¹ Joda, raike aze panompo i jesosy Kristy, rahalahy i Jakoba, hoaireo zay kaihe tihoe, hava ao amin'Andragnahare Rae, naho voakoloko hoahy i Jesosy Kristy: ² Hampitomboe hoaminareo anie ty famindragnarofo naho ty fiadagna vaho ty fiteava. ³ Rihavako, laha igne ty ezake iaby hanoratse hoanareo ty mikasike ty famonjeahiharoantika igne raho, le nanoratse hoanareo raho mbahanoseke anareo hialy mafe hoahy finoagny zay fanatolotse indraike avao hoahy reo mino. ⁴ Fa hoahy reo ilae nisiske avao antsokosoko aminareo eo. Reo le ndaty fafantatse fa hoamy ty heloke. Reo le ndaty raty fagnahy zay mametaveta ty hasoan'Andragnahare hoagne amy ty asaraty, vaho mandietse ty Andriana naho ty Tompo, Jesosy Kristy. Amizao raho tahampahatsiaro anareo -na le fahaiareo vatntagne avao zane -fa ty Tompo le nagnavotse ty ndaty bakagne amy ty tane egypta, fa tafara zay le vinonoe iaby ze nandietse. ⁶ Vaho reo anjele zay tsinita ty fahefa zay napoke tamiareo, fa zay nandietse ty tanaiareo -Andragnahare le nandrohy iareo tamy ty rohy zisikamparane, ao amy ty maieke bibike vatagne, hoamy ty andro fitsara befoloay. ⁷ Manahake Sodoma naho Gomora naho reo tana agnila iareo, zay nagnomey ty vatagniareo hoamy tifandratova naho ty fandrea tsimete. Le natao ohatse amy reo zay mijale amy ty sazy agne amy ty afobey zisike farane iareo. ⁸ Kanefa manahake zay avao, reo mpagninofybreo le mandoto ty vatagniareo, vaho mivola raha raty hanohetse reo ndaty bey reo. ¹⁰ Fa reo ndaty reo le mivola ndraty ty raraha iaby tsihaie. Vaho zay haie -manahake ty fahaiane ty biby gege -zay ro manimba iareo io. ¹¹ Loza hoaiareo! Fa naho nandeha tamy ty tana i Kaina iareo, vaho nagnorike ty hadisoa i Balama hahazo mbalene. Le nilany tao amy ty fankalaigny kora iareo. ¹² Reo le ndaty zay holibato mitsioke ao amy ty hanem-piteaareo. Mihina aminkegnatse, mamoky ty vatagniareo avao. Iareo le rahogne tsimisy rano, andese ty tioke. Hetae asotry tsy manamboae -ingo mate, niala ty vahae. ¹³ Iareo le lahindriake mikahake, mitopatopa mamorevore ty hegnaiareo. Vasie miriorio iareo, ka voahaja hoaiareo zisike farane ty fangokogny ty maieke. ¹⁴ Vaho Enoka, aze fahafito i adamay, le fa nitoky momba reo,nivla tihoe: ''ingo! Hoavy ty Tompo miarake amy reo masy agnalegnalegne. ¹⁵ Hoavy Reke mbahavita irake amy ty fitsara ty ndaty iaby. Hoavy Reke hampagnina ty raty fagnahy iaby amy ty zaka vitane tamy ty haratiam-pagnahine, vaho reo rehake mafy iaby zay nivolagne ndaty raty fagnahy hanohetse Aze.'' ¹⁶ Reo le mpimonomono, naho mpitoretoreo, zay magnorike ty fipaiandraty iareo.Iareo le misekoseko fatratse,zay naho ty tombotsoa iareo raike, le mamarotse ty hafa. ¹⁷ Fanareo, rigea, kahaligno reo rehake nivolagne reo Aposto i Jesosy Kristy Tompontika faelay. ¹⁸ Iareo nanao tihoe taminareo: "Amy ty andro farane hisy mpagnaratiaraty zay hagnorike ty fipaia ty haratiam-pagnahine.'' ¹⁹ Ndaty reo le mitarike amy ty fisaraha. Iareo le ndaty magnorike ty asa nofotse, vaho tsimana ty Fagnahy ²⁰ Fa nareo, rigea, mihamafea soa eo amy ty finoanareo masigne vatagne,vaho mivavaha ao amy Fagny Masigne. ²¹ Mitoboha nareo ao amy ty fitean'Andragnahare, vaho lignaso ty famindragnaro i Jesosy kristy Tompontikazay manday anao hoamy ty fiaigna zisikamparane. ²² Mamindra arofo amy reo zay misalasala. ²³ Rombaho vaho sintono amy afo ty ndaty ilae. Vaho ty ilae kea amindrao arofo amy ty tahotse. Mitsinjaha na le amy ty akanjo nilotoe ty nofotse kea. ²⁴ Vaho hoahy reo ze miaro anareo tsy hotohy, vaho hahatonga anao hitsanga eo amy ty hasigne, malio hakeo naho mampifale befoloay, ²⁵ amin'Andragnahare mpamonje antika vatagne tamy ty lalagn' i Jesosy Kristy Tompontika, ty hasy , ty habey, ty fahefa, ty here, taloha ty fotoa iaby, amizao, vaho zisikamparane. Masy