¹ Dra tao amigny fengona tao Antioka, dra nisy paminany vo papianasy maro tao. Ereo dra Barnabasy, Simona ( Ze atao ho i NiGera), Lisiosa boaky amin'i Sirena, Manaena ( gny rahalahy ze niolonono tamin'i Heroda pazaka), dra Saoly. ² Raha bo nidera gny Topo vo Nifaly hany ereo, gny Fagnahy Masy nizaka ho: "Atokany ho anahy Barnabasy vo i Saoly, ba hanao gny asa ze nitokavako anereo." ³ Tafaranigny nifilian'ereo hany, vo nivavahany, dra nametrahan'ereo tagna tamireo lelahy reo, ereo dra nalefan'ereo. ⁴ Dra nakato gny Fagnahy masy i Barnabasy vo i Saoly dra nandeha nizoso nagna Selosia agny; boak'egny ereo dra nitikisy sambo ho agny amigny nosinigny Sipra. ⁵ Gny fa tao amigny tananigny Salamina ereo, dra nitory gny zakan'Agnahary tao amigny Synagogan'ireo Jiosy ereo. Dra nana an'i Jaona Marka koa ereo ba ho pagnapy anereo. ⁶ Dra gny fa nimakivaky gny nosy raiky manotolo magna Pafosy agny ereom, dra nahita manao aly, ze paminany Jiosy sandoky, gny agnarany dra i Bara Jesosy. ⁷ Panao oly ze niara-niasa tamireo governora, Serjio Paolosy, lelahy tena mahay. Nisamborin'io lelahy io Barnabasy vo i Saoly, akory te hahare gny zakan'Agnahary izy. ⁸ Fa Elimasy "panao oly" (izay gny nandika gny agnarny) nanohisy anereo; dra niezaky gny hagnaligno gny governora hiala amigny finoa izy. ⁹ Fa i Saoly, atao avo koa ho i Paoly, dra feno gny Fagnahy Masy, dra nandiniky anazy soa. ¹⁰ Dra nizaka ho: "Hanao ry zanaky gny Devoly, hanao dra feno gny karaza-pitaky vo faharasia aby. Fahavalonize mary hanao. Sy hizano gny hame lala-mahisinigny Topo mihisy hanao, sa sy zay? ¹¹ Fa ingo amizao, gny tagnanigny Topo eo aminao, dra ho lasa poaky hanao. Dra sy hahita gny masoandro aza hanao. "Teo no ho eo dra nilasaky tao amin'i Elimasy gny fahazavogna vo gny fahamezigna; nivezivezy nagnataky tamigny olo izy ba hitata anazy amigny tagna. ¹² Gny fa boaky nahita ze raha niseho gny governora, dra nino izy, akory gaga tamigny fapenara momba gny Topo izy. ¹³ Dra Paoly vo gny namany dra lasa nitikisy sambo boaly Pafosy nagnagny amigny Perga agny Pafilia. Fa Jaona koa nagnenga anereo dra nihery ta Jerosalema agny. ¹⁴ Paoly vo reo namany dra nandeha boaky a Perga agny dra nagna Antiokian'i Pisidia, dra tao nandeha nagna amigny Synagoga tamigny andronigny Sabata ereo dra nipetraky. ¹⁵ Tafaranigny famakia gny lala vo gny paminany, dra nandafa hatara tagny ho: "Ry rahalahy, raha manana hafasy fapahereza ho anigny olo eto handrareo, dra zakao izay." ¹⁶ Dra nisanga Paoly dra nanao fihesiky tamigny tagnany, nizaka ho: "Ry olon'Israely dra handrareo ze magnome voninahisy an'Agnahary, miteno. ¹⁷ Gny Zagnahary gny olon'Israely dra nisafidy gny babasika dra nipetraky tao amigny taninigny Egypta, dra tamigny fanandrata gny sandriny gny nitarihiny anereo hiboaky tao. ¹⁸ Dra nandrisy gny efapolo tao teo ho eo gny nandeferany anereo tagny agnefisy. (Fagnamariha: Gny dika-zaka taloha dra mivaky manahaky anizao: "Nandrisy gny efapolo tao eo ho eo dra niahy anereo tagny agnefisy izy.)" ¹⁹ Dra gny fa boaky nandrava firenena fito tagny amigny tany Kanana izy, dra nameny gny vahoakisika gny tanin'ereo ba ho lova. ²⁰ Izay raha zay niseho zay dra fa tamigny faha dimapolo vo efa-zato tao. tafaran'izay raha zay aby, Zagnahary nagnome pisara anereo mandra-piavin'i Saela paminany. ²¹ Dra nangataky pazaka gny oloboak'eo, dra Zagnahary nagnome anazy an'i Saoly zanadahin'i Kisa, lelahy avy amigny fokon'i Benjamina, ba ho pazaka mandrisy gny efapoly tao. ²² Dra boak'eo Zagnahary nagnalaky anazy teo amigny fazakany, dra nanadrasy anazy teo amigny fazakany, dra nanandrasy an'i Davida ba ho pazakan'ereo. Fa izay gny nizakan'Agnahary momba an'i Davida ho: "Fa nahita an'i Davida zanak'i Jesea zaho ba ho olonigny foko, ze hanao ze toako aby hataony. ²³ Fa boaky amigny taranak'io lelahy io gny hindesan'Agnahary panovosy ho an'Israely, dra i Jesosy, araky ze fa napanatenany hatao. ²⁴ Nanomboky niseho zay, talohanigny nahavian'i Jesosy, Jaona zinaka volohany tamigny vahoakin'Israely aby momba gny batisanigny