahy handrareo, dra sy hahasoa andrareo amigny fomba aby Kristy. ³ Mizoro vavolombelo amigny olo sirairay ze mamela gny vatany ho voatapaky ndraiky zaho fa voatery hagnaraky gny lalana aby izy. ⁴ Tafasaraky tamin'i Kristy handrareo, ze te ho hamarigny amigny lalana; dra sy maisy fahasoava sasy handrareo. ⁵ Fa amigny alalanigny Fagnahy, amigny finoa, gny handignisasika fatrasy gny fanatena gny fahamarigna. ⁶ Ao amin'i Kristy Jesosy dra sy midika na ino na ino na votapaky na sy voatapaky, fa gny finoa miasa amigny fitiava avo. ⁷ Fa nihazakazaky soa handrareo. Iza gny nisaka andrareo amigny fakatoava gny mary? ⁸ Zay fandresen-dahasy zay dra sy avy amigny nitokava andrareo. ⁹ Lalivay gny mapitombo gny koba aby. ¹⁰ Fa matoky gny Topo zaho fa sy hitakasy fomba fizery hafahafa handrareo. Fa gny raiky ze mapikorota andrareo gny hagnefa gny sazy, na iza na iza. ¹¹ Ry rahalahy, raha bo mitory gny amigny fanapaha zaho, nagnino zaho gny bo hezehy? Amizay dra ho afaky gny fahatafitoignanigny hazo fizalia. ¹² Fa ho anireo ze magnakorota andrareo, enga anie dra hanapaky gny vatany ereo! ¹³ Fa tonoka ho amigny fahafaha handrareo, ry rahalahy. Nefa ka apesa ho iriky amigny nofo gny fahafahandrareo; fa amigny alalanigny fitiava dra tateraky ao amigny alalanigny fitiava dra mifanopoa. ¹⁴ Fa gny lalan'aby dra tateraky ao amigny lily raiky; ao amigny ho: "Sy maisy mitia gny namanao ho: "Sy maisy mitia gny namanao manahaky gny vatanao hanao." ¹⁵ Fa gny mifanifasy vo gny mifapihina handrareo, dra mitandrema soa hifandringa. ¹⁶ Fa hoy zaho, mandehana araky gny Fagnahy dra sy hahatateraky ze filanigny nofo handrareo. ¹⁷ Fa manohisy gny Fagnahy gny filanigny nofo gny fagnirianigny Fagnahy. Fa mifanohisy reo, ba sy hahafahandrareo manao ze raha tiandrareo. ¹⁸ Fa raha tarihinigny Fagnahy handrareo dra sy ho ambaninigny lalana. ¹⁹ Amizao dra miharihary gny asanigny filanigny nofo: Fizangazanga, fahalotoa, fizezozezoa, ²⁰ fanopoa-sapy, fagnosavia, fakahala, fifandira, fahasarota-piaro, fifandrafia, fizarazara, ²¹ felogna, fahamamoa, fagnakorotagna, vo gny raha mitovy amizay. Mapitandry andrareo zaho, manahaky gny fa napitandremako andrareo taloha, fa sy handova gny fazakan'Agnahary reo ze mapihasy reo raha reo. ²² Fa gny vokasy gny Fagnahy dra fitiava, fifalia, fedagna, hasoa-fagnahy, fanova-soa, finoa, ²³ fahaleme-pagnahy, dra fahafeheza-tegna; sy misy lalana manohisy raha manahaky anizay. ²⁴ Reo ze an'i Kristy Jesosy dra fa nanombo gny toetra feno fahota niaraky tamigny fahafinareta vo gny filany. ²⁵ Raha miay amigny Fagnahy isika, aoky handeha amigny Fagnahy avokoa. ²⁶ Aoky isika sy ho lasa pieboebo, mifandragnisy, dra mifapialo.