¹ Zaho , paoly, miangavy andrareo gny vatako , amin'gny fanetre-tena vo hamorom-pagnahin'i Kristy. Malemy fagnahy zaho gny fa eo amin'gny fanetrehandrareo, nefa sahy gny amindrareo zah gny fa sy eo. ² Mangataky amindrareo zaho, gny fa miaraky amindrareo zaho , sy mila mahavany amin'gny fahatokisa-tegna . Nefa zaho mieriserisy fa ,ila mahavany manohisy anereo ze mihevisy fa isika dra miay araky gny nofo. ³ Fa na zay avo dra mandeha araky gny nofo zahay, sy mialy araky gny nofo. ⁴ Fa gny fialia ze ialianay dra sy ara-nofo. Noho zay, mana hery laha tagny an-dagnisy reo ba hamoteha gny fagnahy rasy. Fa sy minday na ino na ino gny hevi-pitak'izay reo. ⁵ Ho solasika avo koa reo raha abo ze mananga fanohera gny fahalala an'Agnahary. Fa mihevisy gny ho tiany gny olo kirairaiky amin'gny fakatoava an'i Kristy isika. ⁶ Dra miomana amin'gny famezigna gny fihesiky sy fakatoava iaby isika, vatany vo tateraky gny fakatoavandrareo. ⁷ Hatio mazava ze eo alohandrareo. Fa na iza na iza gny resy lahasy fa izy gny kristy, ao hampasiahy gny vatany izy fa izy tokoa dra Kristy, dra manahaky anizay koa isika . ⁸ Egny fa dre dra mirehareha masaiky avo zaho momban'gny fahafasika ,ze nomen'gny Topo asika ba hanangana sady sy hanimba andrareo, sy ho megnasy zaho. ⁹ Sy tiako zay gny hampatahosy andrareo amin'gny alalan'gny taratasiko. ¹⁰ Fa gny olo gn'ilany nizaka ho:''Matosy vo mahery gny taratasiny, nefa malemy ara-bata izy. Sy mendriky ho tenoy gny zakany.'' ¹¹ Ao gny olo tahaky anio ahafatasy fa reo zaka ao amin'gny taratasinay tamin'gny fotoa sy nahateo anay dra maneho gny asa tokony ho ataonay gny fa avy zahay. ¹² Sy mandeha lavisy zahay na mamitaha gny vatanay amin'ereo ze midoka-tegna. Fa raha mandrefy gny vatany amin'gny hafa ereo dra mampitaha gny vatany amin'gny hafa, dra sy ho malina. ¹³ Isika, na hafa avo, sy hirehareha mihoasy gny tokony ho izy. Fa dra, ataonay avo zay ze misy fetrany araky gny nanendren'Agnahary anay, fetra ze mahakasiky andrareo. ¹⁴ Fa sy mitandry gny vatanay zahay gny fa avy tegny amindrareo. Zahay gny avy volohany hatragny amindrareo niaraky tamin'gny filazasaran'i Kristy. ¹⁵ Sy nirehareha mihoasy gny fetra isika gny momban'gny asan'gny sasany . Nefa dra, atenainay fa hitombo gny finoandrareo amin'gny asa lahibe miamby gny kirairaiky , dra samy amin'gny fetrany aby. ¹⁶ Fa zao gny atenainay , ba ahafahanay mitory gny filazasara dre dra agny amin'gny toera lavisy andrareo avo. Sy hirehareha momban'gny asa fa vita tagny amin'gny farisy hafa isika. ¹⁷ ''Nefa ao gny raiky ze mirehareha, hirehareha ao amin'gny Topo.'' ¹⁸ Fa sy gny raiky ze manolosy gny vatany gny ankatoavy. Nefa dra, ao gny raiky ze natolosy gny Topo.