¹ Magniry raho soa ahafahanareo mmagnenga ahike hanao hadala kele ilane. Te vantane magnenga ahike nareo! ² Te mamarahy ty mikasike anareo raho. Mana ty farahy arake ahy ty Andragnahare aminareo raho, hatramy ty nagnomezako toke anareo tao amy ty fanambalia ho ahy ty vale raeke avao. Nagnome toke raho ty hagnome anareo manahake ty ampela mbo tsy mahasake lahy ho ahy ndre Kristy. ³ Te matahotse raho sode, manahake ty namitaha ty menara ahy Eva tamy ty alala ty hafetsene, ty eritseritsareo le mete hiala amy ty fangomeza-tegna amy ty hity ty arofo naho malio amy ndre Kristy. ⁴ Te eretsereto tihoe misy ndaty raeke avy hitore Jesosy hafa noho iaze raeke tafarantika. Na eretsereto tihoe mandrambe Fagnahy hafa noho ze rambesinareo nareo. Na eretsereto tihoe mandrambe filazantsara hafa noho iaze raeke ze nirambesinareo nareo. Mamela regny raraha regny soa avao nareo! ⁵ Satria mieretseretse raho te tsy farane ambane noho reo talily tihoe apostole ambone. ⁶ Te na le tsy nizara nandaha-tene kea raho, le nizara tamy ty fahalala. Temy ty fomba iaby naho tamy rei raraha iaby le nataonay ho hainareo zay. ⁷ Nao nanao rate vao raho tamy ty fanetren-tegnako soa hisondrotanareo? Te nitory ty filazantsara ty Andragnahare maimaimpoagne ho anreo raho. ⁸ Nandrava reo fiangona hafa raho tamy ty alala ty fagneke fanohagna bak'amy reo soa ahazahoako manompo anareo. ⁹ Lafa niarake taminareo raho naho nila fagnampea, le tsy nagnavesatse na ia na ia. Te reo raraha nipaiko le nome reo mpirahalahy ze avy bak'agne Makedonia. Tamy ty raraha iaby le nitao ty vatako tsy ho anta-mavesatse aminareo raho, vaho hanohy hanao zay. ¹⁰ Laha tao amiko ty fahamarigna ndre Kristy, le tsy hangina ze fireharehako zay agne amy ty faritse ndre Akaia. ¹¹ Nanao akore? Satria tsy teako vao nareo? Andragnahare mahay. ¹² Vaho ty raraha ataoko le mboe ho ataoko avao, soa mete ahazahoako mangalake ty fitaraigna noho ty fagnakiagna ahike naho ty fitaraigna noho reo ze tea iareo hirehareha__te iareo le hisake manao asa mitove amy ze ataonay. ¹³ Te ty ndaty manahake zay le apostoly sandoke naho mpiasa mamitake. Iareo le manao sarentsare ty vatagne manahake ty apostole ndre Kristy. ¹⁴ Vaho zay le tsy mahavere, te na ty satana kea mampimboake ty vatagne manahake ty anjely ty fahazava. ¹⁵ Tsy mahavere sase laha manehi ty vata iareo manahake ty mpiasa ty fahamarigna reo mpiasane. Ty anjara iareo le ze maeva ty asa iareo. ¹⁶ Ataliliko ndraeke tihoe: "Ko apoko hisy hieretseretse tihoe adala raho. Te laha manao zay nareo, le tambeso manahake ty adala raho le soa hirehareha kele. ¹⁷ Ze taliliko mikasike toy fahatokia mirehareha toy le tsy arake ty talily ty Tompo, te mirehake manahake ty biloka raho. ¹⁸ Te fa maro ty ndaty ro mirehareha arake ty nofotse, le hirehareha avao kea raho. ¹⁹ Nagnina am-pifalea reo adala nareo. Le tihoe hendre ty vatanareo! ²⁰ Te mandefitse amy ty ndaty nareo laha magnandevo anareo mandane anareo, magnararaotse anareo, mandrambe ty vatagne ho ambone noho nareo, na laha mamofoke tampife anareo reke. ²¹ Ho taliliko amy ty fahafaham-barakanay te malelme loatse zahay tamy ty fanaova zay. Laha misy mirehareha__le mirehake manahake ty adala raho__Raho avao kea le hirehareha. ²² Hebreo vao iareo? Raho avao kea. Israelita vao iareo? Raho avao kea. Tarana ndre Abrahama vao iareo? Raho avao kea. ²³ Mpiasa ndre Kristy vao iareo? (Mirehake manahake ty ndaty vere zay raho.) Mihoatse noho zay raho. Mboe niasa mafe nihoatse noho zay kea raho, tagne am-pingandra matetike, tamy ty fofoke mihoatse ty fepetra, tamy ty fiatreha loza maro mahafate. ²⁴ Bak'amy ty alala reo jiosy ro nandraisako "fofoke efapolo latsake raeke" Indime. ²⁵ Entilo raho ro nifofohy tamy ty hetae. Ndraeke raho ro nitorahe vato. Intelo raho ro vake sambo. Nandane halike raeke naho andro raeke tegna an-dranomase raho. ²⁶ Nandeha matetike raho, tamy ty loza ty sihanake, tamy ty loza reo mondrava, tammy ty loza ty ndatiko manoka, tamy ty loza reo Jentilisa, tamy ty loza tagne amy ty tanà, tamy ty loza tagne amy ty tane tsy misy raraha, tamy ty loza tagne an-dranomasy, tamy ty loza bak'amy reo rahalahy sandoke. ²⁷ Fa tamy ty asa mafe naho zaka-sarotse raho, tamy ty halike misy torimaso, tamy ty hakere naho harandrano, tamy ty fifalia hane matetike, tamy ty nitse naho tsy fisikina. ²⁸ Ankoatse ty zaka hafa, misy tindre san-andro amiko noho ty fagnahiako amy ty fiangona iaby. ²⁹ Ia ro maleme, le tsy maleme raho? Ia ro manafintohy, le tsy mirehatse raho? ³⁰ Laha tsy maintse mirehareha raho, le hirehareha mikasike ze manheo reo fahalemeko. ³¹ Iaze Andragnahare naho Rae ndre Tompo Jesosy, iaze raeke ze antsay zisikam-parane, le mahay te tsy vande raho! ³² Tane Damaskosy, ty governora ambane ndre Areta mpanjaka le niambe ty tanà ndre Damaskosy soa hisambotse ahike. ³³ Te nampizotso tamy ty haro teo amy ty varavaran-kele raeke teoa amy ty fefe vato raho, le nikay ty tagnane.