¹ Volohany noho izay, dra mapirisiky zaho reo fangataha, vavaky, fifina, dra fisora dra natao ho anigny olon'aby, ² ho an'ireo pazaka vo reo eo amigny fahefa aby, ba ahafahasika miay apiadagna vo miay apilamina amigny toe-pagnahy araky an'Agnahary vo fahamendreha aby. ³ Izay dra soa vo azo eke eo agnatrehan'Agnahry pamozisika. ⁴ Reo ba hoveze aby gny olon'aby dra ho avy amigny fahalalaha gny mary. ⁵ Fa raiky avo gny Zagnahary, dra raiky avo koa gny pagnelagnela an'Agnahry vo gny olo, dra gny lelahy Kristy Jesosy. ⁶ Izy nagnome gny vatany ho vilim-pagnavota ho anigny maro, manahaky gny fizoroa vavolombelo amigny fotoa tokony ho Izy. ⁷ Fa amizay fagniria zay, Zaho, gny vatako, dra natao ho pitory vo ho apostoly. Mizaka gny mary zaho. Sy mavandy zaho. Papianasy an'ireo zetilisa amigny finoa vo fahamarigna zaho. ⁸ Noho izay, tiako gny lelahy na eza na eza ba hivavaky vo hanandra-tegna masy sy apahasiaha na amigny fifandira. ⁹ Manahaky anizay koa, taiko gny apela ba hekazo akazo mendriky gny vatako, amigny fahamotigna vo fahafeheza-tegna. Sy tokony hanao volomitaly, na volamena, na voangy, na akazo lafo vily. ¹⁰ Tiako ereohiakazo amize mety ho an'ireoapela ze maneho teo-pagnahy araky an'Agnahary amigny alalan'ireo asa soa. ¹¹ Gny apela dra tokony hianasy apahangina dra hagneky tateraky. ¹² Sy angako hapianasy gny apela na hapihasy amigny lelahy, fa hizano ao agnaty fahangina. ¹³ Fa Adama gny noforogny volohany, boak'eo i Eva. ¹⁴ Adama dra sy voafitaky, fa gny apela gny voafitaky tateraky tamigny fandikan-dalana izy amigny alalanigny fiteraha-zaza, raha mitohy amigny finoa vo fitiava dra fahamasigna miaraky amigny fahonogna tegna.