fibebaha. ²⁵ Akory i Jaosy fa nahavita gny asany, dra hoy izy: "Iza gny hieriseretandrareo anahy? Sy izaho gny izy. Fa hiteny, hisy raiky ho avy afarako, dra gny kiraronigny tombony dra sy hahamendriky anahy gny hamaha anazy. ²⁶ Ry rahalahy, zanakapelany boaky amigny taranak'i Abrahama, dra ze midera an'Agnahary aby eo amindrareo, ho asika gny nandefasa anizay hafasy mombanigny fomoze anizay. ²⁷ Fa reo ze mipetraky agny Jerosalema, vo gny pinday anereo, dra sy nahafatasy anazy, dra taterak'ereo gny voazakanigny paminany ze vakiny isa-sabasy gny amigny fanameloha anazy. ²⁸ Na dre sy mahisy atony soa hamonoa anazy izy ereo, dra nangataky tamin'i Pilaty avo ba hamono anazy. ²⁹ Gny fa taterak'ereo gny raha aby ze voasorasy momba anazy, dra napizoson'ereo tegny amigny hazo izy dra napandriany tao andolo. ³⁰ Fa Zagnahary koa napisanga anazy tamigny maty. ³¹ Dra hitanireo ze niara-niakasy taminazy boak'agny Galilia magna gny Jerosalema izy nandrisy gny andro maromaro. Dra amizao dra reo olo reo gny vavolombelony ho anigny olo. ³² Noho izay zahay mizaka mizaka amindrareo gny fizarasoa ze napanatenan'Agnahary tamigny babasika ze fa taterany ho asika, ³³ zanak'ereo, tamigny nananganany an'i Jesosy. Arakize fa voasorasy ao amigny salamo faharo ho: 'Zanakao hanao, amizao dra ho lasa babanao zaho.' ³⁴ Gny atony nanangana anazy tamigny maty dra gny basy hahasola gny vatany, Zagnahary nizaka manahaky anizao: 'Hameko andrareo gny fahita masy vo azo atoky napanatena an'i Davida." ³⁵ Izay koa gny nahavy anazy nizaka tao amigny salamo hafa ho: "Sy hagnenga gny Masy hahita gny lo hanao." ³⁶ Akory gny fa nagnatateraky reo fagnirin'Agnahary ho anigny taranany i Davidra dra azo-tory izy, dra napandria niaraky tamireo babany izy dra gny vatany niharanigny fahavalony. ³⁷ Fa izy nasangan'Agnahary dra sy niharanigny faharava. ³⁸ Dra aoky ho fatandrareo anizay, ry rahalahy, fa tamigny alalani'io lelahy io gny nitalilia tamindrareo gny famela gny fahota. ³⁹ Amigny alalany gny olo sirairay ze ze mino dra voamary amigny raha aby ze mety sy ho voamarn'io lalan'i Mosesy io. ⁴⁰ Dra mitandrema ba sy hiseho amindrareo ze raha nizakanigny paminany ho: ⁴¹ "Ingo, handrareo ry paneso sinosino, dra ho gaga dra ho levo. Fa Izaho manao asa amigny androndrereo, Asa ze sy ninoandrareo mihisy, na dra misy olo mitalily anizay amindrareo az." ⁴² Gny fa lasa i Barnabasy vo i Paoly, dra niangavy anereo gny olo ba hitaragnen'ereo tegny reo avo amigny Sabata magnaraky. ⁴³ Gny fa tapisy gny fivoria tao amigny Synagoga, dra maro tamigny Jiosy vo reo proselita mahafatra-po gny nagnaraky an'i Paoly vo i Barnabasy, ze nizaka tamin'ereo vo napirisiky anazy ba hanohy ao amigny fahasovan'Agnahary. ⁴⁴ Tamigny mesa magnaraky, dra saiky gny tana manotolo gny niaraky niango ba hahare gny zakany Topo. ⁴⁵ Gny fa nahita reo vahoaky gny Jiosy, dra feno fialogna ereo dra nizaka nonohisy reo rava ze nizakan'i Paoly vo nagneso anazy. ⁴⁶ Fa Paoly vo i Barnabasy apahaviahia dra nizaka ho: "Taliavy ho voalaza amizao amindrareo meloha gny zakan'Agnahary. Fa gny fa manosiky anizay handrareo dra mihevisy gny vatandrareo ho sy mendriky gny fiegna madrakizay, dra ingo, hihery agny amigny Jentilisa zahay. ⁴⁷ Araky ze fa nandidianigny Topo anay, manao anizahoky ho: "Napetrako ba ho fahazavanigny Jentilisa handrareo, zay gny tokony hindesandrareo famozena ho anireo ze agny amigny fara-vaza-tany." ⁴⁸ Gny fa nahare anizay gny Jentilisa, dra faly vo nidera gny zakanigny Topo. dra maro reo ze voatendry ho amigny finoa gny fiegna mandrakizay gny nino. ⁴⁹ Dra gny zakanigny Topo dra niely eraky gny farisy manotolo. ⁵⁰ Fa gny Jiosy koa dra napirisihiny reo apela mahafatra-po vo mana-daza, vo reo lelahy pitariky tao atana. Niteraky fagnezeha ho an'i Paoly vo i Barnabasy zay dra niapy anereo ho agny ivelanigny sisi-taninigny tany. ⁵¹ Fa Paoly vo i Barnbasy nagnisa gny botany tamigny tombon'ereo ba hanohera anereo. Dra boak'eo ereo dra nagnagny amigny tagnan'i Ikoniama. ⁵² Dra gny pianasy dra feno hafalia vo gny Fagnahy Masy.