1 Hihira hoahy ty asa ty fanenkea atokisa Yaveh mandrakizay zaho. Hanambara ty fahamarinanao amy ty tariha ho avy zaho. 2 Fa nivola hozao zaho; " Fa nenga mandrakizay ty fanenkea mahatoky; fe nenganao an-danitsy any ty hatonao.'' 3 Fa nanao fanenkea tamy azy nofinginiko Zaho, Fa nifanta tamy Davida mpanompoko Zaho. 4 Hampitoetsy ty tarihanao mandrakizay Zaho, sady hampitoetsy ty siazy fiadananao heniky ty tariha iaby ." Sela 5 Manompo ty hatserehanao ty lanitsy, lahy Yaveh; tompoa amy ty fiangona azy masy ty hatonao. 6 Fa ia an-danitsy any ro azo ampitovia amy Yaveh? Ia tamy ty anakilahy ndranahary ro mifanahaky amy Yaveh? 7 Ie le Ndranahary ze nanome voninahitsy bevata tamy ty fialan-kevitsy azy masy sady nahatseriky ty manodidy Azy iaby. 8 Ry Yaveh Ndranahary Tompo ty lako, ia ro mahery mandilatsy anao, lahy Yaveh? Atsiky anao ty hato nao. 9 Mifehy ty riaky mahery Iha; lafa manjeky rey, le mampieny Iha. 10 Nopotepotehinao manahaky ty olo vonoa i Rahaba. Naparitanao atmy ty sandrinao mahry fahavalonao rey. 11 Ahinao ty lanitsy, sady ty tany avao koa. Namboatsy zao tontolo zao noho ze kila raha aminy eo Iha. 12 Namoro ty antimo noho avaratsy Iha. Mifaly amy ty Anaranao i Tabara noho Hermona. 13 Mana sandry mahery noho tana mare Iha, sady anabo ty tananao ankavana. 14 Ty fahamarina noho ty fitsara ro ambany ty sieza fiadananao. Avy anatrehanao eo ty fanenkea atokisa noho ty famendreham-pitosika. 15 Sambatsy ty olo ze hanompo Anao! Yaveh o, mandeha amy ty fahazava ty vatanao ndrozy. 16 Mifaly amy ty anaranao mandrakizay ndrozy, sady amy ty fahamarinanao ro hanondrotany Anao. 17 IHa ro voninahitsy ty herindrozy, sady mpandresy amy ty fankahasitrahanao zahay. 18 Fa ahy Yaveh ty fiarovanay; ty mpanjakay le azy masy Israely. 19 Taloha tany le nivola tamy iazy mahatokinao tanay ty fahitanao Iha; hozao Tiasanao: "Fa nanenga satro-boninahitsy tamy mahery teo Zaho; Fa nanondrotsy raiky notinginy tamy olo rey zaho. 20 Nitingy an'i Davida mpanompoko Zaho; tamy ty soliky masy ro nahotsiko azy. 21 Hanoha azy ty tanako; hampahery azy ty sandriko. 22 Tsy misy fahavalo hamitaky azy; tsy misy fahavalo hamitaky azy; tsy misy anakilahy ty raty fanahy hampijaly azy. 23 Ho ravaravako alohany eo ty fahavalony rey; ho vonoako azy malayazy rey. 24 Ty fahamarinako noho ty fanenkeako matoky ro homba azy; ho mpandresy amy ty anarako ie. 25 Hengako anabo ty ranomasy eo ty tanany sady ty tana ankavanany anabo ty rano. 26 Hikaiky azy manao hozao ie: "Iha ro babako, lahy Ndranahariko, sady lafiam-bato ty famonjea ahy.' 27 Zaho avao koa ro hanenga ay hanahaky ty talanolo, azy anabo mare amy ty mpanjaka ty tany. 28 Hanitatsy ty fanenkeako mahatoky amy ty mandrakizay Zaho; sady ty fanenkeako aminy le ho voarao. 29 Hampaharitsy ty tarihany rey mandrakizay Zaho sady ty sieza fiadanany haharitsy manahaky ty habakabaky anabo eny. 30 Laha tsy mahafoy noho tsy manoriky ty lalako rey ty anany, 31 laha mandika ty lalako sady tsy midary ty lalako ndrozy, 32 le hanasazy ty fanabokandrozy amy ty tsorakazo Zaho sady ty hadisoany amy ty tsoka. 33 fa tsy hangalaky amy ty fitiavako tsy miova ndra hivaliky amy ty fampitaminiko Zaho. 34 Tsy handika ty fanekeko ndra hanova safa ty soniko rey Zaho. 35 Fa nifanta tamy ty fahamasinako indraiky avao Zaho---tsy havandy amy Davida zaho: 36 Tarihany rey le hitohy mandrakizay sady ty sieza fiadanany le haharitsy manahaky ty mahasoandro alohako eo. 37 Zay le hipetraky mandrakizay manahaky ty volana, azy vavolombelo tamany an-danitsy eny." Sela. 38 Fe Iha tsy nanenky noho tsy nanda; nimeloky tamy ty mpanjakanao nohosora. 39 Fa niala tamy ty fanenkea ty mpanomponao Iha. Fa tsy nampisy dikany ty satro-boninahitsiny tamy ty tany Iha. 40 Fa navorotsakinao ty rindriny iaby. fa noravanao ty fiarova mareny. 41 Ze nandalo iaby le fa nadrava azy. 42 Fa nanjary fitaova mampangaroharo amy rey namany rey ie. Nanondrotsy ty tana ankavana fahavalony rey Iha; nampifalianao iaby fahavalony rey. Navalikinao ty lela ty sabatsiny le tsy 43 hanaga ay lafa hialy. 44 Nofafanao ty fapiriahany; nampijotsoanao tamy ty tany ty sieza fiadanany. 45 Nihaborianao ty andro ty fahatanorany. Nahatssehanao henatsy ie. Sela 46 Ombia , lahy Yaveh? Hamony ty vatanao mandrakizay va Iha? Zisiky ombia ro hirehitsy manahaky ty afo ty helokinao? 47 Oh, eritrereto ty mikasiky ty haboria ty androko, noho namoronanao ty anak'olombelo iaby ho matimaty fahatany! 48 Ia ro afaky hiay le tsy ho maty, ndra hanavotsy ty ainy manoka amy tana ty fiaina tsy hita? Sela 49 Ry Tompo, aia ty asa ty fanenkeanao matoky taloha ze nifata i Davida tamy ty hatonao? 50 Tiarovo ,lahy Tompo, ty tondro sony natao tamy ty mpanomponao sady ty fomba nizaka ty fokoa rey safa raty lako baka amy firenena rey. 51 Nikoraky safa raty fahavalonao rey, lahy Yaveh; nitakiorindrozy ty lian-tomboky azy nohosorinao. 52 Ho tompoa mandrakizay lahy Yaveh. Amena, Amena. Boky faha efatsy.