¹ Amizao mikasiky gny fotoa vo reo vanim-potoa,ry rahalahy,sy mila dre ino dre ino voasorasy ho andrareo drareo. ² Fa andrareo vatandrareo mahafatasy soa fa gny andron'gny Topo dra ho avy tahaky gny mpangalasy amin'gny hariva . ³ Gny fa mizaka ereo,''Miadagna vo milamina,''dra fahatorotoroa tapoky gny ho avy amin'ereo. Ho tahaky gny fahararian'gny ampela beoka gny fa miteraky zay.Sy ho afa-mandositry mihisy ereo. ⁴ Fa andrareo,ry rahalahy,dra sy ao agnatin'gny hezy ka hahatrasy andrareo tapoky tahaky gny mpangalasy gny andro. ⁵ Fa andrareo aby dra zanaky gny mazava vo zanaky gny andro. Sy zanaky gny hariva isika na gny hezy. ⁶ Noho zay,andeha isika sy handry tahaky gny fataon'gn'ilany.Fa dra,ao isika hiamby vo hamindro. ⁷ Fa reo ze mandry dra manao anizay amin'gny hariva,dra reo ze mamo dra manao anizay avo koa amin'gny hariva. ⁸ Fa raha bo agny andro isika,dra sy maisy mamindro isika dra misy finoa vo fitiava ho fiarova-tratra,dra gny atoky gny famozena amin'gny ho avy ho fiarovan-dohasika. ⁹ Fa Zagnahary sy nanendry asika ho amin'gny fahoria,fa hahazoa gny famozena amin'gny alalan'i Jesosy Kristy Toposika. ¹⁰ Izy gny maty ho asika,dre mifoha isika dre mandry ,dra afaky miara-miay aminazy. ¹¹ Dra noho zay mifampionona dra mifampahereza andrareo,tahaky gny fa nataondrareo. ¹² Mangataky amindrareo zahay,ry rahalahy,ba hanekendrareo ze mikely ay amindrareo vo minday andrareo amin'gny Topo dra ze magnanasy andrareo. ¹³ Mangataky andrarei avo koa zahay ba hagnaza anazy reo am-pitiava noho gny asan'ereo. Mihavana amin'gny vatandrareo. ¹⁴ Magnanasy andrareo zahay,ry rahalahy :Mampitandrema gny fikorotagna,hapaherezo reo kivy,ampio reo malemy,mahareta amin'gny raha iaby. ¹⁵ Indro sy misy olo mamaly rasy gny rasy dre amin'iza dre iza.Fa dra,mitaliava ze soa ho agny kirairaiky vo ho agny olo iaby. ¹⁶ Mifalia mandrakariva. ¹⁷ Ka misahasy mivavaky. ¹⁸ Misora amin'gny raha aby.Fa zay gny sitrapon'Agnahary ao amin'i Kristy Jesosy ho andrareo. ¹⁹ Ka mamono gny Fagnahy. ²⁰ Ka manao sinosino reo faminania. ²¹ Andramo gny raha-iaby.Mipitia amin'izay soa. ²² Esory reo fisehoan'gny rasy aby. ²³ Zagnahary gny fiadana seky hampamasy anao tateraky.Ao gny fagnahinao manotolo,gny ay ,dra gny vatany dra hahazan'i Jesosy Kristy Toposika. ²⁴ Mahatoky izy gny mitoka anao,gny raiky ze hanao anizay avo koa. ²⁵ Ry rahalahy,mivavaha avo koa ho anay. ²⁶ Arahabao amin'gny fanoroha masy gny rahalahy aby. ²⁷ Mangataky amindrareo amin'gny Topo zahy ba ho vakia amin'gny rahalahy aby itiho taratasy itiho. ²⁸ Ho andrareo seky gny fahasoavan'i Jesosy Kristy Toposika.