¹ Tamity andro nanampaha gniereo mpitsara le nisy kere tamity tane, vaho nisy lahilahy raike bakao Betlehema i Joda nandeha tagne amity tane Moaba niarake tamiy valine naho reo anane roe lahy. ² Ty agnara iaze lahilahy le Elimeleka, vaho ty agnara ty valine le Naomy. Ty agnara reo anane roe lahy le Malona naho Kiliona, ze Efraita bakagne Betlehema i Joda. Niavy tagne amity tane Moaba iereo vaho nitoboke tao. ³ Vaho mate ty Elimeleka, valy Naomy, ka ze sisa tavela niarake tamity anane roe lahy. ⁴ Reo anane lahy reo le nangalake valy tamy reo ampela ndre Moaba; ty agnara ty raike le i Orpa, vaho ty agnara ty raike le Rota. Nitoboke tao zisike ty folo tao iereo. ⁵ Bakeo le mate ty Malona naho Kilona, nagnenga andre Naomy tsy misy valine vaho tsy misy reo anane roe. ⁶ Bakeo Naomy nanampakevetse ty hagnenga andre Moaba miarake amity vinantone vave vaho nihere tagne Joda satria fa regne tamity faretse Moaba fa fa nagnampe ty vahoane ze nila fagnampea ty Yaveh vaho nagnome hane iereo. ⁷ Le nagnenga ty toera ze niarahane tamity vinantone vave roe re, ka nandeha nizotso ty lala re mba hihere amity tane Joda. ⁸ Hoe ty Naomy tamy reo vinantone vave roe tihoe: "Mandehana, miheregna, agne amity tragno drenegnareo, inareo kiraidraike iaby.Lonike Yaveh hanehoanareo hasoam-pagnahy aminareo eo, manahake ty nanehoanareo hasoa fagnahy tamity mate naho tamiko. ⁹ Lonike ty Tompo hagnomey anareo ka hahisahanareo fiadagna, inareo kiraidraike iaby amity tragno ao ze valy hafa. "Vaho nagnoroke iereo re, sady nanondrotse ty feo gniereo ro nitagny. ¹⁰ Hoe iereo tamine tihoe: "Oho! hiara- hihere aminao ho agne amity vahoakenao zahay." ¹¹ Nefa ty Naomy nivola tihoe: "Mandehana miheregna, gea anak'ampelako! Nanao akore nareo ro mandeha hagnorike ahy? Mboe hana kololahy an-troko ato vao raho ho anareo, ka ho lasa valinareo iereo? ¹² Mandehana miheregna, gea ty anak'ampelako, oriho ty lalagnareo, fa fa antetse raho laha hanambaly. Laha mivola raho tihoe: 'Magnategna raho fa hahazo valy te androany hale, vaho hiterake kololahy, ¹³ le mboe hahaly iereo zisike ty hahabevata aze vao nareo? Hahaly vao nareo vaho tsy hanambaly lahilahy te amizao? Oho, gea anake! Mampalahelo ahy vatane zay, mihoatse naho ty alahelognareo ty amy zay, satria ty tagna Yaveh ro namango ahy." ¹⁴ Vaho nanondrotse ty feone reo vinantone vave sady nitagny ndraike. Nagnoroke nanao veloma ty rafozane vave ty Orpa, fa i Rota nipiteke tamine eo. ¹⁵ Hoe Naomy tihoe: "Njajigno, noly tagne amy reo vahoane naho reo Zagnaharene ty ravetronao. Miheregna miarake amy ravetronao." ¹⁶ Nefa ty Rota nivola tihoe: "Ko enga hagnalavitse anao raho, fa ze ombanao, le hombako, ze ijanognanao, le hijanognako; ty vahoanao le ho vahoako, vaho ty Zagnaharenao le ho Zagnahareko. ¹⁷ Ze toera hifatezanao, le hifatezako, vaho agne ro handevegna ahy.Lonike Yaveh hagnafay ahy, vaho mihoatse aza, laha ty fahafateza fa tsy zaka hafa avao ro mampisarake antika." ¹⁸ Lahafa hisa Naomy fa tapakevetse handeha hiarake amine ty Rota, le nagnajano ty fialian-keve tamine re. ¹⁹ Le nandeha iereo roe zisike ty hahavia iereo tantana Betlehema ao. Ezao ro niseho lahafa niavy ta Betlehema ao iereo, ty tantana ao iaby le enjake tamy iereo. Hoe iereo ampela tihoe: Naomy vao toy? ²⁰ Kanefa hoe re tamy iereo tihoe: "Ko kaihe tihoe Naomy raho. Kaiho tihoe Mara raho, satria nampinday ahy ty mafaetse vatane ty Tsitoha. ²¹ Niboake feno raho, nefa Yaveh ninday ahy nihere tamity tagnam-polo tantragno ao. Naho izay nanao akore nareo ro mikaike ahy tihoe Naomy, amity fahisaha ty fagnameloha Yaveh ahy, fa iaze Tsitohay le nampijale ahy?" ²² Vaho Naomy naho Rota iaze Moabitay, vinantovavene le nihere tagne amity tane Moaba. Avy tao Betlehema iereo tamity fiandoha ty famokara bare.