¹ Dra tamizay andro zay Heroda pazaka nanambosy reo ilany ze anigny fengona ba hahafahany mapizaly anereo. ² Nivonony tamigny mesa Jakoba rahalahin'i Jaona. ³ Dra gny fa hitany fa nahafaly reo Jiosy zay, dra nanao ze hanambora an'i Petera koa izy. Izay dra nandrisy an'i Petera koa izy. Izay dra nandrisy gny andronigny mofo sy misy masirasira. ⁴ Gny fa boaky nisambory izy, dra nataony tagny apoza izy dra nanendry maramila efa-toko hiamby anazy, nikasa gny hinday anazy eo amigny olo afaranigny Paska izy. ⁵ Noho izay dra nitanany tao apoza Petera, fa gny vavaky dra nataon'ireo ze tao apengona fatrasy tamin'Agnahary ho anazy. ⁶ Gny hariva alohanigny hindesan'i Heroda anazy hosara, Petera dra nandry teo agnelagnelanigny maramila ro lahy, voafehy tamigny ravaky rolahy, raha bo nizano niamby gny foza gny piamby teo alohanigny vantrangara. ⁷ Ingo, nisy azelinigny Topo niseho tapoky teo agnilany, dra nisy hazava namirasy tao agnatinigny sfisy gny foza. Nazera an'i Petera teo amigny ilany izy dra nanokaky anazy dra nanao anizahoky ho: "Misangana malaky." dra reo ravany niala tamigny tagnany. ⁸ Gny azely nizaka taminazy ho: "Apekazogno gny vatanao dra atovy gny kiraronao." Dra nataon'i Petera araky anizay. Gny azely nizaka taminazy ho: "Atovy gny akazonao ivelany dra magnaraha anahy." ⁹ Dra nagnaraky gny azely igny Petera dra niboaky. Sy fatany fa reo ze nataonigny azely dra tena izy. Nihevisy izy fa nahita fahita. ¹⁰ Gny fa boaky nandalo teo amigny piamby volohany vo faharo ereo, dra avy teo amigny vavahady vy dra minday magnagny amigny tana; nisokaky ho azy tamin'ereo zay. Niboaky ereo dra niboaky tamigny lala raiky, dra gny azely nagnenga anazy amizay. ¹¹ Gny fa nihery tamigny vatany Petera nizaka izy ho: "Amizao dra fataso mary fa gny Topo gny nandefa gny azely dra nagnafaky anahy tamigny tagnan'i Heroda, vo tamigny raha aby ze nandresanigny Jiosy hiseho. ¹² Gny fa tonga say tamizay izy, dra nagnagny amigny tragnon'i Maria renin'i Jaona, atao i Marka avo koa, ze nisy olo maro nivory vo nivavaky. ¹³ Gny fa nandondo teo ambavahady izy, nisy panopo apela raiky atao i Roda zay avy namaly. ¹⁴ Gny fa fatany gny feon'i Petera, tamin-kafalia dra sy nahavita namoha gny vatrangara izy; fa koa, nadeha nihazakazaky nagna atragno agny izy, nitateriny fa Petera nizoro teo ambavahady. ¹⁵ Dra nizaka taminazy ereo ho: "Mola hanao." Fa nagnizingizy izy fa izahay gny izy. Nizaka ereo ho: "Gny azely zahay." ¹⁶ Fa petera nanohy nandondo, dra gny fa nisokafin'ereo gny vatrangara, dra nahita anazy ereo dra nigaga. ¹⁷ Petera nagnesiky gny tagnany tamin'ereo ba hizano, dra nizakany tamin'ereo gny fomba nindesanigny Topo anazy niboaky gny foza. Hoy izy ho: "Tateraho agny amin'i Jakoba vo reo rahalahiny zay raha zay. "Dra niala izy dra nandeha tagny atamigny toera hafa. ¹⁸ Dra gny fa nazava gny andro, dra sy nisy fietagnam-po nasaiky teo amireo maramila gny amize nitranga tamin'i Petera. ¹⁹ Gny fa boaky nialy anazy Heroda dra sy nahita anazy, dra nagnadihady gny piamby izy dra nandidy anereo ba hovono. Dra nizoso boaky a Jodia agny nagna amin'i Kaisaria agny izy dra nitoby tagny. Heroda dra dra nasiaky fatrasy tamigny vahoakin'i Tyra vo i Sidona. Nindray nagnagny aminazy ereo. Nandresy lahasy an'i Blasto ereo, gny pagnapinigny pazaka, ba hagnapy anereo. dra nangataky fivavaha ereo, akory gny tagnan'ereo dra mitakasy gny hany boaky amigny pazakanigny tana. ²¹ Tamigny andro voatondro Heroda dra napekazo gny vatany akazo pazaka dra nipetraky teo amigny seza fiandriagna; nikabaro tamin'ereo izy. ²² Nihiaky gny vahoaky: "Izay dra feon'Agnahary, fa sy an'olo!" ²³ Teo noho eo dra nisy azelinigny Topo namaly anazy; akory sy nagnome voninahisy an'Agnahary izy; nagnino gny kaka izy dra maty. ²⁴ Fa gny zakan'Agnahary nitombo vo nihamaro. ²⁵ Dra gny fa vitan'i Barnabasy vo i Saoly gny iraky napanovy anereo, dra nihery boakagny ereo [Gny ilany amireo dika sorasy tranainy mizaka ho: "Ereo dra nihery ta Jerosalema agny] Jerosalema ereo, ninday an'i Jaona niaraky tamin'ereo, ze atao i Marka avo koa.